Aplikacion
Edhe sot, Emili i ka qëndruar versionit që ka deklaruar më herët, duke ngritur dyshime për shoferin e kazinos ku punonte Joy, Rodi Barçi.
Emili ka pohuar se Joy i ka treguar asaj shantazhet që shoferi i kishte bërë kohët e fundit, për të vijuar lidhjen me njëri-tjetrin. E reja thekson se ka dyshime që në ngjarje të jetë i përfshirë Barçi dhe persona të tjerë, por pa folur për persona specifikë.
Ndërsa për shantazhet e Joy-t, ajo tregon se është vënë në dijeni pak ditë para se të ndodhte ngjarja në gusht 2022.
Shoferi i kazinosë ku punonte 22-vjeçarja nga Kenia Joy Aoko u mor në pyetje dy ditë më parë për disa orë në lidhje me dyshimet e hetuesve se mund të ketë gisht në dhunimin e të resë. 32-vjeçari, Rodi Barçi deklaroi se ka qenë i lidhur me Joy-n, por në momentin kur ka ndodhur ngjarja, kanë qenë të ndarë dhe nuk kishin më të bënin me njëri-tjetrin./ Zoom.al