Teksa sot pritet t’i konfirmohet masa e sigurisë, pasi Gjykata e Tiranës caktoi ndaj tij “detyrim paraqitjeje”, mjeku i Onkologjikut Edmond Gashi është paraqitur sot në gjykatë.

Ai refuzoi që të fliste gjatë për mediat, ndërsa tha shkurt se bënte vetëm punën e tij. “Unë bëj vetëm punën zotëri”, tha Gashi për gazetarët, teksa hynte në godinë.

Tetë mjekë janë nën akuzë për skandalin, teksa orientonin të sëmurët me kancer te privati, klinikë e poseduar nga mjeku Gashi sipas hetimeve. Gjithashtu luhej me aparaturën e kobaltit dhe u kapën përgjime për “kapjen e Maldiveve apo Tajlandës me 5 operacione”. /ZOOM.AL/