Punonjësi i policisë në burgun 313 u rrah nga tre persona me shkopa bejsbolli mëngjesin e kësaj të shtune sapo doli nga shtëpia e tij në Yzberisht.

Gjatë përleshjes, Arbër Labi u përpoq të largonte agresorët duke ju drejtuar armën e shërbimit, por ata ia morën nga dora.

Efektivi u dërgua në spitalin e Traumës, ku ndodhet jashtë rrezikut për jetën, ndërsa autorët e dhunës janë në kërkim.

Sherri dyshohet se ka ndodhur për shkak të detyrës të Arbër Labit.