Day Archive“Më drejtove gishtin për ngacmim s*skual”- Meritoni përplaset me Eglën! Aktorja: Je i leshtë

Egla Ceno dhe Meriton Mjekiqi janë përplasur me njëri-tjetrin gjatë prime të sotëm, ku aktorja e ka quajtur moderatorin “leshko”, si edhe njeri që s’kupton.

Ndërsa Meritoni u shpreh se Egla i ka drejtuar gishtin për ngacmi seksual duke e akuzuar se bën lojëra për ta ulur.

Pjesë nga debati:

Meritoni: Bën lloj e lloj lojërash për të më ulur mua. Më tha marre kush të ka rritur ty

Egla: Jo nuk kam thënë kështu. Asnjëherë.

Meritoni: Më provokon për të më nxjerrë jashtë vetes. Ma drejtoi gishtin për ngacmim seksual.

Egla: S’ka shance, o je i leshtë dhe nuk kupton.

Meritoni: I kam thënë vajzave jua kam bërë ndonjëherë.

Egla: Nuk është kështu, është ndryshim i madh mes asaj që the dhe asaj ‘po i vjen marre një grua që të ka rritur ty’.

Meritoni: Më lër ta mbaroj, pse ndërhyn.

Mijëra protestues kundër pjesëmarrjes së Izraelit në Eurovision: Ju mbështesni gjenocidin

Organizimi i Eurovizionit të këtij viti është lënë në hije nga reagimet e një pjese të madhe të botës, për shkak të pjesëmarrjes së Izraelit në mes të luftës në Rripin e Gazës.

Mijëra protestues dolën në rrugët e Malmos, ku po mbahet konkursi, me flamuj palestinezë. Ndër sloganet që ata bërtisnin ishin: ” Ju mbështesni gjenocidin”, “Eurovizion, nuk mund të fshiheni, ju mbështesni gjenocidin” dhe “Liri në Palestinë”.

Në të njëjtën kohë, ata po bëjnë thirrje që Izraeli të përjashtohet nga Eurovision.

Në mes të protestave për pjesëmarrjen e saj në Eurovizion, përfaqësuesja e Izraelit Eden Golan ka falënderuar mbështetësit.

“Unë qëndroj në këtë skenë me kaq shumë krenari. Krenare për këngën tonë dhe punën e palodhur që kemi bërë për të. Krenare për vendin tim dhe njerëzit e tij. Ndjej dashurinë dhe mbështetjen tuaj nga kilometra larg se asgjë dhe askush nuk mund të më përkulë. Sonte ndaj zërin tonë dhe do të jap performancën më të mirë që mundem. Unë ju dua”.

Në të njëjtën kohë që organizatorët e Eurovizionit po përpiqen të bindin publikun se kjo nuk është një garë e lidhur me politikën, ka pasur shumë reagime për pjesëmarrjen e Izraelit.

Edhe pse publiku reagoi, për shkak të sulmeve ndaj Palestinës dhe bëri thirrje për përjashtimin e vendit, siç u bë me Rusinë, festivali e lejoi Izraelin të konkurronte.

Tata Martino mbyll dyert e Inter Miami për Angel Di Maria: Arsyet pse nuk do të luajë me Messin

Me thashethemet dhe spekulimet që qarkullojnë se argjentinasi Angel Di Maria mund të bashkohet me Inter Miami , realiteti është se për momentin është e pamundur që ai të luajë për skuadrën e Fort Lauderdale apo edhe me ndonjë ekip tjetër në MLS.

Megjithatë, ishte trajneri i Inter Miamit, Gerardo ‘Tata’ Martino, i cili i dha fund spekulimeve, duke deklaruar se për momentin ai “nuk e sheh mundësinë” që klubi të nënshkruajë me lojtarin për një ribashkim eventual dhe të dëshiruar me Lionel Messin.

Kështu Inter Miami do të kishte dy fitues të Kupës së Botës që e ngritën trofeun në Katar me Albiceleste.

Martino ishte i qartë dhe i fortë dhe në fakt nuk e preku çështjen e kufirit buxhetor të skuadrës që drejton: “I bëj jehonë gjithçkaje që thuhet dhe komentohet. E përsëris edhe një herë, nuk ka nevojë të komentoj cilësitë që ka Angel Di Maria”.

VMRO dhe koalicioni shqiptar “VLEN” bien dakord për “shtyllat kryesore” të Qeverisë së re

VMRO DPMNE-ja dhe koalicioni i opozitës shqiptare, VLEN, thanë se kanë arritur pajtueshmëri për “shtyllat kryesore” gjatë një takimi të shtunën për formimin e Qeverisë së re të Maqedonisë së Veriut.

Në një komunikatë për media pas takimit në Shkup, këto dy parti njoftuan se takimi mes liderëve partiakë ka zgjatur rreth tre dhe se ata janë pajtuar për parimet e përgjithshme të bashkëpunimit.

“Integrimi evropian, zhvillimi ekonomik, sundimi i ligjit dhe lufta kundër krimit dhe korrupsionit do të jenë shtyllat bazë të punës së qeverisë së re”, thuhet në komunikatën e përbashkët pas takimit të mbajtur mes delegacionit të VMRO DPMNE-së, të kryesuar nga Hristijan Mickoski, dhe drejtuesve të koalicionit VLEN, Arben Taravari, Izet Mexhiti, Bilall Kasami dhe Afrim Gashi.

Drejtuesit e dy kampeve politike kanë bërë të ditur se, nga java e ardhshme, bisedimet do të vazhdojnë mes grupeve të punës “për të gjitha çështjet deri në finalizimin e bisedimeve për bashkëqeverisje”.

VMRO DPMNE-ja i fitoi bindshëm zgjedhjet parlamentare më 8 maj dhe në përbërjen e re parlamentare do t’i ketë 58 deputetë nga 120 sa ka Parlamenti i Maqedonisë së Veriut.

Koalicioni opozitar shqiptar VLEN ia doli t’i fitojë 13 ulëse në Parlament dhe drejtuesit e tij kanë thënë se “janë përfaqësuesit legjitimë të shqiptarëve në qeverinë e ardhshme”.

Mickoski pritet që, pas inaugurimit të presidentes së re të shtetit Gordana Silanovska Davkova, ta marrë mandatin për formimin e kabinetit të ri qeveritar.

Ndërkohë, Fronti Evropian, i cili drejtohet nga Bashkimi Demokratik për Integrim (BDI) deri tani në pushtet, pretendon se përfaqësuese legjitime e shqiptareve, duke qenë se i ka fituar 19 ulëse në Parlament në zgjedhjet e 8 majit. Pjesë e këtij koalicioni ishin edhe partitë turke, rome dhe boshnjake.

Kryetari i BDI-së, Ali Ahmeti, tha të shtunën në një mbledhje të Frontit Evropian në Shkup se partitë shqiptare duhet të respektojnë një dokument, që sipas tij, është nënshkruar nga të gjitha partitë se “kusht për pjesëmarrjen në qeverinë e re do të jetë miratimi i ndryshimeve kushtetuese me qëllim vazhdimin e procesin të anëtarësimit të vendit në BE”.

“Ne, partitë politike të nënshkruara më poshtë, duke pasur parasysh situatën në të cilën ndodhet vendi, ndiejmë detyrimin se jemi të vendosur që tani dhe në të ardhmen të bashkëpunojmë dhe bashkëqeverisim vetëm me ato parti politike që pranojnë të mbështesin ndryshimet kushtetuese për integrimin e vendit në BE”, tha Ahmeti duke prezantuar dokumentin e partive shqiptare./REL

Theu xhamin e mjetit të turistëve italianë dhe u vodhi 2500 euro, arrestohet i liruari nga amnistia

Policia ka arrestuar autorin e grabitjes së një shume parash brenda automjetit të një çifti italian në Vlorë.

I sapoliruari nga Amnistia theu xhamin e makinës dhe mori brenda mjetit  2500 euro.

Uniformat blu janë vendosur në ndjekje të autorit të dyshuar dhe e kanë vendosur në pranga pasditen e sotme në lagjen 28 Nëntori.

Kur autori i ka piksur ka braktisur mjetin me të cilin lëvizte dhe ka tentuar të ikë me vrap.

Pas ndjekjes nga forcat e policisë për më shume se 10 minuta në lagjet e Vlorës është bërë e mundur arrestimi i tij.

Sipas informacioneve i ndaluari është 35-vjecari, Ervis Myrtaj, i cili sapo kishte dalë nga burgu pasi përfitoi nga amnistia 10 ditë më parë.

Sa të ardhura fiton Jennifer Lopez: A është JLo më e pasur se Ben Affleck?

Kur flisni për çifte të fuqishme, duhet të përmendni Jennifer Lopez dhe Ben Affleck.  Çifti që u ribashkuan pas disa dekadash të ndarë nga njëri-tjetri.

Të dy nuk janë vetëm aktorë shumë të aftë, por edhe producentë filmash dhe Jennifer Lopez gjithashtu ka një karrierë të jashtëzakonshme muzikore.

Por sa i përket të ardhurave që fitojnë, definitivisht nuk është Ben Affleck më i pasur. Në fakt, vlera neto e J-Lo është dyfishi i asaj të Ben Affleck. Ajo ka fituar të ardhura të konsiderueshme gjatë më shumë se 20 viteve të karrierës së saj në botën e argëtimit. Le të hedhim një vështrim në vlerën neto aktuale të Jennifer Lopez dhe sa ndryshon ajo nga vlera neto e burrit të saj.

Le të fillojmë me filmat, Jennifer Lopez aktualisht fiton rreth 10 milionë dollarë për film në të cilin ajo luan. Për “Selena”, ajo thuhet se është paguar 1 milion dollarë. Në televizion, Lopez u pagua 20 milionë dollarë për një sezon të pjesëmarrjes së saj në ‘American Idol’ si gjyqtare.

Në muzikë, J-Lo tashmë ka shitur mbi 80 milionë albume në mbarë botën dhe ajo thuhet se ka fituar 50 milionë dollarë për turneun e saj botëror Dance Again nga viti 2012. Nëse e llogarisim këtë dhe marrëveshjet e saj të shumta sponsorizimi, Forbes vlerëson se vlera neto e Jannifer Lopez është raportuar 400 milion dollarë. Kjo do të thotë se nëse ajo dyfishon vlerën neto të burrit të saj, Ben Affleck është ende shumë i pasur.

Ben Affleck e ka fituar pasurinë e tij pothuajse duke bërë filma si aktor dhe producent. Në fakt, Ben ka edhe vlerësime të shumta nga një karrierë që gjithashtu përfshin për më shumë se dy dekada. Ai shkroi dhe luajti në filmin fitues të çmimit Oscar ‘Good Will Hunting’ për të cilin mori një Oscar për skenarin më të mirë origjinal. Sipas Forbes, pasuria neto e Ben Affleck është 160 milionë dollarë. Për ata që po numërojnë, kjo është një total prej 560 milionë dollarësh që i bën ata një nga çiftet më të pasur të fuqisë në botë.

Kylian Mbappe te Real Madrid, paga, numri i mundshëm i fanellës dhe detajet e marrëveshjes

Kylian Mbappe ka zyrtaruar largimin e tij nga Paris Saint-Germain duke publikuar një video lamtumire në rrjetin e tij social Instagram.

Real Madridi është tani një hap më afër përfundimit të ndjekjes prej vitesh të francezit pas marrjes së këtij lajmi.

Në videon e publikuar, sulmuesi deklaroi se nuk do ta zgjasë kontratën e tij me skuadrën e Ligue 1 dhe do të luajë ndeshjen e tij të fundit në Parc des Princes të dielën.

Mbappe u emërua kapiten i skuadrës franceze gjatë Kupës së Botës 2022 dhe gjatë disa sezoneve të mëparshme, emri i tij është lidhur shpesh me një transferim te Real Madrid.

Lind pyetja, cilin numër fanelle do të marrë? Në çfarë pozicioni do të luajë për skuadrën e Los Blancos dhe sa do të paguhet? Le të hedhim një vështrim.

Numri i mundshëm i fanellës së Kylian Mbappe në Real Madrid 

Ndërsa madrilenët presin të shohin ardhjen e Kylian Mbappe në Santiago Bernabeu, Mundo Deportivo më herët raportoi se ylli francez do të veshë fanellën me nr. 10 pasi Luka Modric të largohet në përfundim të sezonit. Kroati shfaqet në numrin 10 për bardhezinjtë dhe po ashtu edhe Mbappe, për ekipin francez të futbollit ndërkombëtar.

Çfarë pozicioni do të luajë Kylian Mbappe për Real Madridin?

Vinicius Junior drejton një linjë sulmi të mbushur me yje për Carlo Ancelottin, por Mbappe mund të shtojë edhe më shumë forcë. Ka kuptim nëse Mbappe luan si sulmues dhe Rodrygo luan në krahun e djathtë pasi braziliani është i pandalshëm në krahun e majtë.

Një vështrim mbi pagën e Kylian Mbappe në Real Madrid 

Megjithatë, më pak se ajo që u ofrua vitin e kaluar! Mbappe do të duhet të marrë një ulje rroge në mënyrë që të luajë për 14-herë fituesit e Kupës Evropiane, të cilët po konkurrojnë për vendin e 15-të teksa përballen me Borussia Dortmundin në finale.

Fituesi i Kupës së Botës ishte ende në Monaco kur Madridi e ndoqi atë në 2017, dhe skuadra spanjolle nuk ishte pjesërisht e prirur të bënte një lëvizje sepse Mbappé kërkonte pagë prej 12 milionë euro në vit pas taksave, gjë që do të kishte shkelur pagën e atëhershme ekzistuese të klubit, strukturë, për të cilën klubi dhe presidenti Florentino Perez kujdeset shumë në prioritet.

Akordi për 5 vjetët e ardhshme, deri në 2029 do ta bëjë Mbappe lojtarin më të paguar në organikën e Realit të Madridit edhe pse redukton ndjeshëm pagën që merrte te PSG, duke kaluar nga 30 milionë euro neto në vit, te rreth 20 milionë që do të marrë në Spanjë, plus bonuset personale dhe të skuadrës.

Edhe shpërblimi për firmën sipas El Chiringuito, nuk do të jetë me dy zero, por 50 milionë euro.

I pasur me kolagjen, si të përgatisni lëngun e “rinisë” që ndihmon në uljen e moshës biologjike

Disa lëngje bëhen me qëllimin specifik për të përfituar nga vetitë e përbërësve të tyre për të përfituar shëndetin e trupit të njeriut. Në veçanti, është smoothie me karrota me xhelatinë natyrale, që konsiderohet të jetë çelësi për të luftuar efektet e brendshme të kalimit të viteve në trup.

Nga njëra anë, karota është një perime me vlera të mëdha ushqyese, pasi përmban vitamina (A, grupi B dhe C), minerale dhe antioksidantë ( si alfa-karoteni dhe luteina) që veprojnë në favor të organeve, ku qelizat qëndrojnë të reja duke i mbrojtur ato nga dëmtimi i radikaleve të lira.

Nga ana tjetër, ekziston xhelatina natyrale , e cila është bërë nga kolagjeni i marrë nga indet e kafshëve si lëkura, kockat dhe indi lidhës. Përbërja e tij ushqyese ofron një burim të madh kolagjeni, i cili ruan elasticitetin dhe qëndrueshmërinë e lëkurës, duke reduktuar shfaqjen e rrudhave. Gjithashtu redukton dhimbjet e kyçeve dhe ndihmon në rregullimin e nivelit të sheqerit në gjak.

Si ta përgatisni

Nëse dëshira juaj është të vononi plakjen në trup me kalimin e kohës, karotat dhe xhelatina natyrale mund të jenë aleatë të mirë, kështu që ju mund ta bëni këtë smoothie të shijshme, sipas Infobae :

Pritini karotat në copa të vogla që të grihen më lehtë, vendosini në blender dhe lërini të përzihen derisa masa të jetë homogjene.

Në fund të procesit, kullojeni lëngun  (nëse dëshironi të ruani fibrën, është mirë të mos e kulloni fare). Shtoni xhelatinën pa aromë në lëngun e karotës dhe përzieni me lugë derisa të bashkohet plotësisht.

BIRN: Shqipëria po plaket, por vendi mbetet jomiqësor ndaj moshës së tretë

Qindra pensionistë në Durrës nuk kanë mundësi çlodhjeje dhe argëtimi, ndërsa ata vetë ndeshen me probleme të mbijetesës financiare.

Shumica e të moshuarve të qytetit mblidhen çdo ditë në lulishten para godinës së Postës, aty ku disa dekada më parë ngrihej merkato e vjetër e qytetit bregdetar.

Në pranverë gjelbërimi e mbulon hapësirën, por aktualisht mungon shumica e stolave të lulishtes.

“Këtu duhet të sjellësh gjithçka me vete, nga gurët e shahut e deri te stolat për tu ulur,” tha Sami Veliu për BIRN.

Ai shtoi se që kur ka ardhur nga Skrapari në Durrës – para 20 vjetësh, në këtë lulishte e kalon kohën.

“Pensionin e kam të ulët dhe nuk ma mban të hyj e të shpenzoj në kafene”, shtoi ai.

Rrugicat e lulishtes pas orës 9 të mëngjesit mbushen me të paktën 10-12 grupe burrash që luajnë domino, shah apo me letra. Sipas Samiut mjaft prej tyre dalin edhe pasditeve.

“Janë më shumë se 50 – 60 vetë, që të gjithë të moshuar, të cilët e kanë gjetur si kalim kohe këtë vend,” tha ai.

“Por fatkeqësisht, jo vetëm që nuk ka një vend të mbuluar për stinën e dimrit, por edhe një banjo mungon – shtoi Sami Veliu, i cili është shumë kritik me institucionet vendore.

Sipas Samiut, Bashkia mund të krijojë edhe një strukturë prej druri, si ajo që ka ndërtuar prej kohësh Pogradeci në breg të liqenit për pensionistët e tij.

Jo të gjithë gjejnë mundësinë për të luajtur, dhe tifozët janë më të shumtë pranë tabelave të shahut, ku gara e përditshme është edhe më e fortë.

Shumica ulen në bordurat e çimentos, me nga një copë kartoni nën vete.

Sipas Institutit Kombëtar të Statistikave, INSTAT, mosha mediane në Shqipëri u rri nga 33-vjeç në vitin 2011, në 38-vjeç në vitin 2022. Por ndërsa vendi po plaket, strukturat e pushtetit vendor vazhdojnë ti kushtojnë pak vëmendje hapësirave rekreative për moshën e tretë.

Lulishtja para Postës është i vetmi vend ku mblidhen pensionistët durrsakë.

Tre kilometra më tej, në lagjen 18 në Spitallë ndodhet një banesë 1-katëshe, e ndërtuar ngjitur me kanalin e ujërave të larta.

Një sallë e madhe, me sipërfaqe gati 80 metra katrore është thuajse e braktisur, por edhe këtu të moshuarit nuk mungojnë.

Ata luajnë të gjithë në prag të banesës, së cilës i mungon porta kryesore.

“Ka më shumë se tre vjet që ne i nxjerrim tavolinat jashtë, pasi na thanë se ndërtesa është privatizuar,” tha për BIRN Myslim Abazaj.

“Kemi biseduar edhe me drejtuesit e bashkisë për pronësinë e saj, por askush nuk na thotë diçka të saktë,” shtoi xhaxha Myslimi.

Kjo banesë është ngritur 10 vjet më parë, dhe që nga dita e parë shfrytëzohet vetëm nga të moshuarit.

Në faqen e internetit të bashkisë, jepet informacion për Qendrën Ditore të të Moshuarve brenda në qytet, ndërsa mungojnë të dhënat për godinën që ndodhet përballë shkollës 9-vjeçare “Naim Babameto” në Spitallë.

Edhe në godinën e Spitallës mungon instalimi i ujit, e njëlloj nuk ka as banjo. Të moshuarit për nevojat e tyre detyrohen të shkojnë në lokalet pranë apo edhe në shtëpi, kur ato nuk janë larg.

Pensionistët janë të shqetësuar për të ardhmen e Qendrës, ku ata mblidhen prej vitesh.

“Spitalla është e mbushur me familje që erdhën pas viteve ’90 nga zonat rurale të vendit, dhe të ardhurat nga pensionet i kemi mjaft të të ulta,” tha Nazmiu, i cili ka jetuar më parë në Librazhd.

“Kur kemi një vend se ku të mblidhemi gjatë ditës, familjarët tonë janë shumë më qetë”, shtoi 76-vjeçari.

Në anën tjetër të qytetit, në lagjen nr 1, Dilaver Barushi, i ka shfrytëzuar ditët e para të diellit në det.

Me Xhinën, qenushin e tij të pandarë, ai e ka gjetur bregdetin si vendin më të mirë për të kaluar kohën.

Telashi i vetëm i Kavijes, siç e thërrasin miqtë, është vendosja e çadrës.

“Plazhi publik, ku laheshim prej disa vitesh u zu nga dikush tjetër, dhe ne nga halli kemi zënë vend në shkallët e Sfinksit,” tha për BIRN Dilaver Barushi.

“Këtu luajmë tavëll e shah, e po ashtu këtu hyjmë në ujë për të notuar,” shtoi ai.

Të moshuarit, që vijnë me biçikleta edhe nga lagje të tjera të qytetit bregdetar, e ndjejnë vehten me fat që kanë ujin pranë.

Sidoqoftë, nëse do të kishim plazhin publik, do të shfrytëzonim edhe rërën, thonë ata.

“‘Sfinksi’ është i gjithi prej çimentoje dhe nuk rrimë dot rehat,” përfundoi Dilaver Barushi. /BIRN

Në foto: Dritat e Veriut verbojnë anembanë botës