Në vitin 2014, Rroshkodoli është akuzuar dhe arrestuar në Belgjikë për grabitje, së bashku me disa shqiptarë të tjerë.

Ai rezulton i skeduar edhe në Rumani, ku një vit më parë ka plagosur me thikë pronarin e një lokali nate.

Pas ngjarjes, ai ishte shpallur në kërkim nga autoritetet rumune.

Sherri kishte nisur në një qebaptore mes shqiptarit dhe pronarit të një klubi nate.

“36-vjeçari shqiptar është ngritur nga tavolina dhe me një thikë që ka pasur në dorë ka qëlluar pronarin e lokalit”, njoftuan mediat në Rumani kur ndodhi ngjarja.

10 vjet me parë Rroshkodoli dyshohet se ka qenë autor edhe i plagosjes së 2 vëllezërve në Shkodër.

Pista kryesore ku po heton policia për vrasjen e tij është ajo e hakmarrjes.

Autori i krimit është ende i paidentifikuar.