Viktima ishte me origjinë nga Greqia dhe mbrëmjen e së dielës mori plagë të rënda me thikë në qafë, gjoks dhe bark.  Policia njofton se ka gjetur thikën e përdorur në sulmin e ndodhur në rrugë, raporton media italiane Ansa.

Gruaja u dërgua në gjendje të rëndë në spitalin Mauriziano të Torinos. Aktualisht, ajo po trajtohet në një tjetër spital dhe ndodhet në kujdes intensiv pasi qëndroi 6 orë në sallë operimi.

Kirurgët riparuan plagët në mushkëritë, qafën dhe gjoksin e saj. Sulmi ndodhi në Largo Marconi, jo shumë larg shtëpisë së 20-vjeçares.