Ngjarja ndodhi në aksin rrugor Korçë-Devoll, në fshatin Belorta, ndërsa raportohet se 35-vjeçari dhe babai i tij i moshuar, i cili ishte pasagjer, kanë shpëtuar dhe janë transportuar drejt spitalit. Automjeti i tyre është larguar nga karburanti prej personave të tjerë, të cilët e kanë nxjerrë jashtë rrugës, me qëllim shmangien e rrezikut të mëtejshëm dhe shkaktimit të ndonjë tragjedie.

“Më datë 08.06.2024, rreth orës 12:55, në aksin rrugor “Korçë-Devoll”, në fshatin Belorta, Korçë, në një karburant, ka rënë zjarr në automjetin tip “Benz”, me drejtues shtetasin D. O., 35 vjeç, banues në fshatin Rëmbec, Maliq, në momentin kur ky shtetas po e furnizonte automjetin, me karburant.

Në brendësi të automjetit ndodhej pasagjer babai i tij, shtetasi M. O., 72 vjeç, i cili së bashku me 35-vjeçarin, kanë pësuar djegie trupore dhe ndodhen për mjekim, në spital. Automjeti i tyre është larguar nga karburanti prej personave të tjerë, të cilët e kanë nxjerrë jashtë rrugës, me qëllim shmangien e rrezikut të mëtejshëm”, tha policia vendore.

Grupi hetimor po punon për përcaktimin e shkaqeve të rënies së zjarrit. /ZOOM.AL/