Day ArchiveNëse do të biesh nga pesha, kjo është receta ideale e mëngjesit

Është vakti më i rëndësishëm i ditës dhe shumë dietologë thonë se është edhe vakti që braktiset më tepër. Por të braktisësh mëngjesin nëse do të biesh nga pesha është vendimi më i gabuar që mund të marrësh.

Metabolizmi ka nevojë për të djegur yndyrën dhe për të ushqyer muskujt dhe një ditë e mirë dhe e shëndetshme duhet të nisë me një mëngjes të shëndetshëm. Këtu janë disa arsye pse duhet ta nisësh mëngjesin me tërshërë.

Të mban të ngopur

Sipas një studimi nga Kolegji Amerikan i Nutricionistëve, tërshëra ishte e para në grupin e drithërave që krijonin një gjendje të ngopuri. Të gjithë njerëzit që hëngrën tërshërë në mëngjes ishin më pak të uritur se pjesa tjetër që hëngrën drithëra të tjera. Të dyja grupet kishin një mëngjes me 363 kalori, por grupi që hëngri tërshërë e shtynë më vonë vaktin e drekës, meqë nuk kishin uri.

Përmban më pak sheqer

Në krahasim me të gjitha drithërat, tërshëra ka një përmbajtje më të ulët të sheqerit. Megjithatë, tërshëra bëhet shumë e shijshme duke i shtuar kos dhe fruta për ta bërë mëngjesin edhe më të shëndetshëm dhe me përmbajtje sheqeri të ulët.

Është e pasur me fibra

Një dietë e pasur me fibra mund të të ndihmojë të biesh nga pesha, sepse të mban në gjendje të ngopur. Vetëm një gjysmë filxhani me tërshërë përmban katër gram fibra. Pra, një sasi e mjaftueshme që të mos të ndiesh uri deri në drekë.

Është një ushqim me pak kalori

Tërshëra është e njohur si një ushqim që ka pak kalori dhe yndyra. Mjafton vetëm një gjysmë filxhani çaji, i cili përmban 150 kalori dhe 3 gram yndyrë. Prandaj, edhe veten do ta ndiesh më të lehtë nëse çdo ditë e nis me tërshërë.

Është e pasur me proteina

Duke e përzier tërshërën me qumësht çdo mëngjes, mund t’i shtosh proteinat vaktit. Proteinat, janë një pjesë vitale nëse do të humbasësh peshë, sepse ato të ndihmojnë të ndihesh gjithmonë e ngopur.

Ndihmon diebetikët

Nëse do të biesh nga pesha, por ke ndjeshmëri të lartë ndaj glukozës, tërshëra është zgjedhja e duhur për dietën. Studimet thonë se njerëzit që vuajnë nga diabeti mund të hanë pa frikë tërshërë dhe të ndihen edhe më të shëndetshëm pa pasur probleme.

Të jep energji

Kjo është një ndër arsyet themelore pse njerëzit janë të dashuruar me tërshërën dhe e konsumojnë atë sidomos në mëngjes. E pasur me proteina dhe fibra, një mëngjes me tërshërë do të të japë të gjithë energjinë që do të të duhet përgjatë gjithë ditës.

Forcon sistemin imunitar

Nëse je e ndjeshme ndaj ndryshimeve të temperaturave, është e thjeshtë të ndërpresësh aktivitetin fizik dhe të fillosh të hash ushqime të pashëndetshme. Për fat të mirë, tërshëra përmban beta-gluten, mjaft i rëndësishëm për të forcuar sistemin imunitar, duke ndikuar në përmirësimin e shëndetit.

Ndihmon zemrën

Ushtrimet janë një pjesë shumë e rëndësishme nëse do të humbasësh peshë dhe është mirë që të ushtrohesh vazhdimisht nëse do një zemër të shëndetshme. Po ashtu, duke i shtuar dietës edhe tërshërën, mund të jesh e sigurt që zemra do të jetë e shëndetshme dhe në gjendje të mirë për të përballuar çdo lloj aktiviteti fizik. Sipas një studimi nga Universiteti i Harvardit, meshkujt që konsumojnë çdo ditë një tas me drithëra janë 29 për qind më pak të rrezikuar nga ataku kardiak.

Është e shijshme

Nëse je duke ndjekur një dietë dhe do të humbasësh kile, është shumë e rëndësishme të konsumosh ushqime të shijshme, përveç se të shëndetshme. Kjo do të të ndihmojë të jesh në rrugën e duhur për të humbur kile, si dhe ta shijosh çdo gjë që ha. Nuk ka rëndësi çfarë thonë të tjerët për tërshërën. Ajo është e shijshme./Zoom.al

Nuk është mirë të flesh shumë, efektet negative të gjumit të tepërt

Është normale që një i rritur të flejë në periudhën nga gjashtë deri në tetë orë, aq shumë duhet për t’u rigjeneruar dhe përgatitur për ditën e nesërme.

Megjithatë, gjumi nuk mjafton, përveç kësaj rëndësi ka edhe stili i jetesës, nëse ushqeheni siç duhet, hidratoheni rregullisht, sa kohë kaloni në ndonjë aktivitet fizik, si dhe nëse konsumoni alkool…

Me konsumimin e alkoolit çdo ditë, dietë të parregullt ose të varfër dhe hidratim të parregullt, dobësojmë imunitetin dhe kështu ka rënie të energjisë, vazhdimisht ndihemi të lodhur, as dhjetë orë gjumë nuk do të ndihmonin.

Përveç kujdesit për stilin e jetesës, ja çfarë duhet të dini nëse kohët e fundit e keni pasur të vështirë të zgjoheni ose të flini më shumë se tetë ose dhjetë orë në ditë.

Lodhja nuk do të largohet dhe do të ndiheni të rraskapitur
Gjumi i tepërt nuk do t’ju bëjë të ndiheni të freskët dhe energjikë. Përkundrazi, do të ndiheni të lodhur dhe të pavullnetshëm për të bërë asgjë. Sasia e rekomanduar e gjumit është gjashtë deri në tetë orë për të rriturit. Nëse flini më shumë se kaq, nuk do të jeni në gjendje të përqendroheni në disa aktivitete gjatë ditës.

Dhimbjet e kokës janë gjithashtu të mundshme
Kjo është një shenjë e zakonshme e gjumit të tepruar, i cili shkaktohet nga një mosfunksionim i neuro-transmetuesve. Gjumi i tepërt zakonisht çon në dhimbje koke të padurueshme. Për më tepër, nëse gërhini, ka më shumë gjasa të zgjoheni me dhimbje koke. Hulumtimet kanë treguar se 60 për qind e njerëzve që gërhijnë janë të prirë ndaj tyre./Zoom.al

Shefi i politikës së jashtme të BE-së: Sanksionet nuk kanë qëllim ndryshimin e regjimit në Rusi

Shefi i politikës së jashtme të Bashkimit Evropian, Josep Borrell, tha se sanksionet e vendosura si rezultat i luftës në Ukrainë nuk kanë të bëjnë me kërkimin e ndonjë ndryshimi të regjimit në Rusi.

“Ne nuk jemi për ndryshimin e regjimit. Sanksionet nuk janë për të provokuar një ndryshim regjimi në Rusi”, tha Borrell.

“Përkundrazi, sanksionet janë shkaktuar nga lufta. Dhe qëllimi është të dobësohet ekonomia ruse, të bëhet ekonomia ruse të ndjejë peshën e pasojave dhe të rritet, forcojë pozicionin e ukrainasve në negociatat e ardhshme. Por asgjë për ndryshimin e regjimit”, tha ai.
Borrell tha gjithashtu se sanksionet nuk do t’i japin fund luftës në Ukrainë menjëherë.

“Ne mund të bëjmë shumë gjëra, por nëse njerëzit presin që sanksionet financiare të ndalojnë luftën brenda natës, ata nuk e dinë se për çfarë po flasin. Fatkeqësisht ne nuk kemi aftësinë për ta ndalur luftën në rrugën e saj. Ajo që ne mund të bëjmë megjithatë është të dobësojmë ndjeshëm ekonominë ruse me kalimin e kohës, “tha ai.

Borrell shtoi se përgjigja e BE-së nuk ishte kundër popullit rus, por për të mbështetur normat ndërkombëtare.

“Kjo nuk është Lindja kundër Perëndimit. Ky nuk është një ribërje e Luftës së Ftohtë. Ne po mbrojmë sovranitetin e kombeve – të gjitha kombeve. Ne po mbrojmë integritetin territorial të shteteve – të gjitha shteteve. Në Lindje, në Perëndim, në Veri dhe në Jug. Nuk është përsëri beteja e dy hemisferave. Ne mbrojmë të drejtën ndërkombëtare, sovranitetin e shteteve, integritetin territorial, mosshkelja e kufijve është diçka që është e vlefshme për këdo në botë. Ne nuk jemi armiq të popullit rus, ne jemi miq të Ukrainës, ne po i mbështesim ata në luftën e tyre, por nuk jemi kundër popullit rus”, tha Borrell.

“Kjo është lufta e Putinit dhe vetëm Putini mund t’i japë fund asaj”, shtoi Borrell.

Borrell tha gjithashtu se BE-ja “nuk do t’i kërkojë [presidentit ukrainas Volodymyr] Zelensky të dorëzohet”.

“Ne nuk do t’i kërkojmë Zelenskit të largohet nga Kievi, ne nuk do t’i kërkojmë atij të ndalojë së luftuari,” shtoi ai./ Burimi CNN, përktheu Zoom.al

Stafi i “Sky News” në Kiev goditet me armë

Stafi i medias prestigjioze “Sky News” në Kiev ka përjetuar orë tmerri në kryeqytetin ukrainas teksa ranë pre e goditjeve me armë zjarri nga forca sabotatore ruse. Teksa po ecnin me makinë në distancë 30 km larg Kievit, ata u tronditën nga të shtënat me armë nga njësitë e armatosura pro-ruse. Njëri prej tyre, korrespondenti i “Sky News” në Ukrainë, Stuart Ramsey mori dy plumba në trup, por për fatin e jashtëzakonshëm, mundi të shpëtonte falë jelekut antiplumb që kishte veshur.

Platformat e kriptomonedhave nuk do të ndalojnë transaksionet nga Rusia

Shkëmbimet e kriptomonedhave Coinbase Global Inc dhe Binance përsëritën të premten se nuk kanë plane për të ndaluar paraprakisht të gjithë rusët të përdorin platformat e tyre.

Disa nga shkëmbimet më të mëdha të kriptomonedhave në botë po qëndrojnë në Rusi, duke thyer radhët me financat kryesore në një vendim që ekspertët thonë se dobëson përpjekjet perëndimore për të izoluar Moskën pas pushtimit të Ukrainës.

Të dy shkëmbimet e kriptomonedhave kanë thënë se do të respektojnë sanksionet e qeverisë.

Deklaratat vijnë disa ditë pasi Coinbase dhe Binance thanë se nuk do të ngrinin të gjitha llogaritë ruse pas kërkesës së Ukrainës për shkëmbimet kryesore të kriptove që kërkon një ndalim të plotë.

Vendet perëndimore, duke përfshirë Shtetet e Bashkuara dhe Britaninë, kanë vendosur sanksione të mëdha financiare ndaj Rusisë për pushtimin e Ukrainës, me bankat kryesore ruse të mbyllura nga sistemi i pagesave ndërkombëtare SWIFT. Rusia i quan veprimet e saj në Ukrainë një “operacion special”.

Mijëra njerëz besohet se janë vrarë ose plagosur dhe më shumë se 1 milion refugjatë janë larguar nga Ukraina që kur presidenti rus Vladimir Putin nisi të enjten e kaluar sulmin më të madh ndaj një shteti evropian që nga Lufta e Dytë Botërore. /RTS

Trixa largohet nga Shqipëria e maskuar

Pas ndarjes nga Donald Veshaj, ajo ka zgjedhur të qëndrojë larg mediave. Megjithatë, ka bërë disa reagime të ndryshme përmes fotove të postuara në rrjetet sociale. Së fundmi, Beatrix është larguar nga Shqipëria dhe këtë e ka treguar përmes disa fotove.

Me anë të një “Instastory”, ka publikuar një foto ku shfaqet në avion e maskuar, por nuk ka zbuluar ende destinacionin e saj.

Ajo që vihet re është që foton e ka shoqëruar me një këngë dashurie, e cila thotë: “A më ke dashur ndonjëherë vërtetë?”, që dëgjohet në sfond.

Nuk dihet nëse ky është një mesazh për Donaldin, por të gjithë fansat ndajnë të njëjtin mendim.

Dalja nga ‘Big Brother’ prishi ekuilibrat e dyshes dhe situata nuk ishte e favorshme që në momentin që Trixa vendosi të mos i shkonte Donaldit për takim në shtëpi.

Tiranë, arrestohen për korrupsion 2 efektivë

Dy punonjës të policisë së qarkullimit rrugor u prangosën sot nga Drejtoria Rajonale e Agjencisë së Mbikëqyrjes Policore në kryeqytet pasi kanë kryet veprat penale shpërdorim detyre dhe korrupsion pasiv. Zoom.al mëson se të ndaluarit janë Erand Çela dhe Kristaq Çafaj, pjesëtarë të seksionit interurban pranë Komisariatit Rajonal të Policisë Rrugore në Tiranë.

Ata janë hetuar prej disa muajsh. Hetimet vërtetuan se Çela dhe Çafaj në bashkëpunim me njëri-tjetrin përdornin radarin e shpejtësisë për të ndaluar shoferë dhe nëpërmjet presioneve merrnin ryshfet prej tyre për të mos i penalizuar./ Zoom.al

Putin vazhdon të mohojë bombardimet në Ukrainë/ Raportohen 11 përdhunime nga ushtarët rusë

Presidenti Vladimir Putin ka këmbëngulur sërish se Rusia nuk po bombardon qytetet e Ukrainës, ndonëse 100 persona humbën jetën nën rrënoja pasi u godit një bllok apartamentesh pranë Kievit dhe pas një sulmi me bombë thërrmuese në qytetin e Chernihiv që vrau 49 të tjerë.

Putin, duke folur në telefon me kancelarin gjerman Olaf Scholz këtë mbrëmje, hodhi poshtë të gjitha raportet për sulmet ruse mbi ndërtesat e banimit, shkollat dhe spitalet duke i cilësuar si ‘të rreme’. Deklarata vjen një ditë pasi doli në TV për të akuzuar ukrainasit për përdorimin e civilëve si ‘mburoja njerëzore’ ndërsa u zotua se nuk do të tërhiqej nga sulmi i tij, raporton Daily Mail.

Po sot, një predhë godit zonën pranë shtëpisë së presidentit Zelensky, megjithëse ai nuk mendohet të jetë aty dhe nuk janë shkaktuar dëme.

Ndërkohë Dmytro Kuleba, ministri i Jashtëm i Ukrainës, pohoi se trupat ruse kanë përdhunuar gratë në qytetet që tashmë janë nën pushtimin e Rusisë. Ai nuk dha prova për të mbështetur pretendimin e tij, por mediat ukrainase raportuan se njëmbëdhjetë raste përdhunimi ishin raportuar në Kherson – i vetmi qytetet i madh i pushtuar nga Rusia pas më shumë se një javë luftimesh.

Autokolona drejt Kievit, SHBA: Forcat ukrainase kanë goditur ushtrinë ruse

Qendra ushtarake amerikane Pentagon raportoi së fundmi se forcat ukrainase kanë mundur të bllokojnë avancimin e një autokolone ruse të gjatë 65 km drejt kryeqytetit të Ukrainës, Kiev. Raportimi erdhi nga zëdhënësi i Pentagonit John Kirby. Ai bëri me dije se forcat ukrainase kanë sulmuar autokolonën ruse, e cila është nisur drejt Kievit.

“Ne kemi informacionet tona se një urë ka shpërthyer. Kemi sinjale se ukrainasit kanë goditur autokolonën. Besojmë se këto veprime kanë bërë që autokolona të ngecë dhe automjetet ushtarake me pajisjet logjistike të ndalojnë”, tha Kirby.

Zyrtarë të lartë ushtarakë amerikanë thanë më herët se autokolona ruse ndodhej rreth 20 km larg Kievit.

Burimi: CNN

Basha ndan foton e veçantë dhe fton qytetarët e 6 bashkive

Kreu i Partisë Demokratike Luzim Basha  ishte mbrëmjen e sotme në Durrës në mbylljen e fushatës për bashkinë. Teksa ka publikuar një foto me simpatizantë të PD, Basha u bën thirrje të gjithë qytetarëve të dalin të votojnë./Zoom.al