Policia vuri re makinën e shqiptarit, i cili bëri disa lëvizje të dyshimta. 40-vjeçari është parë nga policia që të hidhte nga xhami i makinës një kuti kartoni, brenda së cilës u gjet 5 kg kanabis.

Kjo nuk mjaftoi për policinë italiane, e cila vendosi të zhvillonte kontrolle të tjera, në një magazinë e cila administrohej nga shqiptari.

Nga kontrollet policia arriti që të zbulonte në një zyrë disa çanta me drogë, me peshë 55 kg.

Nëse lënda narkotike do të hidhej në treg, ajo kapte vlerën e 500 mijë eurove. Shqiptari u arrestua dhe iu dorëzua autoriteteve të drejtësisë.