Një mision i dyfishtë për Sylvinhon, që krahas mbështetjes për Brazilin e tij, do të monitorojë nga afër edhe Spanjën, kundërshtarin e Shqipërisë në ndeshjet e grupeve të Europianit Gjermani 2024.

Natyrisht bëhet fjalë për një nga skuadrat favorite të Europianit, ndaj të cilëve do të jetë padyshim e vështirë, megjithatë Sylvinho do të provojë që nga tribuna, të evidentojë ndonjë dobësi të “Furia Roja-s” për ta shfrytëzuar më pas në Gjermani.

Në këtë mision Sylvinho shoqërohet edhe nga ndihmësit e tij Pablo Zaballeta e Doriva, teksa vlen të theksohet se Shqipëria do të përballet me Spanjën më 24 qershor në Dusseldorf, në ndeshjen e tretë dhe të fundit të fazës së grupeve. /ZOOM.AL/