Day ArchiveManastirliu: Mjekët do të punojnë jashtë orari me pagesë shtesë

Mjekët që punojnë në spitale që kanë fituar autonominë spitalore dhe kanë përfituar kartën e autonomisë menaxheriale, do të mund të punojnë jashtë orarit zyrtar me pacientë që zgjedhin vetë mjekët që duan për konsulta.

Ministrja e Shëndetësisë Ogerta Manastrirliu tha në një deklaratë për shtyp pas vendimeve të Qeverisë se tashmë mjekët mund të kryejnë konsulta jashtë regjimit të punës për pacientët që janë jshtë sistemit të referimit.

“Pacientët do të munden të zgjedhin vetë se me kë mjek duan të konsultohen dhe kur duan të konsultohen dhe mjeku do të mundet të bëjë konsultën sigurisht jashtë orarit zyrtar që mjeku ka në spitalin ku punon. Kjo praktikë do të kryhet në spitalet që kanë një autonomi spitalore dhe kanë marrë kartën menaxheriale. Është bordi i spitalit që do të përcaktojë edhe tarifat për këtë shërbim”, tha Manastirliu.

Manastiliu tha se ky është një hap që i hap rrugën praktikës dyfishe që u jep mjekëve të kenë një mbështetje financiare shtesë.

Autonomia spitalore dhe menaxheriale tashmë aplikohet në spitalin memorial të Fierit ndërkohë që janë 3 spitale të cilët janë duke u përgatitur për të përfituar kartën e autonomisë menaxheriale, Qëndra spitalore Nënë Tereza, spitali i Durrësit dhe spitali  Shkodrës. Sipas Manastirliut, të tre këto spitale  po përgatisin bazën e nevojshme dhe strategjinë për të përfituar autonominë.

 

Qeveria armatos policinë gjer në dhembë, tender 15 mln euro për armë dhe gaz

Agjencia Shtetërore e Prokurimeve të Përqëndruara do të zhvillojë në gusht një nga tenderat më të mëdhenj në histori për blerjen e armatimit dhe pajisjeve luftarake për Policinë e Shtetit.

Sipas njoftimit në regjistrin e parashikimeve për prokurimet, tenderi është parashikuar të zhvillohet në gusht dhe do të ketë një vlerë 1.63 miliardë lekë ose 15.2 milionë euro. Ky është një tender i kufizuar në fushën e sigurisë. Dokumentat e tenderit u vihen në dispozicion vetëm operatorëve ekonomikë të interesuar me anë të paraqitjes së një kërkese me shkrim pranë ASHPP.

Ky është tenderi më i lartë që qeveria ka bërë ndonjëherë për të armatosur policinë e shtetit.  Por një pjesë e kontratës parashikon edhe blerjen e gazit luftarak, që policia përdor gjatë protestave.

Tenderat për blerjen e armëve të ushtrisë dhe policisë së shtetit, shpesh kanë qenë objekt dyshimesh të forta për korrupsion. Jo vetëm nga fakti që zhvillohen përmes procedurave sekrete apo garave të kufizuar, por edhe për faktin që këto tendera përfundojnë gjithmonë në një grusht 2-3 kompani, të akuzuara për lidhje të forta me qeverinë dhe maxhorancën.

Vitin e kaluar, Policia e Shtetit zhvilloi një tender me vlerë 700 mijë euro për blerje pistoletash dhe automatikësh. Por këtë herë objekti i prokurimit është shumë më i gjerë dhe sasia e armatimit dhe pajisjeve luftarake që do të blihen, shumë më e madhe.

A është ky tender i nxitur vetëm nga nevoja për të modernizuar armatimin e policisë së shtetit, apo qeveria po përgatitet edhe për protestat e mundshme në të ardhmen, që të ketë sasi të mjaftueshëm gazi në dispozicion? Në të kaluarën policia është akuzuar për përdorim disproporcional dhe pa kriter të gazit gjatë protestave të opozitës, duke dëmtuar jo vetëm protestuesit, por edhe qytetarët në banesat e tyre.

Dalin mesazhet/ E vërteta për djalin e dajës që dogji lokalin e Noizy-t: Donte para!

Lokali në pronësi të familjes së reperit Noizy u përfshi dy herë nga flakët brenda muajit qershor. Së fundmi u zbulua se këto dy akte, përfshirë edhe një zjarrvënie në derën e banesës së nënës së reperit, kanë si autor kushëririn e Noizy-t, Eraldo Musteqja, i cili është arrestuar mëngjesin e sotëm nga policia e Durrësit në flagrancë pasi i kishte vënë sërish zjarrin lokalit. Burime për Anabel.al kanë zbuluar edhe detaje të reja për këtë ngjarje.

Fill pas arrestimit, përmes një postimi në Instagram, Noizy shkroi:

“Ky është Eraldo, i rritur nga familja ime që në fëmijëri. Eraldo ndërroi fe, u bë një besimtar ekstremist dhe kishte besime të forta se lokalet s’duhet të shesin alkool dhe se muzika është haram. Prandaj vendosi që të bëjë atë akt terrorist. Gjithsesi jeta vazhdon, unë dhe familja ime jemi të gjithë mirë. Uroj që Eraldo të bëhet më mirë dhe të kuptojë gabimin. Unë s’mund ta urrej sepse jam rritur me të, ia kam lënë në dorë Zotit dhe drejtësisë. Lokali është shumë mirë dhe përherë do të jetë mirë. Ziliqarë dhe keqbërës do të ketë përherë, por varet sa i fortë qëndron ti dhe se si e menaxhon situatën. Të dua vëlla i vogël”.

Në një postim të dytë në Instagram, Noizy sqaroi se “s’ka të bëjë cila fe” pasi personi në fjalë “është i sëmurë, ekstremist dhe ka nevojë për ndihmë.”

Burime të sigurta zbulojnë për Anabel se Eraldo, që është djali i dajës së Noizy-t, ishte konvertuar në një besim radikal me ide ekstremiste. Në rrjete sociale, ai prezantohej si Abdullah, në vend të emrit të tij. Po të njëjtat burime, thonë se prej kohësh ai kërcënonte familjarët e Noizy-t duke u kërkuar vazhdimisht para. Në bisedat në vijim – të shkruara midis autorit dhe njërit prej familjarëve dhe njerëzve më të besuar të Noizy-t – ai lë të nënkuptuar se dëshiron para prej tyre dhe kërcënon duke përmendur familjen dhe kasafortën./Marrë nga Anabel

Bora dhe Donaldi do të martohen? Romeo na tregon “surprizën”

Bora Zemani dhe Donald Veshaj, një ndër çiftet më të pëlqyer nga showbizz-i po përfliten përsëri për një dasmë. Pas thashetheme të mohuara për një bebe, dy personazhet e ekranit mund të bëjnë një dasmë…ose jo.

Për këtë është pyetur vëllai i Donaldit, Romeo në një intervistë. Duke zbuluar se vetë është beqar, aktori tha se u thotë shpesh Borës dhe Donaldit të bëjnë një dasmë, por shtoi se deri tani nuk po e dëgjojnë.

“Do vdisja po të shihja Donaldin dhe Borën duke u martuar. Unë iu them shpesh ‘Pse nuk e bëni një dasmë?’ Nuk e di nëse e kanë në plan, mua nuk po më dëgjojnë. Ndoshta ma bëjnë surprizë”, tha ai.

“Ikja e trurit” të Shqipërisë dhe një formulë si t’i bëjmë të rinjtë të qëndrojnë

Rreth 46 mijë shqiptarë lanë Shqipërinë në vitin 2022. Eksodi ishte 10.5% më i lartë se në vitin 2021 dhe 36 mijë ishin të rinj, sipas të dhënave të Instat. I njëjti raport tregon se më pak të rinj shqiptar po futen në tregun e punës. P.sh vetëm 30 mijë studentë janë diplomuar në vitin 2021-2022, rënie me 5.4% nga viti i shkuar.

Të dhëna të tjera, nga BE, tregojnë se ka dhe familje që largohen, jo vetëm individë.

Një faktor me rëndësi në nivelet e larta të emigracionit duke të jetë papunësia, sipas raportit të Westminster Foundation for Democracy. Shqipëria mban vendin e dytë në Ballkan për nivelin më të lartë të papunësisë tek të rinjtë.

Unicef raportoi se 17% e shqiptarëve të moshës 18-24 vjeç që mbaruan shkollën në 2021-2022 nuk janë në punë.

Në tërësi, popullsia e Shqipërisë ka qenë në rënie që nga viti 2001. Sondazhi i fundit mbi arsyet e largimit nga Shqipëria, i kryer nga fondacioni jofitimprurës SwissContact, dhe i përfshirë në një raport të komisionit të përzgjedhur për punët e brendshme në Mbretërinë e Bashkuar, sugjeron se qarku Kukës në veri të Shqipërisë ka parë më shumë se gjysmën e popullsisë të emigrojë që nga viti 1990, me shumicën që shkon në Britaninë e Madhe. Rreth 35% e banorëve aktualë dëshirojnë të largohen nga Kukësi dhe 59% duan të emigrojnë në MB, zbuloi ai.

Pengesat ekonomike

Sondazhi tregon disa të dhëna më të detajuara nga komuniteti i Kukësit, që dëshiron të largohet. Rreth 37% e tyre thanë se ishte nga papunësia, 35% nga varfëria dhe 58% nga kostoja e jetesës.

Raporti i fundit i Bankës Botërore për rajonin sugjeron se pandemia ka shtyrë më shumë se një të tretën e shqiptarëve në varfëri.

Por shqiptarët kanë edhe nivelin më të ulët të të ardhurave të disponueshme në Europë. Sipas të dhënave më të fundit nga Eurostat, zyra statistikore e Bashkimit Europian, të ardhurat mesatare të disponueshme në BE ishin 18,019 € (15,528 £) për banor, duke arritur vlerën maksimale prej 32,132 € (27,690 £) në Luksemburg dhe vetëm 4,385 €. 3,780 £) në Shqipëri në 2021.

Por pasojat e emigrimit të të rinjve dhe ikjes së trurit janë të rënda dhe janë më të dukshme se kurrë në sistemin e kujdesit shëndetësor shqiptar. Sipas disa raporteve rreth 3.500 personel të kujdesit shëndetësor janë zhvendosur në Gjermani nga Shqipëria në dhjetë vitet e fundit. Largimi i trurit po prek edhe sektorë të tjerë të rëndësishëm si turizmi dhe bujqësia.

Në pesë vitet e fundit Gjermania ka tërhequr shumë të rinj shqiptarë, veçanërisht pasi prezantoi Aktin e Imigracionit të Aftësuar me qëllim që të sjellë më shumë profesionistë të kualifikuar në Gjermani për të plotësuar mungesat e industrisë. Gjermania ka shkuar edhe më tej, duke nënshkruar së fundmi marrëveshje me Bosnje-Hercegovinën dhe Kosovën për ta bërë edhe më të lehtë punësimin e profesionistëve të kujdesit shëndetësor nga ato vende. Në vitin 2022, Gjermania gjithashtu filloi të njohë lejet e drejtimit nga Ballkani Perëndimor për të ndihmuar në plotësimin e vendeve vakante për shoferë.

Drejtimi i emigrimit

Vendimi për të emigruar mund të varet nga rrethanat sociale dhe individuale. Megjithatë, varfëria dhe përjashtimi janë forcat shtytëse. Partitë politike i kushtojnë pak vëmendje politikës që mund të rrisë mundësitë. Për shembull, në zgjedhjet vendore të mbajtura në maj 2023, ikja e trurit në Shqipëri dhe migrimi i të rinjve nuk u diskutuan në thellësi.

Shqipëria duhet t’i vlerësojë të rinjtë e saj ndryshe. Ata shpesh shihen përmes prizmit se si kontribuojnë në PBB përmes parave që dërgojnë në shtëpi. Por një ndryshim i politikës mund të bëjë një ndryshim të madh. Për shembull, Irlanda përjetoi një ikje të trurit në vitet 1990, duke humbur të rinjtë shumë të aftë në MB dhe SHBA.

Për të trajtuar këtë, Irlanda ofroi garanci financiare dhe mbështetje për emigrantët që u kthyen. Ndërsa Estonia gjithashtu përmbysi trendin, duke e kthyer imazhin e saj në një lidership teknologjik për të tërhequr rininë e saj.

Megjithatë, Shqipëria nuk mund të trajtojë ikjen e trurit dhe migrimin e të rinjve pa ndihmë. BE-ja duhet të marrë përgjegjësinë si përfituesi kryesor i këtij largimi të trurit dhe të ndajë barrën e gjetjes së një zgjidhjeje.

BE i kushton pak vëmendje përfitimeve të mëdha që merr nga tërheqja e të rinjve shqiptarë. Ndërkohë, e ka mbajtur Shqipërinë në pritje të anëtarësimit në BE për më shumë se dy dekada.

Zgjidhja nuk është ndalimi i migracionit, por inkurajimi i më shumë investimeve, duke i ofruar gjithashtu rajonit akses në tregun e vetëm të BE-së për të injektuar rritje ekonomike dhe mundësi për investime dhe zhvillim social.

BE-ja ka shqetësime për mungesën e reformës në Ballkanin Perëndimor për të drejtat themelore, veçanërisht ndalimin e korrupsionit dhe të paturit e një sistemi ligjor funksional dhe të drejtë, shkalla aktuale e migrimit po rrezikon të ardhmen e rajonit dhe deri në përfundimin e të gjitha reformave të BE-së, do të mbeten pak të rinj shqiptarë.

Në të njëjtën kohë, Shqipëria duhet ta shohë rininë e saj jo vetëm si kontribuues të PBB-së nga jashtë, por edhe si një forcë për ndryshime sociale dhe një të ardhme më të fortë ekonomike.

Burimi:TheConversation

Pas konfliktit në Shqipëri, Irani: Gjyq ndërkombëtar kundër 700 anëtarëve të MEK

Prokurori i Përgjithshëm i Republikës Islamike ka njoftuar planet për të mbajtur një “gjykatë ndërkombëtare” për të gjykuar anëtarët e një grupi kundërshtarësh të mërguar kundër qeverisë iraniane.

Mohammad Jaafar Montazeri tha se sistemi gjyqësor ka përgatitur 700 aktakuza kundër anëtarëve të Organizatës së Muxhahedinëve të Popullit (MEK), njoftoi agjencia e lajmeve ISNA më 28 qershor.

“Deri më tani, MEK ka vazhduar të ekzistojë me mbështetjen e Shteteve të Bashkuara dhe Izraelit. Mirëpo, më 20 qershor të këtij viti ata ranë në një kurth të fshehur në Shqipëri. Shpresoj që kjo të shërbejë si një prelud për asgjësimin e këtij grupi terrorist keqdashës… Me bashkëpunimin e agjencive të inteligjencës, sigurisë dhe gjyqësorit, ne kemi përpiluar 700 aktakuza kundër kësaj organizate terroriste, së bashku me një listë me emrat e terroristëve të tyre. Këto i janë dorëzuar gjyqësorit dhe së shpejti do të adresohen nga Gjykata Ndërkombëtare e Drejtësisë”, tha Montazeri.

Njoftimi erdhi një javë pasi policia shqiptare më 20 qershor bastisi një kamp në Durrës, ku strehohen mijëra anëtarë të MEK-ut dhe sekuestroi dhjetëra kompjuterë. U raportua se grupi dyshohet se ka orkestruar sulme kibernetike kundër institucioneve të huaja. Autoritetet thanë se 36 persona, duke përfshirë oficerë policie dhe anëtarë të MEK, u plagosën dhe disa makina policie u dëmtuan gjatë bastisjes në kampin Ashraf 3. Përfaqësuesit e MEK-ut pretenduan se një i moshuar vdiq si pasojë e përdorimit të gazit lotsjellës nga policia, por autoritetet shqiptare mohuan përgjegjësinë. Policia tha se operacioni u krye me urdhër të drejtësisë shqiptare, SPAK për shkak të “shkeljes së marrëveshjeve dhe angazhimeve” të bëra nga grupi kur ata u vendosën në Shqipëri një dekadë më parë. Sipas një marrëveshjeje të mbështetur nga OKB-ja dhe SHBA-ja në vitin 2013 që i pa ata të largoheshin nga Iraku, MEK u vendos në Shqipëri dhe vende të tjera.

Vuante nga kanceri, vdes në moshë të re aktorja

Aktorja Annie Wersching, e njohur në rolin e agjentes së FBI-së, Renee Walker në serialin ”24”, ka ndërruar jetë nga kanceri në moshën 45 vjeçare.

Lajmin e bëri të ditur për CNN menaxheri i saj, Craig Schneider.

“Ka lënë një dhimbje të thellë në shpirtin tonë. Por ajo na la mjaft kujtime. Ajo nuk kërkonte muzikë për të kërcyer. Ajo na mësoi të mos presim që aventura të të gjejë, por ta kërkonim atë.”

Michel i mbështeti propozimin, Rama për Kurtin: Rajoni, jo zvarrë nga një konflikt i kotë

Kryeministri Edi Rama e ka konsideruar një lajm të mirë progresin në lidhje me idenë për një konferencë të nivelit të lartë, deri në arritjen e marrëveshjes së plotë për zbatimin e Planit Franko-Gjerman mes Kosovës e Serbisë.

Iniciativë që sot më herët e mbështeti vetë Presidenti Charles Michel.

Përmes një postimi në rrjetet sociale, Rama u shpreh se rajoni i Ballkanit nuk mund të merret zvarrë nga një konflikt, që sipas tij, është i kotë dhe absurd.

Kreu i qeverisë shqiptare ka nxitur institucionet në Kosovë që të ulen në dialog me Serbinë dhe të dëshmojnë me vepra se rajoni i përket Procesit të Berlinit jo ëndrrave të Kremlinit.

“Sot kur në Bruksel ka hyrë në axhendën e punës së Komisionit përgatitja e një plani të ri mbështetjeje financiare dhe ekonomike për vendet e rajonit tonë; kur Shqipëria përgatitet të presë Samitin e Parë të Procesit të Berlinit në Ballkanin Perëndimor; kur ne duhet të jemi të gjithë të bashkuar, për ta çuar përpara këtë proces jetik për të ardhmen tonë të përbashkët europiane, duke forcuar lidhjet tona, ekonomitë tona, tregun tonë të përbashkët, Veriu i Kosovës po i ofron botës shfaqjen e një filmi bardhezi të Ballkanit të vjetër, i cili mund të argëtojë vetëm spektatorët cinikë në Lindjen kufijve të Bashkimit Europian.

Politikanët e Kosovës duhet ta dëshmojnë sot, me vepra e jo me fjalë, se ky rajon i përket Procesit të Berlinit jo ëndrrave të Kremlinit dhe Kosova nuk mund të jetë pëlhura e pavetëdijshme mbi të cilën projektohen ato ëndrra, ndërkohë që disave prej tyre u duket se po pikturojnë një tablo heroike për historinë”, shkroi Rama në Twitter.

Ilir Demalia -Edmond Spahos:A e di gruaja për apartamentin ku “bisedon” me mësuesen nga Maliqi

Pas sulmit që i bëri deputeti Edmond Spaho, analistit Ilir Demalia pasi ky i fundit, debatoi me zëdhënësin e kreybashkiakut në detyrë, Fredi Beleri,ka reaguar sërish analisti.

Analisti e cilëson Edmond Spaho si ‘palluqe të parlamentit që i ka fryrë bilbilit’, ndërsa i përmend edhe detaje nga jeta e tij personale.
‘Di dhe unë për familjen tënde jo si sajon ti, por …. po nuk hy as ke vajzat, as ke gruaja. Çfaj kanë ata që kanë një burë Bilbil Palluqe në shtëpi. Meqë e kërkove po ta themë, A e di gruaja jote se ti i paguan mësueses E… nga Maliqi kreditin e saj dhe ke një apartamet me qera në katin e 7 të në Korçë dhe aty “bisedoni” me E… Nuk je shumë larg nga Gjici, o Gic Palluqe Bilbili!’- shkruan Demalia.

Nga Ilir Demalia
Palluqja i Parlamentit, i paska fryrë prapë bilbilit!
Për të gjithë ata që nuk e dinë, para vitit 1990 ka qenë një palluqe që i frynte gjithë ditën bilbilit për të drejtuar trafikun apo në gjykatë kur vinte autoburgu me të burgosurit i godiste të pandehurit me grusht, me shqelm dhe policia qeshte. Sot palluqja i demo(n)kracisë është Edmond Spaho. E keni parë sa fort i frynte bilbilit të Saliut në Parlament! Sytë i dolën vendit si kapak zile të biçikletave 28 tëshe kineze, gjëndrrat teroide ju frynë si bole dashi, ndërsa fytyra ju bë e e murrme si mëlçi derri se nuk ndalonte pa i thënë Saliu pusho.
Palluqja Mondi, më shkruan: “Faleminderit o “demokrat” i oreve te para, qe para se te bëheshe i tille, ishe oturak i komunizmit, familjarisht. Se paku pranove qe babanë e ke pasur eksponent te Sigurimit te Shtetit ne Ministriëe e Brendshme.
A ka marre apo jo njeri ne qafe ai, une nuk e di, por vendi i punes ishte qe te merrje njerez ne qafe, pasi ishe syri dhe veshi i Partise. Po te mos merrje njerez ne qafe, kur punoje ne Sigurim, te hiqnin qafe Syçi”.
Profesor mua më falen gabimet se siç thuan ti, njeri pa shkollë megjithëse i kam bërë 3 vjet për gjuhë dhe letërsi me korespondece pas vitit 1986, kur im ate mori pafajësinë dhe nuk arrita ta mbyll pasi u largova nga Shqipëria me ngjarjen e Ambasadave në korrik 1990.
Ç’bëje atëherë ti Mondi Palluqja?! Pra në fjalën e fundit duhet pikëçuditëse, dhe ti nuk ke vënë asnjë shenjë pikësimi. Pak më i kujdesëshëm Mondi Palluqja, bilbilushi i Marshallit, se je dhe profesor!
Merresh me tim atë që ka 20 vjet që ka vdekur, 52 vjet që është larguar nga Ministria e Brëndshme me dorëheqje për arsye “shëndetsore”. Ảrrestuar në 11 mars 1975 në kulmin e terrorit, ku unë, im vëlla dhe nëna ime rrinim pa gjumë se pritnim çfarë po ndodh!
Rruga e Durrësit ku unë banoja çdo natë vinin kamionët dhe merrnin për interrnim njerëzit që ishin damkosur si armiq të partisë. Nuk harrroj dhe sot o Palluqe, që nëna ime, një tironce dem baba dem, për 24 orë qepi dy triko leshi pasi nuk dinim çfarë na priste.
Ku ishe ti profesor Palluqe Spaho në atë kohë?!
Pas kësaj nënën time e çuan pastruese për të larë haletë e haleve si ty. Mua 16 vjeç më çuan në gurore. Vëllain tim 14 vjeç e dërguan të pastronte mutin e rifuxhiove. Ku ishe ti o palluqe Spahiu?!
Në prill të vitit 1975 na thërrarsin në Hetuesi, nënën time dhe mua në zyrën e kryetarit të Hetuesisë Ali Korbi, i cili ishte dhe hetuesi i babait tim, Binak Haxhia Demaliaj. Në zyrë ishte edhe Feçor Shehu, zevëndës ministri i Brendëshëm. Pasi na lanë 4 orë pritje në korridor na erdhi një polic dhe na drejtojë në zyrën e kryetarit të Hetuesisë.
Na komunikuan se im atë është armik i partisë dhe pushtetit dhe si i tillë nëna ime duhet ta divorconte dhe unë ta mohoja si baba. Ku ishte ti Palluqe Spaho?!
A di ti si ju përgjegj nëna ime o Palluqe Spaho, tironcja e mirë dhe zonja e madhe, më beso nuk e themë se është nëna ime, por kështu e njeh gjithë Tirona. Ajo pra ju drejtua Feçor Shehut dhe Ali Korbit fare thjeshte, por me një forcë karakteri që vjen nga pastërtia dhe besnikëria në të mirë e në të keq me atë me të cilin kishte lidhur jetën.
-Unë- ju drejtua nëna ime Feçor Shehut dhe Ali Korbit- nuk di dhe nuk merrem me politikë, por unë nuk mund të rris dy fëmijë jetim me babën gjallë. Pra nuk mundem të divorcoj tim shoq. Ku ishe ti Palluqe Spaho në atë kohë?!
Feçor Shehu mu drejtua mua:
– Dhe ti bën mirë mos ti ngjash Binakut se do të përfundosh si ai!
Përgjegja ime vetëm 16 vjeç duke parë në atë gjëndje nënën timë që ishte bërë e bardhë pa pikë gjaku në fytyrë, në mënyrë instiktive të një revolte i thashe;
– Po, nuk do ti ngjaj Binakut, tim ati, dhe do ta mohoj, por para se të bëj këtë dua të pyes nënën time, me kë më ka mua që të di kë kam baba?!!! Nuk po vazhdoj për gjendjen…
Ku ishe ti O palluqe Spaho në atë kohë? Për tim atë po të përsëris një gjë, gjeji një dokumet që ka dëmtuar jetën e dikujt! Në të kundërt, ka ndihmuar njerëz. U hoq ai nga Sigurimi dhe prandaj përfundoj aty.
Kollaj të bësh trimin sot siç bëjnë oturakë si puna jote duke Iifryrë bilbilit të sekretarit të partisë së punës për 23 vjet, shokut Sali, komunistit të fundit të mbetur në Europën Lindore dhe mbahet më të madhe si antikomunist, ti Palluqe Mondi Bilbili.
Këto janë të domumentuara dhe në dosjet e ndjekjes së tim ati dhe mua për vite me radhë me 2A nga Autoriteti Dosjeve.
Më poshtë shkruan: “Syçi mos u hiq si i përndjekur, sepse me vjen te vjell zorret e barkut. Ne Kinostudio te çoi posti i babait, ti as universitet nuk ke mbaruar, je me shkolle te mesme. Le pastaj, kur nje gomar si ti, hiqeshe si “artist bohemë” bulevardit te Tiranes”.
Kur më ke dëgjuar mua të them jam i përndjekur?!! Në Kinostudio kam shkuar si rekuziter (magazinier) ta spjegova, mbasi im atë mori pafajësinë dhe fillova shkollën e lartë për gjuhë dhe letërsi në Shkodër. Pra nuk kam mbajtur dërrasa. Por nga mosha 16 vjeç deri në 25 vjeç për shkak të arrestimit të tim eti në 11 mars 1975, kam punuar në gurore, ushtar në Xhenjo në Poliçan, që hapnim tunelet e Poliçanit, në bujqësi, në ndëtim, llaç e tulla në Ndërmarrjen 21 dhjetori, dhe ty Palluqe këtë e quan paaftësi timen?!!
Më shkruan se hiqesha si artist bohem?!! Unë jam tallur me artistët e realizmit socialist dhe kam qenë dhe jam njeri i lirë plotësisht, kjo ju vret tek unë ju dhe takëmit tuaj, se këtë se blini dot as me poste, as me pare të korrupsionit dhe krimit që keni përfituar me pushtetin. Ku ishe ti në atë kohë Palluqe Spaho Bilbili?! Nuk më shantazhon dot njeri se jam njeri i lirë.
Më poshtë shkruan: “Nje gje nuk kam kuptuar, pse ne Kinostudio te thërrisnin Syçi, apo edhe ti ishe syri i ndokujt atje? Dardha nen dardhe bie Syçi.”
Po si je kaq idiot o mjeran! Po, ishte pseudonim i Sigurimit të Shtetit që ma vendosën në moshën 10 vjeçare me shefin e krimeve të Sigurimit Gëzim Çakërri, shok klasę dhe mëhalle, ku nofka apo “pseudonimi” Syçi, që prej atëherë më shumë më dinë Syçi se Ilir, një emër që e dashuroj se më talon se jam I-lir.
Po si je kaq galloshe kolkoziane o i mjerë në shekullin e XXI?! Shkruan se dardha bie nën dardhë, pra unë jam si im atë! Po unë se mohova tim atë para Feçor Shehut fëmijë do ta mohoj para teje, nje çapa-çul shul profesor. I ngjaj dhe ndjehem shumë mirë që i ngjajë atij babait tim.
Ti o “antikomunist i bilbilit që dashuron Agollin dhe të ka ngel gjilpëra ke realizmi socialist, prandaj je dhe i fryn bilbilushit të Doktorrt, normale njeriu nuk del dot prej formimit dhe botëkuptimit tij, aq sa ka dalë doktori si komunisti-antikomunist aq mund të dalësh dhe ti, jo rastësisht ngroh vezët e doktorit.
Pra e kupton kë ke idhuj ti shoku oturak Palluqe Spaho, takëmin që ti i takon dhe të ka frymzuar.
Jeni kaq perverse dhe të ndyre se jeni te komleksuar dhe doni të lani m…. me sh… dhe nuk leni të gjallë dhe të vdekur, familjare dhe fëmijë pa damkosur o damllahane!
Ju nuk keni as norma, as burrëri, ju jeni kurva bura.
Ke kaq ditë që merresh me familjen time, merru me mua O palluqe Bilbil Spaho!
Di dhe unë për familjen tënde jo si sajon ti, por …. po nuk hy as ke vajzat, as ke gruaja. Çfaj kanë ata që kanë një burë Bilbil Palluqe në shtëpi.
Meqë e kërkove po ta themë, A e di gruaja jote se ti i paguan mësueses E… nga Maliqi kreditin e saj dhe ke një apartamet me qera në katin e 7 të në Korçë dhe aty “bisedoni” me E…
Nuk je shumë larg nga Gjici, o Gic Palluqe Bilbili!
Në fakt ti duhet të jeshë objekt i SPAK edhe për pronat në Pogradec dhe Korçë. Por SPAK është ASPAK prandaj bëni ju bla-bla
Tani vazhdo se do te keshë lajme të tjera O Bilbil Palluqja Spaho.

Vrasja e dyfishtë në Shkodër/ Një pistë hetimi kultivimi i kanabisit, çfarë dyshohet

Një nga pistat e hetimit për ngjarjen e rëndë të ndodhur pasditen e sotme në fshatin Sumë, të njësisë Pult në Dukagjin është ajo e kultivimit të kanabisit.

Babë e bir Gjokë dhe Eduart Gurra kishin shkuar ditën e sotme për të parë dëmet në shtëpinë e tyre në fshat, e cila ishte djegur një natë më parë nga persona të paidentifikuar.

Me sa duket në një atentat të mirëplanifikuar, autori që dyshohet se ka vepruar i vetëm, i ka pritur dhe i ka ekzekutuar. Ngjarja ka ndodhur rreth orës 16:40 të ditës së sotme, për është bërë publike vetëm në orën 18:15 pasi zona ku ka ndodhur ngjarja është e largët nga Shkodra dhe me shumë pak njësi banimi. Vetëm pas telefonatës së familjarëve policia është vënë në lëvizje.