Aksident i rëndë me pasojë vdekjen e një personi është regjistruar ketë të premte, 22 maj, në aksin rrugor Lezhë–Rrilë, pranë kryqëzimit të Rrilës në vendin e quajtur “Emanuel Gaz”.

Raportohet se një automjet  është përplasur me një motomjet dhe për pasojë drejtuesi i motomjetit ka humbur jetën.

Në vendngjarje kanë mbërritur shërbimet e policisë dhe ambulanca, ndërsa grupi hetimor po punon për zbardhjen e plotë të rrethanave dhe shkaqeve të aksidentit. Trafiku në zonë është shoqëruar me vështirësi për disa minuta.