Day ArchiveRaporti i Parlamentit Europian: Krimi i organizuar pengon zhvillimin e Ballkanit Perëndimor

Eurodeputetët theksojnë se lufta kundër krimit të organizuar dhe avancimi drejt integrimit në BE janë procese reciproke përforcuese dhe bëjnë thirrje për një proces të përshpejtuar integrimi.

Në një raport mbi bashkëpunimin në luftën kundër krimit të organizuar në Ballkanin Perëndimor, eurodeputetët u kërkuan qeverive në rajon të rrisin ndjeshëm përpjekjet e tyre për të ecur përpara me reformat në fushën e sundimit të ligjit dhe luftës kundër korrupsionit dhe krimit të organizuar. BE-ja duhet, sipas eurodeputetëve, të mbështesë këto përpjekje përmes ndihmës financiare dhe bashkëpunimit praktik.

Përshpejtimi i procesit të integrimit në BE

Raporti, i miratuar nga Komiteti i Punëve të Jashtme të martën me 60 vota pro, 4 kundër dhe 6 abstenime, thotë se vendet e Ballkanit Perëndimor janë vendet e origjinës, destinacionit dhe tranzitit për trafikimin e qenieve njerëzore dhe ato shërbejnë si një korridor tranziti për migrantët dhe refugjatët dhe si vend për pastrim parash dhe trafikim të armëve të zjarrit.

Megjithatë, eurodeputetët theksojnë se lufta kundër krimit të organizuar dhe integrimi në BE janë procese reciproke përforcuese, duke i kërkuar BE-së të përshpejtojë procesin e integrimit. Në këtë kontekst, pasi izolimi inkurajon aktivitetet kriminale, eurodeputetët gjithashtu i bëjnë thirrje Këshillit që të miratojë liberalizimin e vizave për Kosovën pa vonesa të mëtejshme.

Faktorët kryesorë që i bëjnë shoqëritë e Ballkanit Perëndimor të prekshme, thotë raporti, janë mungesa e mundësive të punësimit, korrupsioni, dezinformimi, elementët e kapjes së shtetit, pabarazia dhe ndërhyrja e huaj nga regjimet jodemokratike si Rusia dhe Kina.

Mungesa e vullnetit të mirëfilltë politik në luftimin e krimit të organizuar

Me keqardhje për mungesën e vullnetit të vërtetë politik nga ana e elitave politike lokale për të luftuar krimin e organizuar, eurodeputetët duan që vendet e Ballkanit Perëndimor të adresojnë plotësisht mangësitë e sistemeve të tyre përkatëse të drejtësisë penale, duke përfshirë kohëzgjatjen e procedurave ligjore.

Tepër të vetëdijshëm për raportet dhe akuzat për lidhjet midis figurave të nivelit të lartë politik dhe grupeve të krimit të organizuar, eurodeputetët nënvizojnë nevojën për të çrrënjosur lidhjet politike dhe administrative me krimin e organizuar përmes masave mbrojtëse të qarta kundër korrupsionit dhe ndjekjes efektive të rasteve të korrupsionit të profilit të lartë.

Bashkëpunimi rajonal dhe ndërkombëtar

Lidhjet ndërmjet krimit të organizuar, politikës dhe bizneseve ekzistonin para shpërbërjes së Jugosllavisë dhe kanë vazhduar që nga fundi i konflikteve të viteve 1990, dhe eurodeputetët dënojnë mungesën e dukshme të vullnetit të autoriteteve përgjegjëse në rajon për të hapur arkivat e ish-Jugosllavisë. dhe që dosjet t’u kthehen qeverive nëse ato duan.

Eurodeputetët nënvizojnë gjithashtu se është e rëndësishme që vendet e Ballkanit Perëndimor të bashkëpunojnë dhe të ndajnë inteligjencën me shtetet anëtare dhe partnerët ndërkombëtarë duke përfshirë Shtetet e Bashkuara, Kanadanë, Mbretërinë e Bashkuar si dhe me organizata të tilla si NATO, Grupi i Shteteve të Këshillit të Evropës kundër Korrupsioni ( GRECO ), Organizata për Siguri dhe Bashkëpunim në Evropë ( OSBE ) dhe Zyra e OKB-së për Drogën dhe Krimin ( UNODC ).

Raporti mirëpret përfundimin e marrëveshjeve të bashkëpunimit ndërmjet Eurojust-it dhe qeverive të Shqipërisë, Maqedonisë së Veriut, Malit të Zi dhe Serbisë, si dhe autorizimin për hapjen e negociatave me Bosnje-Hercegovinën. Eurodeputetët i kërkojnë Këshillit që të autorizojë sa më parë hapjen e negociatave për një marrëveshje të ngjashme me Kosovën.

Raportuesi Lukas Mandl (EPP, AT ) tha: “Krimi i organizuar dëmton besimin e qytetarëve në institucionet e tyre publike dhe në njëri-tjetrin. Kjo është arsyeja pse është një pengesë e madhe për përpjekjet e shoqërive në Ballkanin Perëndimor për të zhvilluar shtetet dhe ekonomitë e tyre. BE-ja nuk duhet të përdorë krimin e organizuar si justifikim për të vonuar procesin e zgjerimit, por duhet të qëndrojë në krah të njerëzve të Ballkanit Perëndimor në luftën e tyre kundër krimit të organizuar.”

Babai i dhunshëm traumatizon fëmijët e tij: Mamaja juaj q**** me lekë, shife si u pispillos për me dal në rugë

Emisioni Stop ka publikuar sonte pamjet se si babai u flet keq për nënën e tyre 3 fëmijëve të mitur, duke përdorur fjalor banal. Rasti është shënuar në Mallakastër.

Zonja Fëllënxa Haxhiaj Islamaj është divorcuar nga bashkëshorti Jetnor Islamaj pas dhunës së këtij të fundit. Gjykata e Fierit i ka lënë nënës kujdestarinë e fëmijëve, por zonja Fëllënxa shprehet gjithashtu se nuk u ka mohuar të miturve takimet me të atin.

Në një nga këto takime, ish-bashkëshorti i mori fëmijët në shtëpinë e tij duke mos i kthyer tek e ëma. Por gjatë qëndrimit me babain, fëmijët kanë nisur duhanin, ndërsa vajzën më të madhe, 15 vjeç, e ka fejuar.

Në këtë pikë Fëllënxa merr urdhër të menjëhershëm mbrojtje dhe babait të fëmijëve i hiqet përkohësisht kujdestaria prindërore. Por urdhri nuk ekzekutohet, me justifikimin se nuk duan fëmijët.

Fëllënxa Haxhiaj Islamaj: U divorcova sepse ai ushtronte dhunë në familje. Kam ikur nga banesa sepse thoshte po nuk ike unë do të vras, kam vajtur në Policinë e Ballshit kam marrë urdhër-mbrojtje dhe jam larguar nga banesa me 3 fëmijët e mi sepse ushtronte dhunë dhe u detyrova bëra divorcin e ndarjes dhe gjykata m’i ka dhënë të 3 fëmijët mua t’i ushqej. Babai kishte për takim muajin Gusht që t’i mbante dhe një herë në muaj u detyrova që t’ia lija babait që t’i takonte fëmijët e tij sepse nuk mund të shmangeshin fëmijët nga babai, nuk e lejoja këtë gjë, por ai mori fëmijët për takim, kanë folur fëmijët në telefon 2-3 herë dhe pastaj kanë shkëputur çdo kontakt me mua sepse nuk i lejonte babai ngaqë i vajti fleta e divorcit në shtëpi që unë bëra ndarjen dhe përfitova të 3 fëmijët, dhe vajzën e madhe 15 vjeçe babai e ka fejuar. Vajza 8 vjeçe më thotë “o mami si do gatuaj? Më mëso të gatuaj se duam të hamë”. Unë kur flas me vajzën ai i jep duhan vajzës dhe djalit dhe thotë shiko çfarë po u bëj unë fëmijëve. Më thotë nuk ke për t’i parë më kurrë dhe i jam drejtuar Gjykatës së Fierit sepse këta fëmijë po më shkatërrohen, po më pijnë duhan, i kam thënë duhet të marr urdhër të menjëhershme mbrojtje për fëmijët dhe për veten, dhe gjykata ka vendosur që ka dhënë urdhër mbrojtje për fëmijët dhe për vete që të largohen nga banesa e babait, t’i drejtohen nënës, i ka dhënë urdhër policisë dhe shërbimeve sociale por ata nuk po e zbatojnë këtë rregull.

Emisioni “Stop” ka siguruar një video, ku duket Jetnor Islamaj, babai i fëmijëve, që u jep atyre cigare, ndërsa u thotë për të ëmën fjalë të rënda ofenduese (se është k*rvë dhe prostituohet).

Ish-bashkëshorti, Jetnor Islamaj: Tani është k*rvë ajo tani, tani është k*rvë.

Denoncuesja: O Kristi!

Fëmija: Eeeeooo…

Denoncuesja: Mos dëgjo atë, të keqen mami, ça thotë ai!

Ish-bashkëshorti: Mami jot është k*rvë, i thashë!

Fëmija: Nuk dëgjoj atë unë, joo!

Ish-bashkëshorti: Sa u q* ve sonte? Thuaj, sa lekë more?

Ish-bashkëshorti: Hë mi k*rvë, ik q*hu andej, ik! Do vijnë te ty ata?! Shiko si po q*het, shiko o Kristi! Shiko, shiko! Do pispilloset nashi, do lyhet do ngjyhet do të vejë të q* het. Ha, ha, ha, ha…

Gazetarja e emisionit Stop, Domenika Bajraktari, iu drejtua zyrës përmbarimore shtetërore në Fier dhe kryetari i zyrës, Julian Hoxhaj, shpjegon se janë bërë dy tentativa për ekzekutimin e vendimit të gjykatës, por ato janë penguar.

Sipas tij, Shërbimi Social nuk bashkëpunon pasi fëmijët që janë nën 10 vjeç duhet automatikisht të bashkohen me nënën.

Rrahin dhe kërcënojnë 78 vjeçaren, nusja e djalit fëmijëve: Goditeni me gur, unë do e helmoj

Nusja e shtëpisë kthehet jo vetëm në tmerrin e vjehrrës, por edhe të të gjithë fshatit. Në Fiks Fare u ankuan banorët e fshatit Poshnje në Dimal të cilët thanë se nëna e katër fëmijëve bashkë me të shoqin, fyen, kërcënon dhe dhunon gjithë lagjen, për më tepër vjehrrën e saj 78 vjeçare.

Madje përveç ofendimeve nga më të ndyrat situata ka agravuar edhe në konfliktime fizike. Para kameras së Fiksit banorët e Poshnjes tregojnë se mjafton të kalojnë në rrugë apo të dalin në oborr të shtëpisë dhe drejt tyre vërshojnë ‘lumë’ ofendimesh nga çifti Shuli. Të gjitha këto konflikte dhe ofendime sipas banorëve janë pa asnjë shkak. Një e moshuar me lot në sy tregon se si dhunohet e ofendohet plaka 78 vjeçe e më pas tregon konfliktin që dhe djali i saj ka patur me nusen e shtëpisë.

Ndërsa e moshuara 78 vjeçarja Alije Shuli në një intervistë për Fiksin tregon se edhe pse e ndarë nga djali dhe nusja, jetojnë në të njëjtën çati ku e moshuara ka dhomën e vet. Ajo aty gatuan e jeton ” nuk u kam rënë kurr në qaf” shprehet ajo. Tregon se më shumë rri e mbyllur në dhomën e saj, pasi ka frikë se nusja mund ta helmojë. Ajo pohon se kjo e fundit mëson fëmijët se si ta gjuajnë me gur, ndërsa vetë nusja bashkë me djalin nuk e kanë kursyer dhunën fizike kundrejt saj. Në një audio të dhënë nga emisioni Fiks Fare nëna me një ton të lartë dhe një fjalor aspak normal për fëmijë nën moshën 8 vjeç, i mëson ata sesi ta gjuajnë gjyshen e tyre dhe të gjithë banorët e tjerë me gurë në kokë. ” Të merrni një gur , e të godisni në shenjë mu në kokë, t’ja çani kokën. Ua kam dhënë lejen, se nuk me rr… lesht për këto lavire e prostituta” u shprehet ajo fëmijëve minorenë. Ndërkohë në fund po fëmijëve nëna u pohon se do ta helmoj gjyshen e tyre.

Fiksi kërkoi edhe një prononcim nga nusja, Zabina Shuli, e cila pohon se vjehrra e saj i rreh fëmijët dhe ky ka qenë shkaku i zënies së tyre, por mohon kategorikisht të ketë ushtruar dhunë fizike mbi të dhe as burri i saj. Ndërsa pyetjes së gazetarës po me banorët e fshatit për çfarë konfliktohet, e reja përgjigjet se e kanë ngacmuar ata të parët ” kruhen vetë”. Ajo me gjakftohtësi shprehet se nesë vjehrra i prek fëmijët e saj me dorë ajo nuk do e lejojë kurr një gjë të tillë” nesë ajo i godet , unë nuk do mbaj sehir” shprehet Zabina. Më pas e pyetur për kërcënimin e helmimit të vjehrrës e reja përgjigjet “Nuk i ndyej duart me të unë”.

Fiks Fare u interesua edhe pranë Shërbimit Social në Bashkinë Dimal, ku përgjegjësja e Nerita Heqimi mohon kategorikisht dijeninë për dhunë ndaj 78 vjeçares. “Ne jemi në dijeni për gjedjen e keqe ekonomike të familjes Shuli dhe e trajtojmë me ndihmë sociale , plus kemi dhënë edhe ndihma të tjera për ta. Por për ushtrim dhune nuk jemi në dijeni dhe plaka ditën që kemi vajtur si zemra e çdo nëne na ka kërkuar ta ndihmojmë me çfarë të mundemi familjen e djalit të saj”.

Ajo shpjegon se nëse ka rast dhune referohet në polici e më pas shërbimi sociale ndërhyn. Sëbashku me gazetarët e Fiksit përgjegjësja Heqimi i drejtohen komisariatit ku mësojnë se aty është edhe 78 vjeçarja . Kjo e fundit është shoqëruar nga specialist i policisë së zonës pas shkuarjes së Fiksit. Vetë shefi i policisë mohon të ketë pasur denoncime për këtë familje, por e ndërpret SPZ i cili pohon se kanë pasur konflikte , por janë zgjidhur pa u agravuar situata. Pasi e moshuara bën deklaratën në polici është vetë shefi i policisë që zotohet se do të shoqërohen në komisariat edhe nisja me djalin.

E pyetur nga ana e Fiksit se cila do jetë zgjidhje për këtë 78 vjeçare, përgjegjësja e Shërbimit Social Dimal shpjegoi se procedura që ndiqet në këto raste do jetë ezaurimi me fëmijët e tjerë nesë duan ta mbajnë nënën, në të kundërt do marrë masa shërbimi social për strehimin e 78 vjeçares.

* * *
Nëna mëson fëmijët t’i gjuajnë me gurë gjyshes dhe komshinjve

Nëna- Sa herë të kam thënë , po më rr… l… mua kushdo qoftë këtu. Për cfarë nuk e qëllove t’i çaje trutë?Pse e lejove dhe kaq? Sa hërë të kam dhënë lejë që njeri po të preku me gojë , shanci më me dorë nuk do jetë me ato prostituta, që i gjithë fshat prostitutash është këtu. Pse nuk i qëllove ti t’i çaje kokën? Pse nuk i çuat të dyja me plisa guri t’i çaje kokën? Pse? Pse e lejon veten me atë që të qëllon kur unë nuk jam në shtëpi?

Moj më rr…. l… nëna mua edhe kushdo qoftë mbas nënës. Unë të kam dhënë leje, këto lavire, këto kurva , këto prostituta, këto që i ka të gjitha ndryrësirat mbi kurriz, pse nuk i çave kokën? Ty ta kam dhënë lejen, nga unë e ke rrugën e hapur ta dëgjojë një botë e gjithë. Apo të vras ty unë për këto kurvat e lagjes që ma rr… lart e poshtë mua këto, ma rr… lartë e poshtë se nuk rrah kalamaqët për këto kurvat e lagjes.

Të kam porositur njëmijë herë kush prostitutë nga këto të lagjes t’u preki me dorë e merrni në shenjë e t’i qëlloni mu në kokë , t’i çani kokën!Sa herë të iki unë një llaf i vogël të dëgjohet do marrësh një plis kaq, do ta vësh me shenjë dhe do t’i biesh. Do ta kapësh në kokë po ma hanë p… këto mua se janë lavire të gjitha. DO T’I MARR HELM, DO TA HELMOJ!/ TCH

“Vjen në Kuvend me makinë 250 mijë USD”, Ahmetaj i përgjigjet Palokës me foto dhe zbulon çmimin e mjetit të tij

Zëvendëskryeministri Arben Ahmetaj reagon pas denoncimit të deputetit demokrat, Edi Paloka, se “Ky shkon tek Nusreti ne Dubai (1 mije dollare bifteku) “per te ngrene nje çap buke” dhe vjen me Bentley (250 mije dollare) ne Parlament e pastaj flet per varferine e shqiptareve”.

Ahmetaj publikon një fotografi të tijën me makinë, para Kuvendit, ndërsa shkruan me ironi se “Kush e gjen dot ndryshimin mes një Hyundai Genesis 28 mijë dollarë dhe një Bentley 270 mijë euro? ?? Ta kuptojnë zemrat e zjarrta që dhe njëherë tjetër shpërndanë një lajm qorr e thuthuq ✌️”.

Më herët, në postimin e tij në “facebook”, Paloka u shpreh se “Ky shkon tek Nusreti ne Dubai (1 mije dollare bifteku) “per te ngrene nje çap buke” dhe vjen me Bentley (250 mije dollare) ne Parlament e pastaj flet per varferine e shqiptareve…! Rama nderkohe po ben gati dy muaj qe shetit me charter neper bote ! E ne kerkojme qe ketyre vetingun t’ju a bej SPAK-u i Rames !!!
Rama , ky dhe ata si ky , vertete qe nuk e kane ndermend te ikin as nga Shqiperia e as nga qeveria po nuk i shporrem ! Po keta nuk shporren as me grisje letrash , as me recitime , as me beteja boshe ne Parlament . Me kete situate , ata jane me komode se kurre . Prandaj vazhdojne e tallen me shqiptaret!”

 

 

Aksident në aksin Lezhë-Milot, makina përplas për vdekje këmbësorin (Emri)

Një aksident ka ndodhur mbrëmjen e sotme në aksin Lezhë-Milot me pasojë vdekjen e një qytetari. Policia bën me dije se në vendin e quajtur “Kryqëzimi i Rrilës” automjeti me drejtues shtetasin A.I., banues në Shkodër ka përplasur këmbësorin shtetasin Pal Vathi , banues në Lezhë, i cili për pasojë ka ndërruar jetë.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

Lezhë/Informacion paraprak

Rreth orës 20:15, në aksin rrugor Lezhë-Milot, në vendin e quajtur “Kryqëzimi i Rrilës” , automjeti me drejtues shtetasin A.I., banues në Shkodër ka përplasur këmbësorin shtetasin P.V. , banues në Lezhë, i cili për pasojë ka ndërruar jetë.

Drejtuesi i automjetit është shoqëruar në Komisariatin e Policisë Lezhë, për veprime të mëtejshme.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.

Kërcënohet me thikë kreu i Komunës së Prishtinës, arrestohet trajneri i futbollit

Trajneri i futbollit Afrim Tovërlani është arrestuar pasi ka kanosur me thikë kryetarin e Prishtinës Shpend Ahmeti.

Në raportin e policisë lidhur me këtë incident thuhet se incidenti ka ndodhur në date 25.10.2021 rreth orës 17:50 në shtëpinë e Shpend Ahmetit.

Ndërkohë nuk ka pasur ende asnjë deklarim nga Shpend Ahmeti.

Njoftimi i policisë:

“Më 25.10.2021 rreth orës 17:50 policia ka marrë informacionin se është raportuar një rast i kërcënimit në lagjen Nic në Çagllavicë, saktësisht në shtëpinë e kryetarit të komunës Shpend Ahmeti. Patrulla që shkoi në këtë lokacion i ka takuar katër burra, mes tyre edhe Afrim Tovërlanin”, thuhet në këtë raport.

Ishte vetë Afrim Tovërlani i cili e paraqiti rastin në polici.

Gjatë kontrollimit trajnerit Tovërlani i është gjetur një thikë e cila është konfiskuar, derisa i dyshuari ishte dërguar në stacionin policor në Graçanicë ku edhe i është bërë alkool-testi pas të cilit ka rezultuar se ka qenë në gjendje të dehur.

Kryetari i Prishtinës Shpend Ahmeti nuk është deklaruar akoma rreth këtij rasti.

Trajnerit Afrim Tovërlani i është caktuar masa e ndalimit prej 48 orësh dhe është transportuar në Qendrën e Paraburgimit në Prishtinë.

Angelina Jolie mahnitëse në Festivalin e Filmit në Romë

Angelina Jolie sërish tërhoqi vëmendjen kur mori pjesë në shfaqjen e Festivalit të 16 -të të Filmit në Romë, për premierën e “The Eternals” .

Aktorja e njohur shoqërohej nga vajzat Shiloh, 15 vjeçe dhe Zahara, 16, teksa përshëndeti një grup fotografësh pasi parakaloi  në tapetin e kuq të mbushur me yje, shkruan “Daily Mail”. Duke zgjedhur një fustan të guximshëm argjendi pa rripa, Angelina dukej e mrekullueshme gjatë ndalesës  ë fundit promovuese për aventurën e saj të re në Marvel.

Teksa dy vajzat e aktores dukeshin të mrekullueshme me veshjen e tyre në tapetin e kuq, Zahara që zgjodhi një fustan të bardhë, të frymëzuar nga antikiteti grek, ndërsa Shiloh zgjodhi një fustan të zi deri në gjunjë të kombinuar me një palë këpucë me printe të verdha kafshësh.

Tesla kalon vlerën prej një trilion dollarësh në treg

Hertz do të paguajë 4.2 miliardë dollarë për 100,000 makina Model 3s, gjatë 14 muajve të ardhshëm.

“Automjetet elektrike tani janë të zakonshme dhe ne kemi filluar të shohim rritje të kërkesës dhe interesit global”, tha shefi i përkohshëm i Hertz-it, Mark Fields.

Tesla ka qenë prodhuesi më i vlefshëm i makinave në botë për disa kohë, por kompanitë si Ford dhe GM prodhojnë më shumë makina.

Deri më tash, vetëm katër gjigantë të tjerë amerikanë kanë arritur vlerën prej një trilion dollarësh në treg – në mesin e tyre: Apple, Microsoft, Amazon dhe Alphabet.

Presidenti Erdogan pritet nga homologu azer në vizitën e tretë që prej konfliktit

Sot Erdogan e Aliev inauguruan aeroportin ndërkomëbtar të Fuzuli dhe nënshkruan të tjera traktate bashkëpunimi të mbrojtjes.

Erdogan është zotuar për mbështetje të patundur të Ankarasë ndaj Bakut për objektivat e sigurisë dhe zhvillimit ekonomik.

Turqia ndihmoi fuqimisht Azerbaixhanin në konfliktin e nisur në fund të vitit të shkuar, kundër Armenisë në Nagorno-Karabak.

Gjatë luftës 44-ditore, Azerbaixhani mori disa qytete e fshatra që mbaheshin nga Armenia prej tre dekadash.

Konflikti u mbyll në nëntor me një marrëveshje të ndërmjetësuar nga Rusia.

Orlando Bloom bën urimin romantik për Katy Perry

Aktori 44 vjeçar ka shpërndarë një foto me të dashurën e tij, këngëtaren e njohur Katy Perry të cilën e ka uruar për ditëlindje.

Me një foto të tyre teksa ajo fryn qirinjtë e ditëlindjes, ai ka shkruajtur: ‘’Ne jetojmë jetën dhe dashurinë tonë dhe është zbavitëse. Unë do të festoj me ty sot dhe çdo ditë. Të dua.’’

Çifti janë bashkë që prej 2016 dhe prindër të një vajze të quajtur Daisy Dove Bloom.

Katy Perry po atë ditë festoi ditëlindjen e saj duke prezantuar emisionin e njohur Ellen DeGeneras, ku dhe ndau eksperieca se si është të jesh një mama e re dhe një yll Pop-i.