Policia e armatosur rëndë ka rrethuar një pjesë të qytetit dhe u ka kërkuar njerëzve që të “qëndrojnë larg” zonës, duke shtuar: “Qëndroni brenda”.

Incidenti po ndodh në një kafene, sipas agjencisë holandeze të lajmeve ANP.

Gazeta kombëtare de Telegraaf raportoi se personi që mori peng njerëzit ishte i armatosur dhe me eksplozivë.

Zëdhënësi i policisë Simon Klok tha për Associated Press se njerëzit po mbaheshin peng në Ede, por nuk pranoi të jepte më shumë detaje rreth incidentit ose të thoshte se sa njerëz ishin të përfshirë.

Nuk ka asnjë tregues se situata e pengjeve ka një motiv terrorist, tha policia në një deklaratë në X, teksa hetimet dhe operacioni vijon. /ZOOM.AL/