Aplikacion
Këshilli Kombëtar i Territorit ka miratuar lejen për dhënine me koncesion të rrugës Thumanë-Kashar me një gjatësi prej 21 kilometrash.
Ky aks u është dhënë me koncesion për 35 vite kompanive Gener 2 dhe G2 Infra e cila do ta ndërtojnë me shpenzimet e veta. Përgjatë kësaj periudhe plani bazë i të ardhurave të kompanive llogaritet në 1.56 miliardë euro me TVSH.
Në kontratë thuhet se kompania do të vendosë një tarifë për kalimin e mjeteve në këtë segment rrugor për të gjeneruar të ardhura. Në vitet e para qeveria ka vendosur edhe një fond si garanci nëse kompania nuk siguron fitimin e planifikuar.
Kështu në vitin e parë plani bazë i të ardhurave është 26.8 milionë euro ndërkohë që shteti do të garantojë 8 milionë euro.
Vit pas viti plani i të ardhurave ndryshon duke kulmuar në vitin 2055 në 63.1 milionë euro dhe mbështetja e shtetit ndalet në vitin 2031 kur garancia e parashikuar është 360 mijë euro.
Katër vite më parë qeveria u tërhoq nga projekti i prezantuar në vitin 2018 duke deklaruar se financimi i planifikuar do t’i dedikohej angazhimit tjetër të qeverisë për “Paktin me Universitetin”.
Kompania bëri padi në gjykatën administrative dhe e humbi çështjen në shkallën e parë. Më pas çështja shkoi në Gjykatën e Apelit dhe në tetor të vitit 2021 gjykata e mbylli procesin pasi qeveria u tërhoq duke i dhënë sërish kompanisë Gener 2 të drejtën e koncesionit./Oraneës
Britney Spears përleshet me të dashurin në suitë, dhunë e ulërima në korridorin e hotelit