Nicolo Fagioli, Sandro Tonali, Zalewski si dhe Zaniolo janë disa nga emrat që janë publikuar deri më tani ndërsa në vijim pritet të publikohen edhe të tjerë futbollistë.

Megjithatë, trajneri i Real Madrid, Carlo Ancelotti i pyetur mbi këtë temë sqaron se përgjegjësia duhet të jetë vetëm e lojtarëve dhe se nuk duhet hedhur baltë mbi futbollin italian.

“Mendoj se është një papërgjegjshmëri e këtyre të rinjve që janë bërë pjesë e futbollit italian, duhen trajtuar në formën e duhur. Bastet janë një sëmundje. Por, e theksoj se këtu bëhet fjalë për një përgjegjësi individuale dhe nuk duhet të prekim apo të hedhim baltë mbi futbollin italian. Drejtësia do të thotë fjalën e saj, këta të rinj kanë thyer një nga rregullat kryesorë të sportit, duke vendosur baste. Kjo është shumë e qartë për ata që e bëjnë këtë profesion”, tha Ancelotti. /zoom.al/