Teksa po analizonte lojën e konkurrentes në marrëdhënien e saj me Romeo Veshaj, Juli dëgjohet duke kujtuar fjalët që ish-banorja Julia Ilirjani ka thënë gjatë qëndrimit në shtëpinë e “BBV”.

“Një banor që nuk është më këtu, i ka bërë një analizë kësaj (Julia Iliriani për Heidi Baçin) dhe i ka thënë këtë fjali: ‘Ti i ke fiksim lojtarët e fortë dhe ti iu ngjitesh’. Ti tha e ke parë që në fillim që ky burri është lojtar i fortë, por nuk lidheshe dot me të se ishte i martuar, për mua dhe pastaj gjeti tjetrin”, tha aktori.

Mirëpo Egla Ceno kundërshtoi mendimin e Julias dhe Julit, duke thënë që ajo nuk e shikon kështu Heidin. “Nejse unë nuk e shoh dot ashtu, më vjen keq Juli”, u shpreh aktorja.

“Tani hajde flasim, a doni të flisni, t’i thoni gjërat troç?”, iu drejtua konkurrenti.