Dritan Rexhepi, i njohur si trafikanti shqiptar që përmbyti Europën me drogë është liruar nga burgu në Ekuador. Lajmi ka qarkulluar në disa media pasditen e kësaj të marte, megjithatë kjo nuk është konfirmuar zyrtarisht. Nga ajo që thuhet është se lirinë e ka fituar me kusht për të mos dalë nga Ekuadori, ku prej javësh paraqitet pranë autoriteteve dhe mbahet në vëzhgim prej tyre, për shkak të frikës së arratisjes pasi rezulton në kërkim nga të paktën 3 shtete (Shqipëri, Spanjë dhe Itali).