Gjatë vizitës, ai u ndal edhe në San Françisko dhe Nju Jork. Pekini pretendon se Tajvani demokratik është pjesë e territorit të Kinës dhe nuk ka të drejtë të ketë marrëdhënie me vende të tjera. Zëdhënësi i ushtrisë kineze, tha në një komunikatë për media se stërvitjet ushtarake përfshinë bashkërendimin e anijeve dhe aeroplanëve për ta marrë kontrollin e hapësirave ajrore dhe detare.
Mediat shtetërore raportuan se anijet e pajisura me raketa dhe aeroplanët luftarakë u përshinë në operacion dhe se njësitë punuan së bashku për ta simuluar rrethimin e Tajvanit.

Ministria e Mbrojtjes e Tajvanit deklaroi se u identifikuan 42 aeroplanë ushtarakë kinezë nga ora 09:00 e kësaj të shtunë. Sipas autoriteteve të Tajvanit 26 prej tyre e kaluan vijën e mesme të Ngushticës.