Aplikacion
Burime pranë selisë rozë në Shkodër bëjnë me dije se zonja Xhaçka ka qenë në Shkodër gjatë fundjavës, ku ka zhvilluar takimet e para me forumet e kësaj force politike si dhe drejtuesit e institucioneve në Shkodër.
Në fjalën e saj para socialistëve, ministrja e Jashtme, Olta Xhaçka, tashmë edhe në rolin e të deleguarës për zgjedhjet në Shkodër, u ka kërkuar angazhim maksimal për këtë betejë, duke përsëritur se shanset që Bashkia e Shkodrës t’i kalojë socialistëve në këto zgjedhje është shumë i madh, kjo duke iu referuar, të qenët në pushtet të Partisë Socialiste në mandatin e tretë, por edhe përçarjes brenda demokratëve, çka mund të përgjysmojë votat e së djathtës në Shkodër.