Vrasësi i ish-kryeministrit të Japonisë, Shinzo Abe, është dënuar me burgim të përjetshëm, tre vjet e gjysmë pasi qëlloi për vdekje ish-liderin gjatë një tubimi në qytetin e Narës në vitin 2022.
Vetë Tetsuya Yamagami u deklarua fajtor për krimin në hapjen e gjyqit vitin e kaluar, por dënimi i tij ka ndarë opinionin publik në Japoni. Ndërsa shumë e shohin 45-vjeçarin si një vrasës gjakftohtë, disa e simpatizojnë.
Por Prokurorët deklaruan se Yamagami meritonte burgim të përjetshëm për “aktin e tij të rëndë”.
Vrasja e Abes tronditi vendin ku praktikisht nuk ka krim me armë.
Përkushtimi i nënës së tij ndaj Kishës së Unifikimit e falimentoi familjen dhe Yamagami mbajti mëri ndaj Abes pasi kuptoi lidhjet e ish-udhëheqësit me kishën kontroverse.
Gati 700 njerëz u rreshtuan jashtë gjykatës së distriktit të Narës të mërkurën për të marrë pjesë në seancën e dënimit.
Vdekja tronditëse e Abes ndërsa mbante një fjalim në mes të ditës nxiti hetime mbi Kishën e Unifikimit dhe praktikat e saj të dyshimta, duke përfshirë kërkimin e donacioneve financiarisht shkatërruese nga ithtarët e saj.
Çështja gjithashtu zbuloi lidhje me politikanë nga Partia Liberale Demokratike në pushtet e Japonisë dhe rezultoi në dorëheqjen e disa ministrave të kabinetit./Zoom.al
Kursi i këmbimit: Çmimet e euros dhe dollarit në blerje e shitje
