Sekretari i Departamentit Amerikan të Shtetit, Marco Rubio ka uruar Shqipërinë dhe shtetin islamik të Mauritanisë për ’28 Nëntorin’, datë e cila ka shënuar pavarësinë e këtyre dy vendeve, por mesazhi i kryediplomatit amerikan ka një diferencë të madhe në përmbajtje.
Në postimin e DASH për Pavarësinë e Shqipërisë, urohet populli shqiptar, duke e përjashtuar qeverinë nga ky mesazh, si dhe theksohet partneriteti me forcat shqiptare të rendit, duke kërkuar përballimin e kërcënimeve nga grupeve kriminale transnacionale, si dhe kartelet e trafikut të drogës dhe atyre që bashkëpunojnë me to.
Nga ana tjetër, në mesazhin për shtetin islamik të Mauritanias, DASH ka uruar popullin dhe qeverinë me rastin e 65-vjetorit të pavarësisë, si dhe ka vlerësuar rolin e saj në mbështetjen e stabilitetit në Sahel, si dhe paqen dhe begatinë që i sjell rajonit.
Duke krahasur këto dy urime për dy shtete partnere të SHBA, dallohet qartë diferenca e vlerësimit amerikan duke ndarë popullin nga qeveria e Shqipërisë, e cila tashmë ndodhet e pushtuar nga krimi i organizuar, korrupsioni dhe kartelet e drogës, si dhe roli i saj i dobësuar në rajon dhe nga ana tjetër, një vlerësim maksimal për popullin dhe qeverinë e Mauritanias, për shembullin e begatisë dhe paqes që i sjell rajonit.
Më poshtë gjeni dy urimet e DASH për Mauritanian dhe Shqipërinë.
Urimi i DASh për Mauritanian:
Marco Rubio, Sekretari i Shtetit
Dita Kombëtare e Mauritanisë
Deklaratë për Shtyp
28 Nëntor 2025
Në emër të Shteteve të Bashkuara të Amerikës, dua të uroj popullin e Republikës Islamike të Mauritanisë me rastin e 65-vjetorit të pavarësisë së vendit tuaj.
Me këtë rast, riafirmojmë partneritetin dhe miqësinë tonë të vazhdueshme me Qeverinë dhe popullin e Mauritanisë. Mauritania luan një rol thelbësor në mbështetjen e stabilitetit në Sahel, dhe Shtetet e Bashkuara vlerësojnë shembullin e begatisë dhe paqes që Mauritania i sjell rajonit. Pres me padurim thellimin e bashkëpunimit tonë në fusha me interes të përbashkët që do të forcojnë marrëdhëniet tona dypalëshe dhe do të rrisin sigurinë dhe mirëqenien e të dy kombeve tona.
Urimi i DASH për Shqipërinë:
Shtetet e Bashkuara dhe Shqipëria gëzojnë një partneritet të fortë, të ndërtuar mbi angazhimin e përbashkët për një të ardhme më të sigurt e të begatë. Aleanca jonë në NATO është themeli i mbrojtjes sonë reciproke dhe ne e mirëpresim investimin e shtuar të Shqipërisë për sigurinë tonë të përbashkët.
Gjithashtu, partneriteti ynë me forcat ligjzbatuese shqiptare i bën qytetarët tanë më të sigurt teksa ne përballemi me kërcënimet që paraqiten prej grupeve kriminale ndërkombëtare, karteleve të trafikut të drogës, si dhe atyre që bashkëpunojnë me ta. Ne gjithashtu e vlerësojmë bashkëpunimin e ngushtë në adresimin e kërcënimeve kibernetike, si dhe përgëzojmë Shqipërinë për hapat e saj domethënës në sigurinë kibernetike.
Teksa shënojmë këtë ditë të veçantë, ne presim të zgjerojmë bashkëpunimin tonë në fushën e sigurisë, lidhjet ekonomike dhe miqësinë e qëndrueshme me Shqipërinë.
SPAK jep detaje për operacionin kundër rrjetit të narkotrafikut
