Këngëtarja është paditur për shkelje të së drejtës së autorit nga Tempo Music Investments, një kompani që pretendon se zotëron një pjesë të të drejtave të autorit për këngën e Brunos “When I Was Your Man”.

Në padinë e siguruar nga TMZ, Tempo Music pretendon se ka kaq shumë ngjashmëri muzikore midis “Flowers” të Miley-t dhe “When I Was Your Man” të Bruno-s, sa që është padyshim rezultat i “kopjimit të qëllimshëm” të artistes. Tempo Music pretendon se melodia, harmonia dhe kori në “Flowers” janë në thelb të ngjashëm me vargun në “When I Was Your Man”.

Miley fitoi një çmim Grammy për “Flowers” por Tempo Music thotë se ajo nuk do t’i merrte lulet e saj pa këngën e Bruno-s, e cila u publikua një dekadë më parë dhe arriti në krye të top-listave.