Autori i ngjarjes në Çukas i Vjetër të Lushnjës rreth orës 08:00 të mëngjesit, Nazif Musai, ka deklaruar se për konfliktin me të vëllanë, Hazizin, ishte ankuar në polici, por se blutë i kanë sugjeruar që konfliktin ta zgjidhnin me qetësi me njëri-tjetrin.

Gjithashtu, 77-vjeçari deklaroi se i vëllai mëngjesin e kësaj të mërkure i ka prerë rrugën dhe më pas e ka qëlluar me sëpatë në dorë, ndërsa ai është kundërpërgjigjur duke e qëlluar me armë zjarri.

Kujtojmë se konflikti mes dy vëllezërve ka nisur për motive pronësie, për një rrugë ku kalonin.

Nazifi, 78 vjeç dhe Azizi, 70 vjeç janë konfliktuar fizikisht. Pas përdorimit te sendeve te forta, situata ka degjeneruar deri në përdorim të armës.

Sipas hetimeve paraprake, rezulton se viktima në dinamikën e sherrit ka sulmuar i pari, teksa i vëllai në gjaknxehtësi e qëlloi me armë. /ZOOM.AL/