Zënka ka ndodhur në ambientet e një “Fast Foot” në zonë, ku gjurmët e gjakut janë ende mbi karrigen e lokalit në pjesën e jashtme.

I plagosuri është studenti 19-vjeçar, Aron Demiraj, ka mbërritur te Spitali i Traumës. Ai ka marrë tre plagë, një në brinjë, qafë dhe shpatull.

Njoftimi i policisë:

Më datë 21.11.2024, në Qytet Studenti, në rrugën “Sotir Kolea”, gjatë një konflikti dyshohet se shtetasi A. A., 19 vjeç, ka goditur me mjet të mprehtë shtetasin A. D., 20 vjeç, i cili si pasojë është dëmtuar dhe ndodhet në spital, në kujdesin e mjekëve. Po punohet për sqarimin e rrethanave të ngjarjes.