Një veprim i tillë vjen një ditë pasi Moska tha se ushtria ukrainase kishte përdorur edhe dronë amerikanë ATACMS. Sulmet janë raportuar nga disa media ruse dhe janë konfirmuar nga një zyrtar i ushtrisë ukrainase.

Vendimi i Kievit i mbështetur nga aleatët perëndimorë vjen si përgjigje ndaj vendosjes së më shumë se 10 mijë trupave koerano verior në fushë betejë nga ana e Rusisë.

Rraketat britanike të lëshuara nga Kievi duket se po ndezin edhe më shumë tensionet.
Stafi i ambasadës irlandeze në Kiev është udhëzuar të punojë nga shtëpia ndërkohë ajo amerikane ka mbyllur dyert këtë të mërkurë për shkak të kërcënimit për një sulm të mundshëm.

“Ambasada e SHBA-ve në Kiev ka marrë informacione për një sulm të mundshëm ajror më 20 nëntor. Në shenjë kujdesi, Ambasada do të mbyllet dhe punonjësit e Ambasadës po udhëzohen të strehohen. Ambasada e SHBA rekomandon që qytetarët amerikanë të jenë të përgatitur të strehohen menjëherë në rast të një alarmi për sulm ajror”, ishte njoftimi i ambasadës.

Rusia ka muaj që e paralajmëron Perëndimin se, nëse Uashingtoni e lejon Kievin të përdorë raketa amerikane, britanike dhe franceze në brendësi të territorit rus, atëherë Moska do t’i konsiderojë këto vende si të përfshira drejtpërdrejt në luftën në Ukrainë.