Day ArchiveAdisi i ulet në gjunjë! Fifi merr propozimin për martesë në skenën e DWTS

Ajo tha “Po”! Fifi ka marrë propozimin për martesë në skenën e Dancing With The Stars, mbrëmjen e sotme.

Adis Patushi iu ul në gjunjë, pasi këngëtarja mbaroi performancën në spektalin ku edhe është konkurrente.

Të dy të emocionuar shpërthyen në lot në atë moment, teksa edhe Fifi u ul në mes të skenës.

“Po”, dëgjohet duke thënë Fifi, ndërsa audienca ka nisur të brohorasë dhe të duartrokasë

Fifi dhe ish-bashkëshorti i Adrola Dushit, janë prindër të një djali të quajtur Theo Mal, që erdhi në jetë më prill 2023.

Ndërkohë, Adisi ka edhe një djalë, Troin, me ish partneren e tij modele.

“Më sollën foton e Ergysit të vrarë! S’e dija që merrej me drogë”- Xhoana: Mohuan atësinë e djalit

Ish-konkurrenjta e “Love Island”, Xhoana Kurti ka treguar momentin kur zbuloi se babai i djalit të saj, Ergys Dashi u vra në Ekuador rreth 2 vite më parë.

Ajo ka treguar se i sollën foton e Ergys Dashit të vrarë, ndërsa theksoi se atë ditë nuk ndjehej mirë dhe i kishte kërkuar partnerit të saj që të mos dilte nga shtëpia.

Xhoana u shpreh se nuk e dinte që ai merrej me drogë, por vetëm që kishte një kompani bananesh atje.

“Më kanë sjellë foton e tij të vrarë në tokë. Kam bërtitur shumë ‘Kanë vrarë Ergysin’ se isha me një shoqe. Po merrja në telefon njerëzit atje, se kam jetuar në Ekuador me Ergysin. Po shpresoja të ishte gjallë, pasi ishte me kurriz. Kur më konfirmuar vdekjen thjesht jam mpirë, nuk mbaj më mend asgjë.

Atë ditë nuk isha mirë, isha në ankth. I thashë “Mos dil nga shtëpia”. E dija që ishte përfshirë në probleme, por jo aq madhore. Më mbante larg punëve që ai merrej, madje e dija kishte kompani bananesh. Më tha që më pëlqen të jetoj këtu, se kam pasur problemet e mia në Shqipëri. Kaq dija nga ai”, thotë Xhoana Kurti.

Ajo tregoi se pas vdekjes së Ergysit, familja dhe miqtë e tij i dolën kundër duke mohuar se fëmija ishte i viktimës.

Xhoana u shpreh se e gjitha u bë për pasurinë e Ergysit, por theksoi se i kishte kërkuar që thjesht ta linin rehat, pasi nuk i interesonte.

“Në fillim kisha vështirësi, nuk kam pasur asnjë afër. Kisha shumë veta kundër, isha thjesht një fëmijë, 21-vjece shtatzënë. Filluan të mohonin fëmijën, ‘jo nuk është i tij’. E gjitha u bë për pjesë pasurie. Unë hoqa dorë ‘i thashë kam qenë e lidhur me personin në fjalë, jo me pasurinë. Thjesht më lini rehat’. Kam pasur shumë fjalë, jo ku del ajo, ja po del. Familja dhe shoqëria e tij”,  shtoi ish-konkurrentja e “Love Island”.

Ergys Dashi, me origjinë nga qyteti i Durrësi, u ekzekutua në një atentat mafioz në zemër të Guayaquilit të Ekudorit më 23 Janar 2022.

Ai u ekzekutua  brenda një restoranti kur Xhoana Kurti ishte 9 muajshe shtatzënë.

“Kur ex-i vdiq unë isha 9 muajshe shtatzënë. Jam mami i një djali. Ai tani është një vjeç e gjysmë. Isha vetëm 21 vjeç. Do doja ta shikoja fëmijën tim me të atin, bebi do të rritet me mua”, tha ajo brenda spektaklit.

Viktima ishte ulur në restorant, ku dy persona njëri prej tyre me një buqetë me lule në dorë u futën brenda lokalit dhe e qëlluan për vdekje. Gjithashtu në këtë atentat mbeti e plagosur dhe Angie Romero, 26 vjeçe, e cila ndodhej e ulur fare pranë tavolinës që qëndronte viktima.

Dashi në vitin 2014 është arrestuar nga policia po për kultivim droge, si pjesë e një operacioni që çoi prapa hekurave 32 persona.

Kosovari mbytet në Bunë, FSK në Shqipëri për gjetjen e trupit të tij

Një shqiptar i Kosovës është mbytur tragjikisht në lumin Buna.

Për gjetjen e trupit të tij, në Shkodër kanë shkuar Forcat e Sigurisë së Kosovës, me kërkesë të autoriteteve shqiptare.

Kontigjenti i specializuar ka mbërritur në Bunë në orët e para të mëngjesit të sotëm.

“Kontingjenti i specializuar i FSK-së dërgohet në Shqipëri gjetjen e trupit të shtetasit të Kosovës të zhdukur në lumin Buna.

Me kërkesë të autoriteteve të Republikës së Shqipërisë, sot në orët e para të mëngjesit një kontigjent i specializuar i Forcës së Sigurisë së Kosovës ka zbarkuar për një mision humanitar të kërkim-shpëtimit për gjetjen dhe nxjerrjen e trupit të shtetasit të Kosovës që humbi jetën tragjikisht në lumin Buna”, thuhet në njoftimin e Forca e Sigurisë së Kosovës.

5 trofe brenda vitit, Manchester City bën historinë me fitoren e Kupës së Botës FIFA

Julian Alvarez shënoi dy gola teksa Manchester City fitoi Kupën e Botës FIFA për klube për herë të parë duke mundur brazilianët Fluminense në Arabinë Saudite.

City është skuadra e parë angleze që fitoi pesë trofe në një vit kalendarik. Premier League, FA Cup dhe Champions League sezonin e kaluar u pasua nga Superkupa e UEFA-s në gusht dhe tani Kupa e Botës FIFA

“Ishte një vit i jashtëzakonshëm”, tha Guardiola. “Sot mbyllëm kapitullin. Fituam gjithçka që mundëm. Tani është koha për të provuar përsëri.”

Fitorja e Cityt në Jeddah përfundoi një vit të mbushur me trofe dhe të paharrueshëm për klubin.

Edhe pse fitimi i Kupës së Botës për Klube shpesh ka pasur më pak rëndësi për skuadrat angleze, Guardiola kishte folur për vendosmërinë e tij për të ngritur trofeun që ai besonte se do të kompletonte koleksionin e Cityt.

Ndërsa kjo ishte paraqitja e tyre e parë në turne, Guardiola e kishte fituar më parë me Barcelonën dhe Bayern Munich dhe nënvizoi dëshirën e tij për të triumfuar sërish duke përmendur një formacion të fortë.

Rezultati ishte një paraqitje dominuese nga kampionët në fuqi të Premier Ligës. 

“Ne ishim pak me fat në fillim, morëm topin dhe shënuam herët dhe më pas ata patën një 10-12 minuta të pabesueshme që të bënë të kuptosh sa e vështirë do të ishte”, shtoi Guardiola.

“Goli i dytë na ndihmoi, por ndoshta nuk e merituam. Ne rregulluam diçka në pjesën e dytë dhe ishim shumë, shumë më mirë”, shtoi ai.

Vendet më të rrezikshme në botë për udhëtim në 2024, si kategorizohet Shqipëria

A po planifikoni një udhëtim jashtë vendit në muajt në vijim? International SOS rendit vendet që paraqesin rrezik maksimal për udhëtarët në 2024, dhe gjithashtu ato që janë më të sigurta.

Sipas hartës së përpiluar nga kompania e vlerësimit të rrezikut, renditja e vendeve bazohet në disa të dhëna, duke përfshirë sigurinë, rreziqet mjekësore, si dhe ndikimin e ndryshimeve klimatike.

Shqipëria, e cila priti rreth 10 milionë turistë në vitin 2023, paraqitet me “rrezik mesatar mjekësor” e “rrezik të ulët të sigurisë.”

Po ashtu me ndikim të ulët paraqitet edhe sa u përket çështjeve klimatike.

Ndërsa në faktorin e katërt, që merr në vlerësim “shëndetin mendor”, 10-12.5% e popullsisë vuajnë nga probleme të shëndetit mendor (përfshin depresionin, ankthin, çrregullimet e të ngrënit dhe skizofreninë).

Rajoni 

Sa u përket rreziqeve shëndetësore, Serbia dhe Maqedonia e Veriut janë në të njëjtën kategori me Shqipërinë, ndërsa Kosova, Mali i Zi dhe Bosnjë-Hercegovina përfshihen në kategorinë me “rrezik shumë të lartë”.

Të gjitha vendet e rajonit paraqesin rrezik të ulët sa i përket sigurisë, ndikimit në ndryshimet klimatike dhe shëndetit mendor.

Rreziqet e sigurisë 

Shtetet afrikane si Libia dhe Sudani i Jugut janë shfaqur si vende me rreziqe “ekstreme” të sigurisë, e cila është e lidhur me vende me “kontroll minimal ose jo-ekzistent të qeverisë, ligjit dhe rendit dhe shërbime qeveritare dhe transport mezi funksional, sipas International SOS.

Vendet me rrezik “të lartë” të sigurisë vuajnë nga protestat që janë shpesh të dhunshme dhe mund të cenojnë të huajt. Venezuela, Pakistani dhe Birmania bëjnë pjesë në këtë kategori.

Në të kundërt, vendet skandinave janë ndër vendet më të sigurta për sa i përket sigurisë. Metrika vlerëson kërcënimet e shkaktuara nga dhuna politike dhe trazirat sociale, krahas përhapjes së dhunës dhe krimeve të vogla.

Islanda, Norvegjia, Finlanda, Danimarka dhe Grenlanda janë klasifikuar të gjitha si vende me rreziqe “të parëndësishme” të sigurisë.

Zvicra dhe Sllovenia janë gjithashtu ndër vendet me më pak rreziqe sigurie.

Rreziqet shëndetësore 

Vendet me rreziqe mjekësore “shumë të larta”, të cilat vlerësohen në bazë të prevalencës së sëmundjeve infektive si Covid dhe standardit të shërbimeve mjekësore emergjente, përfshijnë Afganistanin dhe Korenë e Veriut, së bashku me disa vende afrikane, përfshirë Sudanin dhe Libinë.

Shtetet me më pak rreziqe mjekësore përfshijnë SHBA-në, Kanadanë, Japoninë, Australinë dhe Singaporin.

Të kesh akses në kujdesin shëndetësor gjatë udhëtimit është një shqetësim kryesor për njerëzit – me 60% të udhëtarëve që thonë se potenciali për t’u përballur me një urgjencë mjekësore gjatë një udhëtimi është një faktor kryesor për të blerë sigurimin e udhëtimit.

Ofruesit e kujdesit parësor shëndetësor zakonisht nuk mbulojnë koston e lëndimeve ose sëmundjeve të pësuara jashtë shtetit, të cilat mund të çojnë në shpenzime të konsiderueshme nga xhepi, tha James Clark, specialist në kompaninë e sigurimeve Squaremouth.

International SOS gjithashtu renditi vendet bazuar në ndryshimet klimatike dhe se si mund të çojë në kriza dhe fatkeqësi humanitare. Megjithëse për udhëtarët, kjo mund të mos jetë ende një çështje shqetësimi.

“Ne po shohim që këto rreziqe po bëhen më të ndërvarura. Për shembull, përkeqësimi i kushteve klimatike mund të çojë në një rritje të rreziqeve mjekësore, në veçanti zhvillimin e sëmundjeve të reja, ose rritjen e frekuencës së sëmundjeve ekzistuese” – tha Noriko Takasaki, drejtor i sigurisë në International SOS. /Monitor

Mbyllet kompania e trenave me shpejtësi të lartë Hyperloop One Kujdes gjatë s*ksit! Lëndimi gjatë festave që mund t’i çojnë burrat në spital

Në veçanti, sipas një studimi më të ri, mjekët gjermanë zbuluan se shkalla e lëndimeve të penisit arrin kulmin gjatë sezonit festiv, duke rritur incidencën e frakturave të penisit.

Thyerja e penisit është një dëmtim që ndodh gjatë marrëdhënieve seksuale dhe duhet të trajtohet kirurgjikisht brenda pesë orëve. Megjithëse penisi nuk është kockë, dëmtimi shoqërohet me një “krisje” si zhurma e një frakture, dhimbje të forta, humbje ereksioni dhe çrregullime të urinimit dhe ndonjëherë shoqërohet me këputje ose dëmtim të uretrës. 

Kjo shkakton një çarje të korporatave kavernoza, përgjegjëse për ereksionin, dhe në të vërtetë me efekte serioze afatgjata në funksionin seksual dhe urinar.

“Ajo është një luftëtare”- Celine Dion në “betejë” me sëmundjen për t’u rikthyer në skenë

Lufta e Celine Dion për rikthimin në skenë do të vazhdojë. 55-vjeçarja, e cila ka humbur kontrollin e muskujve për shkak të sindromës së personit të ngurtë, po punon shumë për të kapërcyer gjendjen e saj.

“Celine është një luftëtare”, tha një burim i brendshëm për  US Weekly. “Ajo nuk ka aq shumë kontroll mbi muskujt e saj si më parë, por ajo po punon me mjekë dhe terapistë fizikë për t’u përmirësuar.”

Gjithashtu shtoi se Celine ka marrë kohë për t’u fokusuar në shëndetin e saj, por ka në plan të dalë sërish në skenë pasi t’i jepet miratimi nga ekipi i saj mjekësor.

“Ajo po qëndron pozitive dhe optimiste dhe po bën terapi fizike çdo ditë. Rikthimi në skenë është ëndrra e saj, edhe nëse nuk mund të këndojë më; ajo thjesht dëshiron të shohë ato fytyra që shkëlqejnë.”

Sindroma e personit të ngurtë është një ‘çrregullim i rrallë neurologjik autoimun që më së shpeshti shkakton ngurtësi të muskujve dhe spazma të dhimbshme që vijnë dhe shkojnë dhe mund të përkeqësohen me kalimin e kohës.

Fituesja e Grammy-t u pa për herë të fundit në një lojë hokeji në Las Vegas me binjakët e saj Eddy dhe Nelson, 13 vjeç dhe djalin më të madh Charles-Rene, 22-vjeç.

Artistja e Power of Love njoftoi dhjetorin e kaluar se ajo ishte diagnostikuar me sindromën e personit të ngurtë dhe do të largohej nga skena. 

Trekëndëshi i dashurisë në burg! I dënuari s*ks në telefon me një punonjëse, lidhje me infermieren

Harry Pullen, 25-vjeçari i dënuar droge në Britani , është kapur duke bërë seks telefonik me një punonjëse burgu.

I riu shantazhoi punonjësen 26-vjeçare Ruth Smailo që të bënte seks në telefon me të pasi e kërcënoi me familjen e saj. Raportohet se ngjarja ndodhi midis dhjetorit 2020 dhe prillit 2021.

Por Pullen kishte një marrëdhënie edhe me një punonjëse tjetër, infermieren 25-vjeçare Elise May Hibbs, e cila punonte në të njëjtin burg.

Metoda e 25-vjeçarit me të dyja punonjëset e burgut ishte e njëjtë: Kërcënime ndaj tyre dhe familjeve të vajzave.

Hibbs kontaktonte me Pullen përmes Instagramit, pasi 25-vjeçari kishte arritur të kishte fshehurazi një iPhone në burg.

Sipas avokatëve të saj, i dënuari për drogë ishte një njeri jashtëzakonisht manipulues, duke shtuar se infermierja ishte “e re, e papërvojë dhe e pambrojtur ndaj ndikimit të burgosurit që donte të përfitonte prej saj”.

Ajo dha dorëheqjen nga burgu në korrik 2021 dhe është arrestuar. 25-vjeçarja pranoi në polici se kishte një lidhje me të dënuarin, por edhe se Pullen e kishte kërcënuar ndaj kishte frikë të ndahej me të.

“Më ka kërcënuar shumë herë. Ai tha se e dinte adresën time, se do të më hidhte në erë makinën dhe do të vriste macet e mia”, tha Hibbs.

Në telefonatat mes tyre ata folën për partnerin e Hibbs dhe sesi Pullen donte që infermierja të kishte një lidhje me të.

Ai i tha se e donte, por 25-vjeçarja pretendon se kurrë nuk kanë pasur marrëdhënie seksuale. Gjykata vendosi që Hibbs vazhdoi lidhjen pavarësisht se e dinte se ishte e gabuar. 

Në fund të seancës, Smilo u lirua nga akzuat, por pasojat për Hibs ishin më të rënda. Infermierja u burgos për gjashtë muaj dhe u përjashtua për një vit për shkak të marrëdhënies së saj me të burgosurin.

Pullen nga ana tjetër u transferua në një burg tjetër.

Temperatura deri -1 gradë Celsius, si parashikohet moti për fundjavën

Gjatë fundjavës në vendin tonë temperatuarat minimale do të arrijnë deri në -1 Gradë Celsius.

Situata metorologjike do të ndihkohet nga depërtimi i masave ajrore me origjinë nga Anticikoni i Azoreve si dhe masat e ngrohta jugore.

Të shtunën moti do të jetë relativisht i qëndrueshëm me kthjellime dhe alternime vranësirash, të cilat do të pasohen me reshje shiu me intensitet të ulët në veri dhe qendër të vendit në formë shtrëngatash afatshkurtra.

Ditën e Dielë moti parashikohet i qëndrueshëm, me kthjellime dhe vranësira të larta transparente.

Parashikimi i motit nga SHMU:

Këtë javë depërtimi i masave ajrore me origjinë nga Anticikoni i Azoreve si dhe masat e ngrohta jugore do të ndikojnë në situatën meteorologjike që do të përjetojmë.

Ditën e Shtunë moti do të jetë relativisht i qëndrueshëm me kthjellime dhe alternime vranësirash, të cilat do të pasohen me reshje shiu me intensitet të ulët në veri dhe qendër të vendit në formë shtrëngatash afatshkurtra. Era do të jetë juglindje-jugperëndim me shpejtësi 1-8m/s, përgjatë bregdetit 10-13m/s shoqëruar me valëzim të forcës 2-3ballë.

Ditën e Diel moti parashikohet i qëndrueshëm, me kthjellime dhe vranësira të larta transparente. Era do të jetë me drejtim 1-7m/s, ndërsa përgjatë vijës bregdetare hera-herës arrin deri 12m/s. Valëzimi në dete do të jetë i forcës 1-3ballë. Nuk do të mungojë mjegulla e mjegullina në zonat luginore gjatë orëve të mëngjesit.