Gianluigi Donnarumma konfirmoi të martën largimin e tij nga Paris Saint-Germain pasi u përjashtua nga skuadra nga trajneri Luis Enrique, i cili e la portierin italian jashtë formacionit të Super Kupës.

Donnarumma luajti një rol të rëndësishëm në fushatën e PSG-së për fitimin e tripletës sezonin e kaluar, duke i ndihmuar ata që më në fund të fitojnë Ligën e Kampionëve për herë të parë .

Megjithatë, 26-vjeçari, i cili iu bashkua klubit në vitin 2021, tani është lënë jashtë loje.

PSG nënshkroi me portierin francez Lucas Chevalier të shtunën, duke nxitur spekulime rreth të ardhmes së Donnarumma-s, dhe me një vit të mbetur në kontratën e tij, italiani tani është i vendosur të largohet.

“Fatkeqësisht, dikush ka vendosur që unë nuk mund të jem më pjesë e grupit dhe të kontribuoj në suksesin e ekipit”, shkroi Donnarumma në rrjetet sociale të martën. “Jam i zhgënjyer dhe i dekurajuar.”/Zoom.al