BBC shkruan se vajza, që do të mbajë emrin Lilibet “Lili” Diana Mountbatten-Windsor lindi të premten në orën 11:40 në një spital në Santa Barbara, Kaliforni.

Në deklaratën e çiftit theksohet se nëna dhe vajza gëzojnë shëndet të plotë.

Ajo është stërnipi i 11-të i Mbretëreshës dhe është e teta në radhë për në fron. Në një mesazh falënderimi në faqen e internetit të çiftit Archewell, ata thanë:

“Më 4 qershor, ne u bekuam me ardhjen e vajzës sonë, Lili. Ajo është më shumë sesa mund ta imagjinonim ndonjëherë dhe ne mbetemi mirënjohës për dashurinë dhe lutjet që kemi ndjerë nga e gjithë globi.

Faleminderit për mirësinë dhe mbështetjen tuaj të vazhdueshme gjatë kësaj kohe shumë të veçantë për familjen tonë”.