Garo u shpreh se nga 100 delegatët që verifikoi Agron Shehaj për degët 5 dhe 7 në Tiranë, vetëm dy prej tyre nuk kanë konfirmuar firmosjen e formularit, dhe të dy emrat janë hequr nga lista, ndërsa shtoi se po bëhet një proces riverifikimi i hapave për administrimin e tyre.

Përmes një postimi në rrjetin e saj social Facebook, ajo ka ftuar mediat apo çdo njeri të interesuar të verifikoi nëse procesi është transparent apo jo.

Ditën e djeshme, Agron Shehaj, deputeti i PD-së shkoi në zyrën e Edi Palokës dhe hapi kasafortën duke verifikuar firmat për Kuvendin Kombëtar të 11 dhjetorit, të Sali Berishës. Shehaj tha se kishte verifikuar firmat dhe 98% e tyre me të cilët foli ne telefon kishin konfirmuan që kanë plotësuar formularin.

Mirëpo, një prej demokrateve ka zbuluar se kjo nuk është e vërtetë, duke lënë një koment në postimin e tij në Facebook, se Shehaj e mori në telefon, i tha se i kishin falsifikuar firmën.