Ngjarja ndodhi në muajin shtator të vitit 2020. Vrasja në fjalë u zbardh pas hetimeve të SPAK, ndërsa ky i fundit lëshoi mbi 35 urdhër-arreste. Përveç kësaj ngjarje, janë zbardhur edhe disa krime të tjera.

Kapllani ishte shok i Nuredin Dumanit, një prej të penduarve të drejtësisë që ka çuar në zbardhjen e shumë krimeve me rrëfimeve të disa bandave në vend. Dumani dhe Klevis Kapllani, janë nga i njëjti fshat, Sinaballaj dhe para se i penduari i drejtësisë të arrestohej nga policia, ata shoqëroheshin bashkë në publik.

Kapllani dyshohej si i përfshirë në disa ngjarje kriminale në Elbasan dhe Peqin. I dyshuar për vrasjen është i kërkuari Talo Çela, ish-mik i Dumanit, që nga grabitja e Rinasit, por i kthyer në armik befasisht ndoshta edhe për shkak të humbjes së pjesës së parave të grabitura në auroportin e Rinasit, në prill 2019. /ZOOM.AL/