Katër të ndaluarit kanë denoncuar për mediat dhunën e ushtruar nga policia. Një prej tyre pohoi pas kafazit prej xhami se familja e tij ishte terrorizuar.

“Na kanë trajtuar me rripin e pantallonave. Jam arrestuar nga Komisariati i Fierit, është terrorizuar familja, kam qenë në protestë si çdo qytetar, jam anëtar i kryesisë PD, jam i shkolluar jam biznesmen.

Nuk kam qëlluar me molotov, pasi kam respekt për uniformën e policisë. Kërkoj drejtësi!”, tha ai.

Ndërkohë një tjetër i arrestuar tha se molotovi te bashkia u hodh nga studentë të Akademisë së Rendit. Opozita denoncoi se policë të veshur si civilë dhe me precedentë penalë u infiltruan në turmë dhe kërcënuan e dhunuan tubuesit gjatë protestës për skandalin e dosjes “5D”.

Prapa kafazit prej xhami, ata janë shprehur se kane marrë pjesë në protestë si qytetarë dhe nuk kanë qëlluar me molotov. Policia thotë se shoqërimi i tyre është bërë pasi u hodhën dhjetëra koktejl me molotovë në drejtim të Bashkisë së Tiranës dhe u përplasën me punonjësit e policisë.

Të arrestuarit janë:

1-Kevin Vidrica, i arrestuar për përdorim të lëndëve piroteknike

2-Bernard Metaliaj,  i arrestuar për përdorim të lëndëve piroteknike

3-Franc Kaloshi, 35 vjeç, për ushtrim dhune ndaj punonjësve të policisë

4-Artan Muçmata, përdorim i lëndëve piroteknike

/ZOOM.AL/