Day ArchiveNë WhatsApp së shpejti mund të fshihni bisedat private, askush nuk mund t’iu shohë mesazhet

Nëse keni qenë ndonjëherë i shqetësuar se dikush mund të shikojë mesazhet tuaja në WhatsApp, kjo nuk do ndodhë më.

Aplikacioni i mesazheve së shpejti mund t’ju lejojë të kyçni bisedat tuaja private në mënyrë që ato të mund të aksesohen vetëm me të dhëna biometrike, të tilla si gjurmët e gishtave ose një kod personal.

Kjo risi është aktualisht është duke u testuar përmes Programit Beta të Google Play vetëm te disa përdorues të Android.

Përdoruesit e WhatsApp do të jenë në gjendje të shtojnë një bisedë në një listë të veçantë të ‘Bisedave të Kyçura’. Hyrja në mesazhet brenda këtyre “bisedave” do të kërkojë që përdoruesi të fusë kodin personal ose të dhënat biometrike.

“Lock chat” siguron gjithashtu që fotot dhe videot e dërguara në një bisedë të kyçur të mos ruhen automatikisht në galerinë e pajisjes. Kjo mund të parandalojë që pamjet ‘sensitive’ të shikohen nga kushdo tjetër përveç marrësit të synuar.

Ky funksion është i disponueshëm në versionin 2.23.8.2 të WhatsApp, aktualisht duke kaluar testimin beta, por ekzistenca e tij tregon se së shpejti do të shfaqet në aplikacionin Android.

Karakteristika të tjera të WhatsApp që thuhet se po testohen përmes Programit Beta të Google Play përfshijnë aftësinë për të dërguar mesazhe me tekst dhe audio që mund të aksesohen vetëm një herë.

Sa është paguar Veliaj për dieta të udhëtimeve jashtë vendit me taksat e qytetarëve të Tiranës?

Nga Ola Xama

Dietat që merr kryetari i Bashkisë Tiranë.

Ndërsa Erjon Veliaj ishte duke folur, tallur dhe bullizuar të ftuarit gjatë daljes (më në fund) në një panel gazetarësh për të bërë bilancin se si ka punuar për Bashkinë e Tiranës, mijëra fjalët propagandë që tregonte punën e mirë të tij, ma rrëzuan disa shifra.

Vendosa të mat sipas të dhënave zyrtare të thesarit të shtetit se sa është paguar Veliaj për dieta të udhëtimeve jashtë vendit me taksat e qytetarëve të Tiranës.

Vetëm për periudhën qershor – dhjetor 2022, ai ka marrë 11 mijë euro. Këto para që i ka dhënë vetes, nuk mund të jenë hedhur gabim as nga administrata, pasi janë firmosur me urdhër shërbimi nga kryetari, që është vetë ai.

Vlera ditore e dietës për udhëtim jashtë e kryetarit të Bashkisë është 80 euro në ditë. Nëse bën pjestimin, i bie që në 6 muaj, 4 muaj e gjysëm të ketë qëndruar jashtë. Pra, 11 mijë euro pjestim 80 euro i bie 137 ditë nga 214 ditë që janë nga qershori deri në dhjetor.

Tani dy mundësi janë: ose Veliaj nuk i shërben Tiranës dhe me paratë e taksapaguesve shëtit jashtë shumicën e kohës, ose po abuzon me dietat dhe bën urdhra shërbimi që të fryjë llogarinë bankare.

Shifrat janë shumë të vogla për abuzimet miliona euro që ne perceptojmë për zyrtarët tanë, por këto janë shumë të kapshme. Sistemi Tims i ka të dhënat e udhëtimit, firma për dhënien e dietave është bërë nga vetë Veliaj, dhe përfitues është vetë ai!

Vendi magjik në Evropë ku dielli nuk perëndon për katër muaj

Ditët nuk mbarojnë kurrë në këtë vend evropian, të paktën për një pjesë të vitit. Në Norvegji, dielli nuk perëndon në disa pjesë të vendit gjatë muajve të verës, duke i lënë peizazhet e tij të lagura nga rrezet e diellit 24 orë në ditë. Është një fenomen natyror i njohur si ‘dielli i mesnatës’ që ndodh në vende në jug të Rrethit Antarktik dhe në veri të Rrethit Arktik.

Arkipelagu norvegjez i Svalbardit e përjeton atë për shtrirjen më të gjatë çdo vit – këtu, nuk vendoset midis 20 prillit dhe 22 gushtit. Pamjet e pabesueshme me dron të kapura nga fotografi britanik i udhëtimeve George Cooper tregojnë këtë fenomen magjepsës që shfaqet në Ishujt mahnitës Lofoten dhe pjesë të tjera të Norvegjisë.

Në pamjet, të cilat janë bërë virale në Instagram me më shumë se 9.1 milionë pëlqime – ishujt mund të shihen të ndriçuar nga rrezet e diellit në të gjitha orët e natës, nga ora 23:00 deri në 3 të mëngjesit. Duke prezantuar videon para ndjekësve të tij, George shkroi:

Njëzet e katër orë dritë të ditës është me të vërtetë një përvojë emocionuese. Të shohësh diellin që nuk zbret kurrë nën horizont është një nga gjërat më mahnitëse që kam parë ndonjëherë.

Deri më sot, klipi ka marrë më shumë se 44,000 komente, me përdoruesin e Instagramit “Justcallm3marko”. Si funksionon dielli i mesnatës? Visit Norway shpjegon:

Toka po rrotullohet në një bosht të anuar në lidhje me diellin dhe gjatë muajve të verës, Poli i Veriut është me kënd drejt yllit tonë. Kjo është arsyeja pse, për disa javë, dielli nuk perëndon kurrë mbi Rrethin Arktik.

Bordi turistik i përshkruan ngjyrat e kësaj drite dielli si ‘si një perendim i zgjatur dhe lindja e diellit menjëherë’ me ‘dritë të verdhë të kuqërremtë’. Si dhe në Svalbard dhe Ishujt Lofoten, efekti i diellit të mesnatës mund të përjetohet në qytetin e Bodo, Kepi i Veriut në majë të vendit dhe në qytetin e Tromso, ndër të tjera.

Ka shumë aktivitete që mund të shijohen në të gjitha orët e natës gjatë 24 orëve të diellit, udhëtarët mund të bëjnë golf në mesnatë, çiklizëm, vozitje në lumë, të nisen në një ekspeditë për vëzhgimin e balenave ose të provojnë kajak në det gjatë natës. Vizitoni Norvegjinë rekomandon gjithashtu nisjen për në Svalbard për të bërë një ecje me udhëzues në mesnatë në një akullnajë.

Linjat e lundrimit si Hurtigruten ose Havila ofrojnë ‘lundrime me diell të mesnatës’, duke lejuar pasagjerët të shikojnë pamjet e kësaj rreze dielli në dukje të pafund përgjatë bregdetit norvegjez. Norvegjia nuk është destinacioni i vetëm ku mund të dëshmoni ‘diellin e mesnatës’ ai ndodh gjithashtu në vende të tilla si Alaska, Grenlanda dhe Kanadaja.

SKANDAL/ Nëna mësoi live se i ka vdekur e bija, aktivistja: E turpshme, u shpartallua çdo kod etike

Nga Elona Caslli

Të ka vdekur jot bijë, por ti bëhu e fortë dhe vazhdoje emisionin.

Unë nuk e di kush është skenaristi, regjisori apo bordi që ka miratuar formatin televiziv
” Pa gjurmë” në Report TV. Nuk e di as si quhet prezantuesja e këtij emisioni, ama një gjë e di me siguri se puntata e këtij emisioni ka shpartalluar çdo kod të etikës së gazetarisë dhe çdo normë njerëzore.

Historia është shumë e thjeshtë. Një grua që jeton në Francë ka humbur kontaktet me të bijën prej muajsh. Herën e fundit që ka kontaktuar me të bijën, e bija ka qenë në Shqipëri. Pas shumë kërkimesh rezulton se e bija ka vdekur në një aksident në Shkozet. Këtë fakt e ka pohuar një teleshikues përmes një mesazhi.

Tani fillon puntata e emisionit.Gazetarja është në studio dhe nëna është në Francë. Gazetarja e di fort mirë që në fund të puntatës do t’i japë nënës lajmin e kobshëm se e bija i ka vdekur. Hap pas hapi gazetarja zbaton skenarin derisa vjen pika kulmore; Nê ekranin e madh shfaqet mesazhi i teleshikuesit që pohon vdekjen e vajzës 22 vjeçe.

E ëma e vajzës sapo dëgjon fjalën ‘aksident’ diçka parandien. Fillon të dridhet, të përlotet dhe mes lotëve dhe gati për t’i rënë të fikët nga Franca i lutet gazetares; Më thuaj nëse ka vdekur ose jo.

Gazetarja i thotë të bëhet e fortë se e bija ka vdekur. E ëma e vajzës plaset në tokë. Në sfond shihet një burrë që i shkon në ndihmë në banesën e saj. Aty ndërpritet lidhja dhe mbaron emisioni.

Sa normale është t’i japësh një prindi lajmin e vdekjes së fëmijës në një studio televizive?! A duhej xhiruar puntata e këtij emisioni?! A nuk mund të shmangej prania e nënës kur lexohej mesazhi që lajmëronte vdekjen e së bijës?!

Kemi shoqëruar të afërm në spital dhe kur doktori ka dhënë një lajm të keq e ka nisur bisedën me pyetjen : Çfarë e ke?!
Pra, lajmi i keq nuk i jepet menjehere familjarit më të afërt, por dikujt tjetër në mënyrë që ky i fundit të përgatisë të afërmit për lajmin e keq. Kjo ndodh normalisht në korridoret e një spitali.

Në një studio televizive, përballë një ekrani të madh, në sytë e gjithë shqiptarëve lexohet me zë të lartë në praninë e një nëne mesazhi që pohon vdekjes e vajzës së,saj 22 vjeçe.

Kjo është një shfaqje e turpshme e gazetarisë si dhe një vulë turpi mbi televizionin në fjalë.

Post Scriptum- Kishte dhjetra mënyra për t’i përcjellë mbylljen e këtij historie publikut që e ndjek këtë emision, duke respektuar dhimbjen e një jete të shuar 22 vjeç dhe dhimbjen e pafundme të një nëne.

Meghan Markle e pret gjykata,shkak është motra e saj

Polemikat rreth jetës së Meghan Markle vazhdojnë dhe pasi fitoi me sukses gjyqin e ngritur nga gjysmë motra e saj, Samantha Markle. Duket se gruaja e Princit Harry do të paraqitet sërish në gjykatë.

Samantha ngriti një padi fillestare për shpifje pas intervistës famëkeqe të Meghan Markle me Oprah Winfrey në vitin 2021.

Ditën e sotme çështja u hodh poshtë nga një gjykatë e qarkut në SHBA, duke sugjeruar se Meghan e kishte fituar njëherë çështjen, por tani ka një kundërpadi të paraqitur nga Samantha.

Sipas mediave të huaja, Samantha ka kërkuar dëmshpërblim nga gjysmë motra e saj për ato që ajo pretendoi se ishin ‘deklarata të rreme dhe keqdashëse’ të bëra nga Meghan gjatë intervistës së saj me Oprah.

Ndonëse dështoi, ekipi dhe vetë motra e Meghan e kanë bërë të qartë që nuk e pranojnë vendimin e marrë nga gjykata dhe se do ta kundërshtojnë.

“Ne presim të paraqesim një argument edhe më të fortë për shpifjet dhe humbjet që klienti ynë është dashur të durojë”, tha avokati i Samantha-s.

“Amendamenti i ardhshëm do të adresojë disa çështje ligjore që kanë të bëjnë me pretendimet tona për shpifje pasi lidhet në mënyrë specifike me intervistën e Oprah në CBS.”

Samantha ka 14 ditë kohë për të ndryshuar padinë e saj.

Sipas ligjit të Shteteve të Bashkuara, ekziston një periudhë mospagimi 14-ditore ku dikush që ka paraqitur një padi lejohet të bëjë ndryshime në çështjen e tij fillestare.

Nëse këto ndryshime janë mjaft të forta, ose gjenden prova të reja, atëherë një gjyqtar i dytë do të lejohet të marrë përsipër çështjen, me një regjistrim të ri.

Aksident me vdekje në Fier! “Benzi” përplas 50-vjeçarin që po udhëtonte me biçikletë

Një 50-vjeçar ka gjetur vdekjen mbrëmjen e kësaj të enjteje në Fier, pasi është përplasur nga makina. Ngjarja ka ndodhur rreth orës 20:30, në vendin e quajtur “Kthesa e Patosit”.

63-vjeçari me makinë të tipit ‘Benz’ ka përplasur një person që po udhëtonte me biçikletë.

Viktima nuk është identifikuar ende.
Shoferi, me inicialet A. A. u shoqërua në ambientet e Policisë, për kryerjen e veprimeve të mëtejshme procedurale.

Dosja McGonigal/ Departamenti i Drejtësisë e pranon: I fshehëm provat “pa dashje”

Çështja “McGonigal”, vijon të jetë ende kryefjala e mediave të huaja.

“Washington Times” raporton së fundmi se “Departamenti i Drejtësisë pranoi se “pa dashje” u ka fshehur provat avokatëve mbrojtjes të ish-agjentit, i cili është i përfshirë në hetimin e marrëveshjes së fshehtë Trump – Rusi dhe tani akuzohet për komplot me Rusinë duke shkelur sanksionet e SHBA”.

Në një letër drejtuar gjykatëses së qarkut të Manhattan-it, Jennifer Rearden, prokurori i Departamentit të Drejtësisë, Damian Ëilliams, tha se ekipi i tij gabimisht harroi t’i dorëzonte 4 kategori provash ekipit mbrojtës të ish-zyrtarit të FBI, Charles McGonigal gjatë procesit.

“Në shqyrtimin e dosjeve tona, qeveria identifikoi disa artikuj që ishin hequr pa dashje nga dosjet e mëparshme të qeverisë,” – shkroi Ëilliams.

“Prokurorët hoqën dorë nga fletëthirrjet shtesë, dokumentet shtesë nga dosjet hetimore të FBI-së, materialet e gjetura në pajisjet elektronike të sekuestruara që nuk ishin përfshirë në grupet e prodhuara më parë dhe të dhënat në lidhje me aplikimet për regjistrat e stilolapsit. Regjistri i stilolapsit është një pajisje elektronike që regjistron të gjithë numrat nga një linjë telefonike e caktuar”, – thuhet në artikullin e “Ëashington Times”.

McGonigal akuzohet edhe për mosdeklarimin e disa takimeve me kryeministrin shqiptar Edi Rama.

Vathët që suprizuan Giorgia Meloni, artizania shqiptare: Nuk e dija se do ishin për të

Pak ditë më parë, ministrja e Bujqësisë Frida Krifca publikoi një video ku i dhuroi kryeministres së Italisë Giorgia Meloni një palë vathë të punuar në filigran. Kryeministrja u mahnit nga dhurata dhe në videon virale, falenderoi edhe artizanen, Aurorën. E ftuar këtë pasdite në “Rudina” në Tv Klan, Aurora Piranej shpreh emocionin e madh për vlerësimin e punës së saj dhe historinë e bukur pas vathëve.

Aurora Piranej: Ishte një befasi. Historia është shumë e thjeshtë, unë isha në atë rutinën time të punës të përditshme te dyqani, te punishtja. Kishte 2-3 ditë që dikush kishte ardhur, “do marr 2-3 produkte që do shkojnë për një person të veçantë”. E mirë, e ndihmova, ia paketova, i sugjerova, i dhashë edhe sugjerimet e mia, vathët ishin sugjerimi im, nuk e dija as kush po i porosit, as për kë do shkojnë. Nuk më tregoi, nuk e pyeta sepse në fakt kjo është pjesë e zakonshme e punës sime që produktet tona shkojnë për persona të rëndësishëm, të veçantë…

Rudina Magjistari: Sepse janë dhurata të veçanta.

Aurora Piranej: Po, kush do të bëjë diçka më jashtë tregut apo më jashtë të zakonshmes, zgjedh produktet tona dhe nuk është diçka shumë e re që po shkonin për një person të rëndësishëm. Por nuk e dija absolutisht që…

Rudina Magjistari: Deri aty nuk ta kapte fantazia.

Aurora Piranej: Jo, që ishte kaq i rëndësishëm. Pastaj ditën që u shfaq videoja, unë prapë isha te puna dhe më mori në telefon direkt ministrja. Unë të them të drejtën, nuk e njihja personalisht, nuk e njoh personalisht edhe më thotë që “Aurora, kështu, ka ardhur dikush para disa ditësh, ka marrë disa produkte” dhe unë që i them po, por nuk e dija që ishit ju, më vjen shumë mirë që na keni zgjedhur.

Thotë “ato i ka marrë një person shumë i rëndësishëm që ka zgjedhur të bëjë edhe një video, por është surprizë, nuk ta them”. Si duket po donte një informacion më tepër edhe për mua, një tekst për ta shkruar aty për punishten tonë, për mua, që unë dua ta falenderoj. Dhe pas pak pashë videon në Instagram. U habita shumë, uou thashë, e dija që ishte një person i rëndësishëm por jo kaq i rëndësishëm sa kryeministrja Meloni.

Nuk përballoi komentet negative, gjyshja e Kiarës përfundon në spital

Përplasjet e Kiarës me Efin brenda shtëpisë së Big Brother VIP dhe komentet negative që ka marrë moderatorja kanë ndikuar në gjendjen shëndetësore të gjyshes së saj.

Sipas kushërirës së Kiarës, gjyshja nuk është ndjerë mirë dhe ka përfunduar në spital. Në një emision televiziv, i bëri thirrje komentuesve që të bëjnë kujdes me reagime për shkak të gjendjes së familjarëve.

‘Komentet negative në rrjetet sociale ndikojnë shumë tek të afërmit. Kam biseduar me familjarët e saj. Pak para se të nisja emisionin, fola dhe me gjyshen e Kiarës e cila është prekur shumë nga këto komente dhe mesazhe, saqë ka pasur dhe probleme shëndetësore dhe i është dashur të shkojë në spital nga komentet dhe sulmet e shumta në rrjetet sociale. Përfitoj nga rasti tu bëj thirrje të gjithë komentuesve, jo vetëm për Kiarën por për të gjithë, që të bëjnë kujdes me familjarët jashtë’- tha kushërira e Kiarës.

Edhe babai i Kiara Titos është shfaqur tejet i prekur. Ai tha se çfarëdo që të bëjë Kiara do e sulmojnë. Ai po ashtu kundërshtoi opinionistët duke thënë se ata “zgërdhihen” dhe nuk e kanë nxjerrë asnjëherë pozitive Kiarën gjatë mbrëmjeve në spektakël.

Berisha nga Kukësi: Ftoj çdo emigrant të vijë më 14 maj dhe të firmosë ndryshimin

Nga Kukësi, ku prezantoi kandidatin e koalicionit “Bashkë Fitojmë” për bashkinë e këtij qyteti për lokalet e 14 Majit Admir Sinamati, kryetari i PD Sali Berisha iu ka bërë thirrje emigrantëve që të kthehen në Shqipëri më 14 maj për të votuar kandidatët e opozitës.

Berisha kujton që kryeministri Edi Rama ka qenë kundër ndërtimit të Rrugës së Kombit.

Për kreun e qeverisë, u shpreh se nuk i do shqiptarët.

“Ata që jetuan në diktaturë, ata e dinë mirë se liria po të kishte një emër të dytë do të quhej dinjitet, se dinjiteti është thelbi i lirisë. Me Admir Sinamatin, ne kemi respektuar dinjitetin tuaj, lirinë tuaj. Me Ismail Ukën, me Myftar Dautin, me Besnik Dushën, me Arjan Hoxhën me të gjithë kandidatët tanë në të gjithë Shqipërinë. Krahasoni ata, krahasoni këta me kanditatët me shumë emra. Tani që po vija tek ju, përtej tunelit në Fanë, takova një grup mirditorësh të cilët kishin takim elektoral me Albert Melyshin, kandidatin tonë. Një çift nga Kosova u ndal dhe kërkoi të bënim një fotografi, më falënderuan për rrugën; u thashë falënderoni edhe këta burra që janë këtu me mua.

Dhe u rikujtova se si Edi Rama, i nisi deputetët me jorganë e batanije, e jastëkë, për të shpallur grevë urie në tunel, por ata i përzunë, i përzunë, shkoni i thanë se nuk jeni shqiptarë ju që doni të bllokoni ndërtimin e tunelit. Sot kudo ka një atmosferë të jashtëzakonshme, sot kudo demokratët dhe mbështetësit e tyre janë në këmbë, sot epërsia morale është me besimtarët e Zotit, besimtarët e lirisë. Ndaj dhe ju ftoj ju me 14 maj, ftoj çdo qytetare dhe qytetar i këtij rrethi, ftoj emigrantët tanë nga ky qark, kudo që janë, nga Shqipëria kudo që janë, të vijnë në 14 maj dhe të firmosin fitoren, të firmosin ndryshimin. Ftoj çdo socialist, çdo paparti të bashkohet me ne në këtë betejë. Falënderoj para jush, Arif Rexhmatin, demokratët të tjerë të cilët refuzuan, dhe i dhanë mbështetjen dhe do i japin mbështetje kandidatit të primareve, liria na bashkon, liria na bashkon, liria na bashkon”, tha Berisha.

Kryedemokrati u shpreh se Rama ka vendosur mbi qytetarët sistemin më të pamëshirshëm të vjedhjes, ndërsa shtoi se 14 maji shënon ortekun e rrëzimit përfundimtar të tij.