Aplikacion
Në vitin 2019, në Shëngjin do të përhapeshin zëra se në zonë kishte mbërritur një vrasës me pagesë, i cili ishte paguar për të ekzekutuar Nikulajn. Alarmi i ngritur bëri që atentati të mos finalizohet, pasi në atë kohë organet ligjzbatuese do të merrnin informacionet në kohë dhe autorët do të tërhiqeshin.
Së fundmi, thotë një tjetër burim konfidencial, dyshohet se disa persona kanë paguar një grup që operon në jug të vendit, që të organizonin vrasjen e Nikulajt. Ky grup, pasi merr përsipër organizimin, tenton të rekrutojë një vrasës me pagesë.
Tentativë, e cila sërish do të dështonte, pasi atentati dekonspirohet dhe nga ai moment, Ardjan Nikulaj shtoi sigurinë dhe lëvizte me makinë të blinduar. Por, kjo situatë nuk zgjati shumë pasi biznesmeni 50-vjeçar u ekzekutua në lokalin e tij “Coral”, në pedonalen e Shëngjinit.
Nuk dihet ende nëse dora që e vrau Nikulajn është ajo e porositësve të dy tentativave të mëparshme për eliminimin e tij, por hetuesi e kanë të qartë se autori i dyshuar si vrasës me pagesë, erdhi dhe u largua me një skuter, duke humbur gjurmët në Shkodër.
Meta: Pensionet dhe pagat më të ulëta në Europë, të çrrënjosim nepotizmin në Dogana dhe Tatime