Të pranishëm ishin të ftuar të famshëm si Zendaya, Jennifer Lopez, Chris Hemsworth, Ariana Grande, Ed Sheeran, Emily Ratajkowski dhe shumë të tjerë.

Gjithashtu ishte edhe aktorja e modelja britanike Cara Delevingne, e cila gjeti kohë të fliste për revistën Variety.

Mesazhi i saj ishte që ata njerëz që luftojnë çdo ditë me varësinë e tyre, të qëndrojnë të matur.

“Nuk jeni vetëm. Nëse unë mund ta bëj, çdokush mundet. Por ju duhet të komunikoni dhe të jeni të sinqertë për këtë sa më shumë që të mundeni, veçanërisht me veten”, tha ajo.

Cara Delevingne kaloi një periudhë shumë të komplikuar në jetën e saj. Në fakt, në një intervistë për Vogue në 2023, aktorja foli për varësitë e saj dhe theksoi se sa e vështirë ishte adoleshenca: “Gjithçka u shkatërrua. Fillova të pija dhe të argëtohesha, kisha nevojën t’i shpëtoja realitetit dhe ta ndryshoja atë”.

Në moshën 15-vjeçare, siç tregoi ajo vetë, mori ilaçe kundër depresionit:

“Më shpëtuan jetën. Ka një pjesë të ndjenjës së pamposhtur kur je i droguar. Më vuri në rrezik në ato momente sepse nuk më interesonte jeta ime,” shpjegoi ajo në atë kohë.