Day ArchiveGrushta e shkelma/ PAMJET e sherrit në lokalin e Prishtinës ku vdiq 39-vjeçari

Mediat në Kosovë kanë publikuar një video që tregon sesi ndodhi sherri një natë më parë në një lokal në Prishtinë, një ngjarje e rëndë kjo ku për pasojë humbi jetën 39-vjeçari Kastriot Ramadani.

Në video duket momenti kur një grup djemsh nisin të grushtohen me njëri-tjetrin dhe nga përleshjet, lokali përfshihet nga rrëmuja, me karrige të përmbysura.

Gjatë konfliktit, qëllohet edhe me armë zjarri dhe si pasojë, 39-vjeçari humbi jetën në spital, ndërsa disa të tjerë u plagosën, një pjesë e tyre me armë zjarri dhe të tjerë nga copat e xhamave.

Sipas mediave në Kosovë, gjithçka nisi pas një ftese për t’u bashkuar në një tavolinë mes dy grupeve që ndodheshin në lokal.

Hysi Geci, pjesëtar i FSK-së, ndodhej nën shoqërinë e Dukagjin Nikollajt i njohur me nofkën “Duka” dhe Kastriot Ramadanit që mbeti më vonë i vrarë.

Ata ftuan Andi Pajazitin i njohur me nofkën “Italiani” në tavolinën e tyre. Për shkak të një konflikti të mëparshëm ata e sulmuan “Italianin” me një shishe birre. Pas kësaj grupet nxorën armët dhe gjuajtën në drejtim të njëri-tjetrit.

I paralizuari rifiton lëvizjet falë inteligjencës artificiale, i fusin mikroçipe në tru

Më 18 Korrik 2020, Keith Thomas u zhyt në një pishinë por ajo rezultoi fatale për të. Qafa e tij u thye dhe ai u paralizua.

Por Keith nuk i humbi shpresat. Thomas mësoi për një provë klinike, e cila implanton mikroçipe në trurin e tij dhe zhvillon algoritme të inteligjencës artificiale (AI) për të rilidhur trurin e tij me trupin dhe palcën kurrizore.

Bypassi i dyfishtë nervor formoi një urë elektronike që lejoi që informacioni të rrjedhë edhe një herë midis trupit dhe trurit të paralizuar të Thomas për të rivendosur lëvizjen dhe ndjesitë në dorën e tij.

“Unë jetoja në Manhattan, punoja në një kompani financiare, bëja menaxhim e pasurisë. Ishte 18 Korrik, shkova te miqtë e mi jashtë në Montauk. Morëm një shtëpi me qira dhe mora një vendim të keq dhe u futa në fund të cekët të pishinës dhe theva qafën. Përfundova në spital për tetë muaj, gjë që ishte shumë e vështirë.”

Operacioni zgjati 15-orë dhe u krye në 9 Mars të këtij viti në Spitalin Universitar North Shore. Chad Bouton, profesor në Institutin e Mjekësisë Bioelektronike në Institutin Feinstein, zëvendëspresident i inxhinierisë së avancuar në Northwell Health, dhe që udhëheq provën klinike, tha se ekipi i tij kaloi vite duke u përpjekur për të zhvilluar këtë inovacion.

“Dëmtimi që ka pësuar Keith i ka shkaktuar atij aftësinë për të lëvizur duar dhe krahët, paaftësi për të ecur. Ne mendojmë se është e mundur të aplikojmë këtë lloj teknologjie dhe këtë qasje të re në pjesët e poshtme të trupit, gjymtyrët e poshtme, këmbët. Të ndihmuar nga inteligjenca artificiale, ne mund të rilindim disa neurone në palcën kurrizore që janë të dëmtuara. Kështu që unë mendoj se e gjithë kjo paraqet shumë, shumë sfida dhe është shumë, shumë e vështirë për sa i përket jetës së përditshme. Kështu që qëllimi ynë në këtë studim klinik ishte të rilidhënim trurin me trupin dhe me palcën kurrizore, për të promovuar atë që ne e quajmë plasticitet, dhe qëllimi është lëvizje dhe ndjesi e qëndrueshme.”

Në vitin 2016, shkencëtarët publikuan gjetjet e tyre sesi nëpërmjet inteligjencës artificiale, njeriu mund të ringrihet pas një aksidenti fatal. Sipas tyre prova klinike, e cila implanton mikroçipe në trurin e tij dhe zhvillon algoritme të inteligjencës artificiale (AI) për të rilidhur trurin e tij me trupin dhe palcën kurrizore është fjala e fundit e teknologjisë.

Thomas, 45 vjeç, nga Massapequa, Nju Jork, është njeriu i parë që përdor teknologjinë, sipas Institutit Feinstein.

Instituti Feinstein kaloi muaj duke hartuar trurin e Thomas duke përdorur MRI për të ndihmuar në përcaktimin e zonave përgjegjëse për lëvizjen e krahut dhe për ndjesinë e prekjes në dorën e tij.

“Kirurgjia është më e madhe se unë duke u përpjekur të fitoj pavarësinë. Unë tani lëviz vetëm krahun tim kaq shumë, kështu që ka qenë një ndryshim mjaft i madh. Dhe tani po pres të rifitoj më shumë forcë në mënyrë që të fshij lotët nga sytë, ose thjesht të kem një moment privat për veten time që nuk e kam pasur kurrë. Dua të falënderoj Çadin që më dha këtë mundësi.”

Pas operacionit dhe një periudhe rikuperimi, Thomas u lidh me një kompjuter përmes dy portave që i dilnin nga koka. Kompjuteri përdor AI për të lexuar, interpretuar dhe përkthyer mendimet e tij në veprim, e njohur si terapi e drejtuar nga mendimi dhe themeli i qasjes së anashkalimit të dyfishtë nervor.

Sipas shkencëtarëve, terapia e cila drejtohet nga inteligjenca artificiale përkthen mendimin e Thomas për të lëvizur krahun, gjymtyrët e tjera, e cila më pas dërgon sinjale elektrike nga implanti i trurit të tij në një kompjuter. Kompjuteri më pas dërgon sinjale që vendosen mbi shtyllën kurrizore dhe muskujt e dorës.

Sensorët e vegjël në majë të gishtave dhe pëllëmbës së tij dërgojnë informacione të prekjes dhe presionit në zonën ndijore të trurit të tij për të rivendosur ndjesinë. Kjo urë elektronike me dy krahë formon anashkalimin e dyfishtë nervor që synon të rivendosë lëvizjen dhe ndjenjën e prekjes.

“Kjo lloj ure ose urë elektronike do të ndihmojë në rikualifikimin e palcës kurrizore dhe forcimin e lidhjeve brenda palcës. Dhe kjo tashmë po tregon rezultate dhe ka aplikime jo vetëm në dëmtimin e shtyllës kurrizore.”

Kur Thomas mbajti dorën e motrës së tij dhe ndjeu prekjen e saj për herë të parë në tre vjet, ai u qau nga emocionet.

“E vura veten në vendin e tij. Dhe kështu jetojmë në shtëpi, duke e vënë veten në vendin e tij, sepse mund të ishte një aksident automobilistik. Mund të jetë çdonjëri prej nesh. Unë dua që vëllai im të trajtohet mire që ai të lëvizë përsëri.”

Instituti Feinstein tha se Thomas tashmë ka filluar të shohë një rikuperim. Forca e krahut të tij është më shumë se dyfishuar që nga studimi dhe ai ka filluar të përjetojë ndjesi të reja.

Shpresa e shkencëtarëve është që truri, trupi dhe palca kurrizore të rimësojnë se si të komunikojnë, ngjashëm me mënyrën se si një veshkë mund të rigjenerohet për të kapërcyer traumën ose sëmundjen.

Instituti për Kërkime Mjekësore Feinstein është një lider global në mjekësinë bioelektronike, duke kombinuar mjekësinë molekulare, neuroshkencën dhe inxhinierinë biomjekësore për të zhvilluar terapi të reja të bazuara në pajisje për trajtimin e sëmundjeve dhe lëndimeve.

Shkrin asfalti në Turqi, automjetet ngecin në rrugë

Temperaturat e larta të ajrit kanë shkaktuar shkrirjen e asfaltit në disa rrugë në Denizli të Turqisë.

Siç raporton “Anadolu Agency”, temperaturat në Turqi kanë arritur deri në në 42 gradë Celsius.

Administrata Meteorologjike tha se lagështia në qytet ka arritur në 37 për qind.

Për shkak të shkrirjes së asfaltit në autostradën Denizli – Antalya në vendndodhjet Cankurtaran dhe Gokpinar, automjetet kanë lëvizur shumë ngadalë.

Këmbësorët gjithashtu kanë patur vështirësi në kalimin e rrugës. Ekipet e autostradës spërkatën me pluhur guri dhe ujë rrugët.

“Asfalti u shkri për shkak të vapës dhe automjetet e tjera kishin vështirësi në qarkullimin normal“, tha shoferi Muhittin Çinar, automjeti i të cilit u nxeh dhe ngeci në rrugë.

Nxënësi e kalon mjeshtrin, Arsenali mposht Manchester City-n dhe fiton kupën

Nxënësi më në fund e kalon mjeshtrin: Arsenali i trajnerit Arteta fiton titullin e parë të Anglisë për sezonin, duke mposhtur Manchester Cityn e Pep Guardiolës me penallti në finalen e Community Shield.

Koha e rregullt u mbyll 1-1, ndërsa tek penalltitë “Topçinjtë”, ishin më sakt duke fituar 4-1.

Në fillim, “Qytetarët” duken më në formë dhe më pak të frikësuar: pas pesë minutash, kampionët e Evropës provojnë me Julian Alvarez, për të cilin White është i kujdesshëm.

Më pas loja vazhdon me aksione të rrezikshme, por 45’ e para u mbyllën 0-0.

Edhe në pjesën e dytë loja është e ekuilibruar, për të zhbllokuar ndeshjen mendoi Palmer, i cili kaloi “Qytetarët” në epërsi në minutën e 77-të.

Topçinjtë vendosën ekulibrin në minutën e 101-të me një goditje të devijuar nga Trossard, për të fituar më pas me penallti.

Përcaktues ishin gabimet e De Bruyne dhe Rodri, si dhe një super Ramsdale.

Ky ishte trofeu i 17 i Community Shield për londinezët në historinë e tyre. /zoom.al/

VIDEO/ “Llulla” – Efi thumbon Kiarën

Efi Dhedhes, pas përfundimit të eksperiencës në “Big Brother VIP Albania”, ka qëndruar më e heshtur se ish-banorët e tjerë.

Ende nuk e kemi parë Efin në ndonjë projekt, mirëpo ka qëndruar aktive në rrjetet sociale duke i dhënë hapësirë edhe njerëzve që ta pyesin për të rejat në jetën e saj.

Një ndër ta e “ngacmon” duke i shkruar vetëm “llulla”, epiteti që u përdor për Kiara Titon gjatë “Big Brother VIP”.

“Unë? Jooo”, shprehet Efi duke qeshur e duke thumbuar kështu Kiarën.

Marrëdhënia miqësore mes dy vajzave, e nisur në shtëpinë e “Big Brother” u kris pas debateve që patën gjatë eksperiencës së tyre.

E rëndë në Itali/ Mbytet 19-vjeçari shqiptar, kishte shkuar për pushime

Një 19-vjeçar me origjinë shqiptare është mbytur në plazhin e zonës së Galipolit në Itali.

I riu, identiteti i të cilit nuk bëhet ende i ditur nga autoritetet, kishte shkuar për pushime në Salento.

Ishin disa pushues të tjerë që ishin duke notuar aty pranë, që dhanë alarmin për 19-vjeçarin që ishte në vështirësi.

Pavarësisht përpjekjeve të kapiteni i portit dhe punonjësve të shëndetësisë, çdo gjë ishte e kotë.

Të qeshura pranë njëra-tjetrës në dasmë, Luiz Ejlli poston foto me Kiara Titon dhe nënën e tij!

Pasi dolën nga shtëpia e “Big Brother VIP” si një çift, kurioziteti i të gjithëve është të dinë më shumë për marrëdhënien e Kiara Titos me nënën e Luiz Ejllit.

Dhe, ato jo vetëm që flasin me njëra-tjetrën, por edhe shkojnë së bashku në dasma, ku ftohen si familje.

Së fundmi, Luiz Ejlli ka postuar një foto nga një dasmë e një të afërmi të tij, ku shfaqet në tavolinë së bashku me Kiarën dhe nënën e tij.

Me këtë foto, Luizi ka treguar edhe njëherë se marrëdhënia e Kiarës me mamanë e tij është shumë e mirë. Nuse e vjehrrë shfaqen të buzëqeshura e të ulura pranë njëra-tjetrës.

Sllovenia nën pushtetin e ujit, shqiptari jep bukë falas për këdo ka nevojë (EMRI+FOTO)

Të paktën 4 persona kanë humbur jetën nga përmbytjet që kanë përfshirë Slloveninë.

Shirat e rrëmbyeshëm kanë pushtuar rrugët e qyteteteve, si dhe kanë shkaktuar dëme në infrastrukturë.

Deri më tani dëmet tek bizneset e vogla kanë shkuar në 250 milionë euro dhe pritet që kjo shifër të jetë edhe më e lartë në ditët në vijim.

Kryeministri i vendit njoftoi se Sllovenia ka aktivizuar Mekanizmin e Mbrojtjes Civile të BE-së, teksa ka kërkuar ndihmë edhe nga fqinjët. Mbrëmë vonë kanë vijuar evakuimet pasi situata paraqitet katastrofike për shkak të rrëshqitjes së dherave.

Në përgjigje të situatës së rënduar, një shqiptar nga Kosova, pronar i një furre buke ka vendosur të ofrojë ndihmë.

Ai ofron bukë falas për të gjithë ata që gjenden në vështirësi, ndërsa gjesti i tj ka tërhequr vëmendjen e mediave.

“Nëse keni nevojë për ndihmë, furra jonë ndodhet në Novi Mesto, ne jemi të gatshëm t’i ndihmojmë të gjithë ata që janë në gjendje të vështirë për shkak të shiut të dendur dhe përmbytjeve. Nëse keni nevojë për një sasi më të madhe na njoftoni pak më herët, mund të bëjmë 500 copa bukë brenda dy orëve dhe të gjitha janë nga ne, pra është falas! Për çdo gjë mos ngurroni të na kontaktoni në numrin e telefonit 040778474”, është thirrja e Alban Memajt.

Partizani-Roma, avullojnë biletat për miqësoren e 12 gushtit në kryeqytet

Partizani do të luajë një miqësore luksi në Air Albania.

Të kuqtë do të presin Romën në datën 12 gusht, me ndeshjen që fillon në orën 20:00.

Blerja online e biletave po vazhdon, ndërsa tani ka nisur edhe shitja në dyqane fizike, te biletaria e Selman Stërmasit dhe në dy ditët e fundit do të shiten edhe te biletaria e “Air Albania”.

Por deri tani, “Top Channel” raporton se janë shitur rreth 5000 bileta.

Një numër shumë i madh i biletave të shitura dhe i interesimit, duke ditur se ka ende shumë ditë deri në zhvillimin e këtij takimi që sipas të gjitha gjasave, do të shoh një stadium të stërmbushur. /zoom.al/

Rusia godet qendrën e gjakut në Ukrainë, disa të vrarë e të plagosur

Rusia ka goditur një qendër të transfuzionit të gjakut në verilindje të Ukrainës, duke vrarë dhe plagosur disa persona. Këtë e konfirmuar vetë presidenti ukrainas Volodymyr Zelensky.

Sulmi ndodhi vetëm një ditë pasi Moska tha se një cisternë nafte ruse u dëmtua nga një sulm ukrainas me dronë gjatë natës së 4 gushtit në Ngushticën e Kërçit, pranë një ure që e lidh Krimenë e aneksuar me Rusinë.

Po ashtu pak ditë më parë, një anije e Marinës ruse u dëmtuan rëndë në portin Novorossiisk nga një sulm me dronë, për të cilin përgjegjësinë e mori Shërbimi i Sigurisë i Ukrainës.

Sulmet brenda dhe përreth Detit të Zi janë rritur që në momentin kur Rusia nuk pranoi ta vazhdojë një marrëveshje të ndërmjetësuar nga Turqia dhe Kombet e Bashkuara për eksportimin e drithërave ukrainase.