Aktualisht seanca është shtyrë, ndërsa familjarët e të miturit po qëndrojnë në oborr. Disa prej tyre kanë folur për mediat, ndërsa kanë zbuluar detaje tronditëse lidhur me vrasësin.

Njëra nga të afërmet e djalit deklaroi se autori, pasi kishte vrarë të miturin, i pyeste familjarët “a e gjetët djalin”.

“Na pyeste, e gjetët djalin. Por ne nuk na shkonte mendja. Shyqyr që ishin kamerat e shtëpisë, që e nxorën të drejtën e djalit me anë të biçikletës, se ne nuk do dinim se ku është djali. Pse nuk ka varje për këta kriminale? Ai do hajë nga taksat tona. Do punojmë prapë për kriminelin ne? Ai në burg është si në hotel. Ai atë kërkonte. Si mund të na merrte djalin. Një ditë do të vijë. Mund të jetë risku i çdo fëmijë tjetër. Jo vetëm i joni. Dorë e mallkuar, na mori djalin. Vetëm varje. Kaq! Nuk ka rrugë tjetër. Të çohet gjithë populli për atë engjëllin e vogël. Nuk kemi më lot. Vetëm zemrat tona e dinë se çfarë po vuajmë”, deklaroi e afërmja e 8 vjeçarit.

Ata patën një mesazh edhe për kryeministrin Edi Ramën.

“Edi Rama del dhe thotë nuk ka ligj me varje. Po pse more kryeministër. Pse? Mund të ndodhë prapë”, tha e afërmja e viktimës.