Pasditen e kësaj të hëne, vëllai i tij, Arbër Veliaj udhëtoi drejt Durrësit, për të takuar Erion Veliajn, i cili që prej të enjtes, u transferua në qelitë e paraburgimit në Durrës, për të qëndruar në masën e sigurisë “Arrest në burg” për një afat të pacaktuar.

Arbër Veliaj u akuzua këtë të hënë nga kryetari i PD-së, Sali Berisha se ka fakte se edhe ai është i përfshirë në afera, duke paralajmëruar publikimin e tyre në ditët në vijim.

“Kam shumë të dhëna për Arbër Veliajn, por po pres njëherë se ç’po bëjnë me të. Edhe unë kam ato limitet e mia, kufizimet e mia në funksion të strategjisë së marrëdhënieve publike që përdor. Po, normalisht, jo vetëm ju, edhe unë kam të drejtë. Por absolutisht ai është gjer tek veshët”, tha Sali Berisha.