Aplikacion
Gjithashtu në media u raportua se akuzohet se “mbyti” Firencen me drogë. Më parë kishte edhe dosjet e arratisjeve nga burgu në Itali, vitet 2011 dhe 2013, para se të vendosej në Ekuador dhe cilësohej si mjeshtri i arratisjeve. Tani konfirmohet arrestimi në Turqi për hesap të Italisë, ku do ekstradohet fillimisht, teksa e kërkojnë Ekuadori, Anglia, Belgjika dhe gjithashtu Shqipëria.
Por gjykata rrëzoi akuzat e “supershoqatës” mes tre karteleve. Kartelet shqiptare importonin kokainë në Itali dhe veçanërisht në Firence, falë një rrjeti ndërkombëtar të lidhur midis Ekuadorit dhe Evropës.
Por hipoteza akuzuese e një “supershoqate kriminale”, e lindur nga një pakt mes klaneve, nuk qëndroi para gjyqtares së çështjes Silvia Romeo. Hetimet për këtë çështje kishin nisur që në vitin 2015 dhe çuan në sekuestrimin e 5 milionë euro e gjysmë dhe 4 tonë kokainë.
Ato ishin përqëndruar fillimisht në një qelizë fiorentine, ekzistenca e së cilës ishte zbuluar duke hetuar një episod në dukje të parëndësishëm në lidhje me një përleshje të dhunshme mes subjekteve të lidhura me shfrytëzimin e prostitucionit që shpërtheu në via delle Medaglie d’Oro, në Rifredi.
Kujtojëm se Rexhepi është i dënuar nga disa vende, për çështje të ndryshme penale, duke nisur nga trafiku ndërkombëtar i drogës, te vrasjet dhe arratisjet e bujshme nga burgjet. Pritet që edhe ministria e Drejtësisë shqiptare dhe Interpol Tirana, t’i dorëzojnë Stambollit dosjen për ekstradim, por duket se Italia do të jetë më e shpejtë. /ZOOM.AL/