Në total janë arrestuar gjashtë persona të arrestuar, tre në Spanjë, dy në Holandë dhe 1 në SHBA për krimet e dyshuara të trafikut të drogës, pastrimit të parave dhe anëtarësimit në një organizatë kriminale.

6 persona u arrestuan në lidhje me sekuestrimin e më shumë se 2300 kilogramëve kokainë në Spanjë. Në SHBA u vendos në pranga një trafikant i njohur droge me origjinë shqiptare, me banim në Shtetet e Bashkuara. Ai akuzohet për drejtimin e një rrjeti të gjerë të trafikut të drogës që shpërndante kokainë në më shumë se 15 vende, duke përfshirë Spanjën, me sa duket duke planifikuar të ndërtonte një “dron nënujor” me kapacitetin për të transportuar në mënyrë autonome sasi të mëdha kokaine midis Amerikës së Jugut dhe Evropës.

Sasia e parë e drogës u kap në portin e Bilbaos në prill të vitit 2020, ku u gjetën 1100 kilogramë kokainë në një kontejner detar nga Ekuadori, i kamufluar brenda një ngarkese të ligjshme bananesh.

Ky arrestim u mundësoi agjentëve spanjollë të fillonin operacionin, duke i vënë në gjurmët e kësaj organizate të rëndësishme kriminale ndërkombëtare të specializuar në trafikun e drogës.

Me kalimin e muajve, u bë e mundur të identifikoheshin disa kompani importi frutash të krijuara për të futur ngarkesa të mëdha kokaine në Spanjë përmes kontejnerëve detarë, të gjitha në Madrid.

Ndërkohë, autoritetet spanjolle mundën të kapnin një tjetër ngarkesë në portin e Algeciras prej 1152 kilogramë kokainë në shtator 2021 dhe më pas, një tjetër ngarkesë prej 96 kilogramësh kokainë në nëntor 2022, të dyja të menaxhuara dhe të koordinuara nga e njëjta organizatë kriminale.

Hetimi është bazuar në bisedat e enkriptuara, të cilat përdoreshin nga kjo organizatë në komunikimet e saj me të vetmin objektiv për të shmangur veprimet e policisë në lidhje me operacionet e trafikut të drogës.

Në këtë mënyrë u bë e mundur identifikimi i plotë i personave më përgjegjës për këtë rrjet biznesi, të vendosur në vende të ndryshme, të cilët kanë menaxhuar drejtpërdrejt futjen në Spanjë të këtyre dërgesave të kokainës nga dërgesa e tyre në origjinë.

Për të gjitha këto arsye, në fund të nëntorit të kaluar u krye faza përfundimtare e këtij operacioni, duke u kryer gjithsej gjashtë kontrolle në shtëpi njëkohësisht; katër prej tyre midis provincave të Madridit dhe Alicantes, dhe dy të tjerat në kryeqytetin holandez. Në to u arrestuan pesë persona, tre në Spanjë dhe dy në Holandë, të gjithë të lidhur drejtpërdrejt me menaxhimin e ngarkesave të sekuestruara të kokainës.

Të arrestuarit akuzohen për krimet e dyshuara të trafikut të drogës, pastrimit të parave dhe anëtarësimit në një organizatë kriminale, për futjen e 2348 kilogramëve kokainë në Spanjë.