SHBA i ka kërkuar Izraelit se duhet të jetë plotësisht “transparente” lidhur me një sulm ajror ku thuhet se u vranë të paktën 35 njerëz në një shkollë qendrore të Gazës, që ishte e mbushur me njerëz të zhvendosur.
Një avion luftarak hodhi dy raketa në klasat në katin e fundit të shkollës në kampin urban të refugjatëve Nuseirat.
Ushtria izraelite tha se kreu një sulm “të saktë” në një “kombinat të Hamasit” në shkollë, por Zyra e Mediave e Qeverisë së Gazës, e drejtuar nga Hamasi, mohoi pretendimin.
Zëdhënësi i Departamentit Amerikan të Shtetit, Matthew Miller, tha se Izraeli duhet të identifikojë publikisht luftëtarët e Hamasit që pretendon se i kanë vrarë. Izraeli shpesh identifikon militantët që i ka vënë në shënjestër në sulmet ajrore, por është e rrallë që SHBA-ja ta shtyjë atë ta bëjë këtë.
“Qeveria e Izraelit ka thënë se do të publikojë më shumë informacion në lidhje me këtë sulm, duke përfshirë emrat e atyre që vdiqën në të”, tha Miller.
“Ne presim që ata të jenë plotësisht transparent në bërjen publike të këtij informacioni.”
Vinicius dhe Bellingham dy favoritët, zbulohet data kur do të shpallet fituesi Topit të ArtëVinicius dhe Bellingham janë aktualisht favoritët e mëdhenj për të fituar Topin e Artë.
Por, ajo që dinë të dy lojtarët është se kur do të jepet Topi i Artë më 28 tetor. Këtë e ka bërë të ditur llogaria zyrtare në ‘X’ e Topit të Artë, ku shkruan se kandidatët do të shpallen më 4 shtator.
Ceremonia e ndarjes së çmimeve do të bëhet më 28 tetor në Théâtre du Châtelet në Paris. Në këtë edicion do të ketë dy çmime të reja, trajneri i vitit.
Pajtimi i Jennifer Affleck dhe Ben Affleck u zyrtarizua në dasmën e tyre në vitin 2022, rreth 18 vjet pasi ata ndërprenë fejesën e tyre, një fund përrallor të denjë për një film hollivudian.
Por duket se romanca e tyre nuk është më në baza të forta dhe, pas një sërë thashethemesh, burime pranë çiftit pohojnë se “nuk ka se si të funksionojë në planin afatgjatë”.
Për momentin, çifti po hesht për statusin e martesës së tyre, por Lopez, 54 vjeç, tashmë iu është dashur t’i mbyllë gojën e gazetarëve të cilët vazhdimisht e kanë inatosur duke e pyetur për divorcin e saj të përfolur me Affleck, 51, gjatë turneut promovues për filmin e saj Atlas’, në maj.
Këngëtarja gjithashtu duhej të anulonte turneun e saj ‘This Is Me’ mes spekulimeve se ajo dhe aktori janë ndarë: “Unë jam plotësisht e thyer dhe e shkatërruar që do tiu zhgënjej,” tha JLo, e cila tha se arsyeja e anulimit ishte ” merr kohë për të qenë me fëmijët e saj, familjen dhe miqtë e ngushtë”.
Por duket se kriza e martesës po e dëmton karrierën e suksesshme të JLo-së.
Rënia e perandorisë së JLo-së
Në sfond, turneu është rrënuar nga raportet për shitje të dobëta dhe, sipas Forbes, shumica e shfaqjeve do të ishin në vende kryesisht bosh në disa qytete. Fillimisht, turneu ishte për të promovuar albumin e saj të fundit, por ai solli shitjet prej vetëm 14,000 në javën e tij debutuese.
Sipas publicistit Edward Hopkins, anulimi i turneut është “thjesht tregues i gjendjes së marrëdhënies”, ndërsa dokumentari i saj i vetëfinancuar është një shembull tjetër i dështimeve të saj.
Lopez investoi 20 milionë dollarë nga paratë e saj për prodhimin e filmit, vetëm për të tërhequr kritika. Aktualisht, filmi ka një vlerësim prej vetëm 4.2/10 yje në IMDb.
Psikologu Jo Hemmings beson se JLo dhe Ben janë në një “fazë vendimtare” në martesën e tyre: “Ashtu si shumë çifte që kthehen së bashku për herë të dytë, mbijetesa e marrëdhënies së tyre varet nga vendosja e kufijve, kujtimi i tyre”.
“Ata janë në një pikë të brishtë, por të shpëtuar në marrëdhënien e tyre, duhet të përmbahen nga postimi i çdo informacioni në mediat sociale”.
Manchester City lufton në Premier League dhe tenton të ndryshojë rregullat e saj financiareManchester City është në luftë me Premier League. E hëna e ardhshme do të jetë shumë e rëndësishme në një mosmarrëveshje mes dy palëve. Lufta do të fillojë të zgjidhet javën e ardhshme në një arbitrazh gjyqësor privat.
Rezultati mund të ndryshojë në mënyrë drastike rregullat e futbollit anglez. Kjo pasi mund të çojë në heqjen e 115 akuzave kundër Cityt mbi rregullat financiare të vendosura nga Premier League.
Kjo seancë dëgjimore, e cila do të zgjasë më shumë se një muaj, mund të çojë në gjoba masive për pronarët e Cityt dhe madje një rënie administrative për skuadrën e Pep Guardiolës.
Në seancën, e cila fillon të hënën, City do të përpiqet t’i japë fund të ashtuquajturave rregulla APT (Associated Party Transactions) dhe do të kërkojë dëmshpërblim nga Premier League. Ky ligj parandalon një pronar që të vendosë para në një klub me mjete të pamonitoruara.
Rregullat APT u prezantuan në dhjetor 2021 pas marrjes së Newcastle nga Arabia Saudite. Ky rregull është krijuar për ta mbajtur Premier Leaguen konkurruese duke i parandaluar klubet nga fryrja e marrëveshjeve tregtare me kompanitë e lidhura me pronarët e tyre.
Nëse City është i suksesshëm në peticionin e tyre dhe disa klube rivale kanë frikë se do të jenë të suksesshëm, kjo mund t’i lejojë klubet më të pasura të vlerësojnë marrëveshjet e tyre të sponsorizimit pa një vlerësim të pavarur nga liga, gjë që do të rriste shumë sasinë e parave që ata mund të mbledhin – dhe në fund të shpenzojnë mbi transfertat.
19 klubet e tjera të Premier League janë ftuar të marrin pjesë në veprimet ligjore dhe The Times raporton se mes 10 dhe 12 kanë ecur përpara, që do të thotë se do të ketë një luftë civile midis Cityt dhe pjesës tjetër.
115 shkeljet e pretenduara midis 2009 dhe 2023 lidhen me marrëveshjet e supozuara të sponsorizimit të financuara nga kompani të lidhura me Abu Dhabi. City ka mohuar çdo keqbërje në lidhje me 115 akuzat.
Pensione sa për byrek e supë
Bislim Ademi nga fshati Bërrnicë e Poshtme i Prishtinës orvatet ta mbyllë muajin me pensionin e tij prej 198 eurosh.
Pjesa më e madhe thotë se i shkon për barna dhe fatura komunale.
Ai jeton vetëm, pasi bashkëshortja i ka vdekur vite më parë, dhe herë pas here merr ndihmë vetëm nga djali i tij që jeton jashtë vendit.
Kostoja e jetesës në Kosovë është rritur, sidomos prej vitit 2022 kur inflacioni ka marrë përpjetën.
Sipas të dhënave të Agjencisë së Statistikave të Kosovës, çmimet e produkteve dhe shërbimeve janë shtrenjtuar vazhdimisht në këtë periudhë.
Ndonëse ASK-ja nuk ka të dhëna se sa kushton shporta e konsumatorit, vendi ka ligje që kërkojnë rregullimin e pensioneve pikërisht sipas kostos së jetesës dhe inflacionit.
Qeveria kritikohet se ka dështuar në zbatimin e tyre.
E, në mesin e të prekurve më së shumti nga kjo, janë pensionistët, të ardhurat e të cilëve variojnë nga 100 euro pensioni i pleqërisë deri në 265 euro pensioni kontribut-pagues.
“Nevojtarë për lëmoshë”
“Atë ditë që e marr pensionin, jam mbret e çfarë të duash, sepse kam para… Pas tri ditësh, nuk më mbetet gati asnjë cent”, thotë Ademi për Radion Evropa e Lirë.
Dikur teknik i makinerisë, ai është pensionuar rreth dhjetë vjet më parë.
Kur merr pensionin, thotë se fillimisht siguron barnat për tensionin e lartë dhe diabetin dhe pastaj paguan faturat e rrymës, ujit dhe plehrave.
Për ushqim i mbeten pak para. Djali e ndihmon, por, siç thotë, nuk arrin vazhdimisht.
“Në mëngjes ha një byrek për 1.20 euro. Me atë e kaloj deri në darkë. Në mbrëmje hy diku dhe ha ndonjë supë, groshë ose diçka të tillë më të lirë… Drekën nuk mund ta ha, sepse po e hëngra, nuk mund ta siguroj darkën pastaj”, thotë Ademi.
Ai shkon gati çdo ditë nga fshati në Prishtinë – më pak se dhjetë kilometra larg – për të takuar miqtë e vjetër te Klubi i Pensionistëve.
“Kemi mbetur ashtu – siç thotë një fjalë – sadaka ihtiyac [nga turqishtja: nevojtarë për lëmoshë]. Jo vetëm unë, por të gjithë pensionistët ashtu jemi”, thotë Ademi.
IKD: Institucionet s’i zbatojnë ligjet
Sistemi pensional në Kosovë është i rregulluar në bazë të Ligjit për skemat pensionale të financuara nga shteti dhe Ligjit për metodologjinë e caktimit të lartësisë së pensionit bazë dhe caktimin e datës për sigurimin e pensioneve bazë.
Këto ligje parashohin harmonizimin e pensioneve me koston e jetesës dhe inflacionin një herë në vit, me propozim të Ministrisë së Financave.
Por, sipas një raporti të Institutit të Kosovës për Drejtësi (IKD), të publikuar më 24 maj, “shteti ka dështuar t’i zbatojë këto ligje” dhe në rast se vazhdon ta bëjë këtë, “do të përballet me padi në gjykatë”.
Naim Jakaj, nga IKD-ja, thotë se ky institut e ka ngritur tashmë këtë shqetësim te Zyra e Kryeministrit, Ministria e Financave, Punës dhe Transfereve, Kuvendi i Kosovës dhe kryetari i Komisionit parlamentar për Buxhet, Punë dhe Transfere dhe ka kërkuar prej tyre që të shqyrtojnë zbatimin e ligjeve për çështjen e pensioneve.
“U jemi drejtuar të gjithë krerëve që mund të kenë përgjegjësi të drejtpërdrejtë ose jo të drejtpërdrejtë për zbatimin e ligjeve. Në rast se nuk i marrin në konsideratë [këto shqetësime] brenda një afati optimal – kah muaji qershor – do të ngremë padi për moszbatim të ligjit”, thotë Jakaj për Radion Evropa e Lirë.
Radio Evropa e Lirë pyeti të gjitha institucionet që i përmend IKD-ja nëse e kanë shqyrtuar kërkesën e këtij instituti, por asnjëri prej tyre – përveç Komisionit parlamentar për Buxhet, Punë dhe Transfere – nuk u përgjigj.
Anëtari i këtij komisioni, Ferat Shala, nga Partia Demokratike e Kosovës në opozitë, tha për REL-in se në rast se çështja nuk do të nxirret në agjendën e komisionit në takimin e radhës, atëherë do të mund ta shtrojë ai vetë, si anëtar i komisionit.
Ai shtoi se nëse IKD-ja ka bazë ligjore për të ushtruar padi ndaj shtetit për shkelje të të drejtave të pensionistëve, atëherë ai do ta mbështeste një nismë të tillë.
“Pajtohem plotësisht. Pse të mos respektohet ligji dhe pse të shkelen të drejtat elementare të pensionistëve?”, tha Shala.
Kryetari i Komisionit parlamentar për Buxhet, Punë dhe Transfere, Armend Muja, nga Lëvizja Vetëvendosje në pushtet, nuk iu përgjigj pyetjeve të REL-it se a do ta ftojë ministrin e Financave, Punës dhe Tranfereve, Hekuran Murati, për të raportuar lidhur me shqetësimet e ngritura nga IKD-ja dhe kur.
Nga IKD-ja thonë se shuma e përcaktuar e pensioneve ndër vite ka qenë e pamjaftueshme për t’i mbuluar shpenzimet minimale të përfituesve.
Në këtë kontekst, sipas këtij instituti, më të rrezikuar janë përfituesit e pensionit bazë, apo të pleqërisë.
Në vitin 2002, ky pension ishte 28 euro. Deri në vitin 2019 arriti shumën prej 90 eurosh, me vendime të ndryshme të Qeverisë.
Rritja e fundit, në 100 euro, u bë në fillim të vitit 2022, në kuadër të Pakos së Ringjalljes Ekonomike, të cilën Qeveria e Kosovës e miratoi në kohën e pandemisë COVID-19.
“Asnjëherë nuk është bërë rritja [e pensioneve] në raport me kërkesat ligjore, sipas Ligjit për skemat pensionale dhe Ligjit për metodologjinë e caktimit të lartësisë së pensionit”, thotë Jakaj, duke iu referuar harmonizimit të nivelit të pensioneve me koston e jetesës dhe inflacionin.
Sipas të dhënave të Agjencisë së Statistikave të Kosovës, shkalla e inflacionit në Kosovë ka lëvizur ndër vite.
Në vitin 2019 ishte 2.7 për qind, në vitin 2020 ishte 0.2 për qind dhe në vitin 2021 ishte 3.4 për qind.
Kulmin e arriti më 2022 – si për shkak të pandemisë, ashtu edhe për shkak të pushtimit rus të Ukrainës – kur u përmbyll me normë mesatare rreth 12 për qind.
Vitin e kaluar dhe këtë vit, inflacioni është në rënie, por jo edhe çmimet e produkteve bazë.
Të dhënat e ASK-së për muajin prill të këtij viti tregojnë se çmimet e konsumit janë më të larta për 2.4 për qind krahasuar me periudhën e njëjtë të vitit të kaluar./REL
Recepsionistja e hotelit ku dyshohet se u vra Eraldo Novruzi ka treguar se 31-vjeçari kishte filluar punë vetëm pak ditë më parë.
Ajo tregoi se mes Eraldos, i cili punonte si recepsionist, dhe dhëndrit të pronares, Gerald Shehu nuk ka vënë re shenja afrimiteti.
Madje, punonjësja, e cila ndërroi turnin me 31-vjeçarin i cili dyshohet se u ekzekutua në një nga dhomat e stafit, tha se Erlado kishte ardhur duke kërkuar punë në hotel, pa asnjë njohje.
Ajo shtoi se ska dëgjuar zhurma gjatë natës apo të shtëna armësh, edhe pse në momentin kur dyshohet se ka ndodhur krimi ishte zgjuar.
Recepsionistja: Nuk ka shumë kohë që kishte filluar punë, tek 5 ditë. Ishte si tip i lëvizur, nuk më dukej shumë djalë i rregullt. Me Geraldin nuk kam biseduar shumë, më shumë me pronaren se ai ka pasur pjesën e restorantit. Mbrëmë në darkë rreth orës 10:30 mbylla turnin e më zëvendësoi ai. E kisha për ta mbaruar në 11 por erdhi më heret. Ne flemë këtu por skemi dëgjuar të shtëna. Kam qenë në dhomë, mami duke fjetur unë në celular.
Kjo na çuditi sepse nuk kishin asnjëlloj kontakti ndryshe nga të tjerët.
Ngjarjen e mora vesh sot nė 9 të mëngjesit. Mesa thonë ka ndodhur tek dhomat e stafit. Ai erdhi këtu dhe kërkoi punë si një i panjohur. Fillimisht tha se po kërkonte punë si barist. I thanë do presësh sa të hapet dhe fillo si receptiost.
A mund t’i japë fund AI testimit të kafshëve?Nga adhuruesit e kafshëve te teknikët e laboratorit, askush s‘dëshiron që kafshët të përdoren në testime shkencore.
Kjo bëhet për të ndihmuar që ilaçet dhe substancat e tjera të jenë të sigurta për përdorim eventual nga njerëzit.
Studiuesit kanë kërkuar prej kohësh alternativa për të mos përdorur kafshët. Sistemet e inteligjencës artificiale (AI) tani po e përshpejtojnë këtë punë.
Një aplikim i AI në këtë fushë është i thjeshtë, por thuhet se po rezulton efektiv, duke e përdorur atë për të kapërcyer të gjitha rezultatet ekzistuese dhe të disponueshme globale të testimit të kafshëve për të parandaluar nevojën për teste të reja të panevojshme.
Kjo është e dobishme sepse mund të jetë e vështirë për shkencëtarët të analizojnë të dhënat e dekadave për të gjetur dhe analizuar saktësisht se çfarë kërkojnë, thotë Joseph Manuppello, një analist i lartë kërkimor në Komitetin e Mjekëve të Mjekësisë Përgjegjëse, një organizatë jofitimprurëse në SHBA.
“Jam shumë i emocionuar për aplikimin e modeleve të AI si ChatGPT për të nxjerrë dhe sintetizuar të gjitha këto të dhëna të disponueshme dhe për të përfituar sa më shumë prej tyre,” thotë ai.
Thomas Hartung është profesor i toksikologjisë në Universitetin Johns Hopkins në SHBA, dhe gjithashtu drejtor i Qendrës për Alternativat ndaj Testimit të Kafshëve. Ai thotë: “AI është po aq i mirë sa njeriu, ose më mirë, në nxjerrjen e informacionit nga punimet shkencore.”
Kur bëhet fjalë për testimin e kafshëve, Prof Hartung thotë se nevoja për të kontrolluar kimikatet e reja është një nga arsyet kryesore. Dhe me më shumë se 1000 komponime të tilla të reja që hyjnë në treg çdo vit, ka shumë për t’u testuar.
Prof Hartung thotë se sistemet e trajnuara të AI kanë filluar të jenë në gjendje të përcaktojnë toksicitetin e një kimikati të ri.
“Duke pasur mjete në dispozicion ku mund të shtypim një buton dhe marrim një vlerësim paraprak, i cili po na jep disa flamuj “ja ku është një problem”… do të jetë jashtëzakonisht e dobishme.”
Prof Hartung shton se ndërsa sistemet softuerike janë përdorur prej kohësh në toksikologji, AI po ofron një “hap të madh përpara” si në fuqi ashtu edhe në saktësi.
“Kjo papritmas po krijon mundësi që nuk ishin aty më parë,” thotë ai, duke shtuar se AI tani është përfshirë në çdo fazë të testimit të toksicitetit. AI madje po përdoret për të krijuar ilaçe të reja në radhë të parë.
Sigurisht, sistemet e AI nuk janë perfekte në përcaktimin e sigurisë kimike. Një problem është fenomeni i njohur si paragjykimi i të dhënave.
Një shembull i kësaj është nëse një sistem AI dhe algoritmi i tij janë trajnuar duke përdorur të dhëna shëndetësore kryesisht nga një grup etnik.
Rreziku është se llogaritjet ose përfundimet e tij mund të mos jenë plotësisht të përshtatshme për njerëzit me përkatësi tjetër etnike.
Rusia arreston shtetasin francez dhe e akuzon për spiunazh ushtarakMoska ka arrestuar një shtetas francez të akuzuar për mbledhjen e informacionit në lidhje me aktivitetet ushtarake të Rusisë dhe dështimin për t’u regjistruar si “agjent i huaj”.
“Informacione të tilla, nëse merren nga burime të huaja, mund të përdoren kundër sigurisë së shtetit”, tha Komiteti Hetues i Rusisë (SK).
Gjithashtu publikoi pamje ku shihej momenti i arrestimit të shtetasit francez të paidentifikuar në një kafene në Moskë.
Një OJQ me bazë në Zvicër tha se këshilltari i tyre Laurent Vinatier u mbajt në kryeqytetin rus.
“Ne jemi të vetëdijshëm se Laurent Vinatier, një këshilltar në Qendrën për Dialog Humanitar (HD), është arrestuar në Rusi”, tha një zëdhënës i organizatës joqeveritare për agjencinë e lajmeve AFP.
“Ne po punojmë për të marrë më shumë detaje të rrethanave dhe për të siguruar lirimin e Laurent,” shtoi ai.
OJQ-ja thekson se aktiviteti i saj kryesor është “të parandalojë dhe zgjidhë konfliktet e armatosura në mbarë botën përmes ndërmjetësimit dhe diplomacisë diskrete”.
Franca nuk bëri asnjë koment të menjëhershëm për këtë çështje. Lidhjet midis Parisit dhe Moskës janë të tensionuara për shkak të pushtimit të plotë të Ukrainës nga Rusia në vitin 2022.
Si ndikon stresi në shëndetin e stomakut, çfarë duhet të diniStomaku është një organ shumë i ndjeshëm ndaj stresit. Nëse përpiqeni ta ‘hani stresin me bukë’ ushqyesit e produkteve në pjatën tuaj nuk do të përputhen siç duhet.
Stresi kronik mund të ndryshojë lëngjet gastrike që prodhohen në stomak, qarkullimin e gjakut, lëvizshmërinë e zorrëve, përshkrueshmërinë e mukozës në stomak dhe ndjeshmërinë e tij.
Stresi ka ndikim të drejtpërdrejtë në sistemin tretës.
Kur stresi godet, zorrët nuk përthithin ushqyesit, nuk përcjellin oksigjen dhe gjaku qarkullon 4 herë më pak në pjesët e aparatit tretës.
Për më tepër sekretimi i enzimave ulet me 20,000 herë.
Më poshtë do të gjeni disa këshilla fantastike që promovojnë shëndetin e stomakut dhe mirëqenies.
Neuronët në murin intestinal shpërndajnë të gjitha informacionet e nevojshme.
Kjo nxjerr në pah një lidhje të fortë mes trurit dhe stomakut, rrjedhimisht impaktin e stresit në këtë organ.
Kur jeni të stresuar, truri i dërgon stomakut mesazhe në formën e lëndëve kimike që shpërqëndrojnë punën e stomakut.
Një stomak i shëndetshëm ka nevojë gjithashtu për qetësi, terapi aromash, stërvitje, ushqyerje të mirë dhe mbi të gjitha shumë të qeshura.
E qeshura të zgjat jetën dhe mjekët mendojnë se e qeshura largon edhe stresin, duke prodhuar endorfina dhe duke ulur hormonin e stresit.
Stomaku do t’ju falenderojë dhe bakteret e mira do të punojnë për mirëqenien tuaj.
Antibiotikët shkatërrojnë bakteret e mira për të cilat kemi nevojë, bashkë me bakteret e dëmshme që na sëmurin.
Kjo prishje e harmonisë së brendshme shkakton probleme me larminë e baktereve në organizëm dhe ka një ndikim të rëndësishëm në shëndet.
Ushqimet e fermentuara prodhojnë baktere të mira, por sigurohuni që t’i prodhoni vetë ushqimet e tilla.
Ushqimet e blera në dyqane janë të pasterizuara, që do të thotë se shkaktojnë më shumë dëm se sa bëjnë mirë.
Disa prej ushqimeve të pasterizuara që rekomandohen për një stomak të shëndetshëm përfshijnë:
Sheqeri i rafinuar shkakton një sërë problemesh siç janë inflamacioni, shtimi në peshë dhe prishja e ekuilibrit hormonal.
Për më tepër, ky sheqer nxit formimin e baktereve të këqija dhe lëndon balancën e florës intestinale./AgroWeb.org
Po mblidhte bagëtitë, 62-vjeçari bie nga lartësia dhe humb jetënNjë 62-vjeçar ka humbur jetën pasi ka rënë nga lartësua në Qafë Shtamb teksa po mblidhte bagëtitë.
Ngjarja ka ndodhur në vendin e quajtur “Nojë” dhe po punohet për nxjerrjen e trupit të 62-vjeçarit.
Njoftimi i policisë:
Krujë/Informacion paraprak
Më datë 06.06.2024, në rrugën për një Qafë Shtamb, në vendin e quajtur “Nojë”, duke mbledhur bagëtitë dyshohet se ka rënë nga lartësia dhe ka ndërruar jetë shtetasi R. A., 62 vjeç.
Po punohet për nxjerrjen e trupit të 62-vjeçarit nga vendi ku ka rënë, ndërsa grupi hetimor po punon për sqarimin e rrethanave të ngjarjes.
