Sipas mbrojtjes civile të Gazës, sulmi goditi një ndërtesë banimi dje vonë në një periferi perëndimore në qytetin Rafah, ku Izraeli ka thënë vazhdimisht se do të synojë militantët e mbetur të Hamasit. Të dhënat e Spitalit Abu Yousef al Najjar tregojnë se trupat e gjashtë fëmijëve, dy grave dhe një burri u dërguan atje. Të afërmit qanin dhe përqafuan trupat e fëmijëve, të mbështjellë me qefine të bardha në spital.

Ndërkaq, dy persona kanë vdekur gjatë një bastisjeje në Bregun Perëndimor të pushtuar, sipas ministrisë palestineze të shëndetësisë. Forcat izraelite nisën bastisjen të premten dhe thonë se vranë një numër militantësh dhe arrestuan të tjerë, me katër ushtarë të plagosur. Bastisja është në zonën e Nur Shams, ku refugjatët e luftës së 1948 dhe pasardhësit e tyre janë strehuar pranë qytetit palestinez Tulkarm.

Një nga të vdekurit u identifikua nga burimet palestineze si një person i armatosur, ndërsa zyrtarët thonë se i dyti ishte një nxënës 16-vjeçar. Grupi i Brigadave Tulkarm, i cili përfshin militantë nga fraksione të shumta palestineze, tha se luftëtarët e tij ende po shkëmbejnë zjarr me forcat izraelite sot. /ZOOM.AL/