Komandanti Frank Borman dhe pilotët Jim Lovell dhe Bill Anders po udhëtonin në të.

Një mision i rëndësishëm që tashmë ka mbetur pa komandantin e tij. NASA ka njoftuar vdekjen e Frank Borman (1928), në moshën 95-vjeçare, të martën e kaluar në Billings (Montana). Borman ishte astronauti më i vjetër amerikan, duke ia kaluar Lovell-it me disa ditë.

“Sot kujtojmë një nga më të mirët e NASA-s. Astronauti Frank Borman ishte një hero i vërtetë amerikan. Ndër arritjet e tij të shumta, ai shërbeu si komandant i misionit Apollo 8, misioni i parë i njerëzimit rreth Hënës në vitin 1968 dhe hapi rrugën për uljen në Hënë disa muaj më vonë”, tha administratori i NASA-s, Bill Nelson.

Borman, së bashku me shokët e tij Lovell dhe Anders, ishin të parët që u larguan nga orbita e Tokës. Anijes kozmike Apollo 8 iu deshën tre ditë për të arritur në Hënë dhe orbitoi rreth saj dhjetë herë për 20 orë. Në atë kohë, astronautët bënë një transmetim televiziv në prag të Krishtlindjeve.

Më 27 dhjetor, gjashtë ditë pas ngritjes, ata u kthyen në Tokë. Madje astronauti Anders bëri edhe shkrepjen e parë të fotos së Tokës nga hapësira dhe që shkroi historinë. Ky udhëtim shërbeu edhe për të përcaktuar trajektoret e udhëtimeve të ardhshme jashtë Tokës. /ZOOM.AL/