Gjatë fjalës së tij, deputeti i PD-së, Helidon Bushati ka replikuar me Agaçin, teksa e pyeste se sa ishte numri i vendimeve të dhëna për çështjen e inceneratorit të Elbasanit.

Deputeti pyeti Agaçin sesa miratime janë dhënë brenda datës 16 dhjetor 2014 për draft-kontratën e lidhur për inceneratorin e Elbasanit. Sekretari i Kryeministrisë tha se nuk mundet që të dijë për shkak të fluksit të punës sesa miratime ka marrë kjo kontratë.

Pjesë nga dëshmia
Helidon Bushati:

Sa miratime për draftkontratën që është bashkëlidhur vendimit Nr.907 keni marrë brenda datës 16.12.2014 nga ministri dhe institucionet qendrore?

Engjëll Agaçi: I nderuar z.deputet, e përsëris përgjigjen time. Përgjigja ime është e njëjta me atë parë. Është e pamundur për zyrën e Sekretarit të Përgjithshëm të dijë sesa vendime merren dhe me qindra dhe mijëra institucione çdo ditë në aktivitetin e qeverisë shqiptare. Ajo e cila është detyrimi im ligjor dhe iu përgjigja. Pyetja juaj e mori përgjigjen. Por nuk kam përgjigje tjetër.

Helidon Bushati: Ju falënderoj për mospërgjigjen. Por një sekretar i Përgjithshëm që e ka në detyrën e tij funksionale ka edhe përgatitjen e dosjeve që hyjnë per diskutim në Kryeministei dhe për çështjen më të rëndësishme që diskutohet sot në Shqipëri, që ka ardhur këtu për të dëshmuar, nuk di sesa miratime janë marrë. Ndërkohë që kolegët e opozitës kanë dalë në media duke deklaruar që janë marre 17 miratime nga ministri dhe institucione brenda ditës per nje kontrate 47 faqe. Është e pamendueshme që të niset nga Ministria e Mjedisit, të shkojë në një ministri tjetër. Të ngrihet drejtoria Juridike ta shqyrtojë, 47 faqe, të kuptojë sa eshte e ligjshme apo jo. Te përgatisë pergjigjen dhe t’ia ktheje Keshillit te Ministrave. E gjitha kjo bëhet fjalë brenda 8 orarit të punës. 17 miratime brenda ditës.