Aplikacion
Harry, sipas raporteve të shtypit britanik, do të kishte dashur një ribashkim me William, por në vend të kësaj, ai kaloi natën e tij të parë në Mbretërinë e Bashkuar në një hotel.
Edhe pse nuk ka plane në axhendë që dy vëllezërit të takohen gjatë qëndrimit të Harryt në Britani, miku i tyre i përbashkët Mark Dyer – mund të veprojë si ndërmjetës për të bërë takimin mes tyre.
Besohet se William aktualisht është i fokusuar në kujdesin për gruan e tij Kate, e cila po rikuperohet nga operacioni i fundit në bark.
Harry, megjithatë, nuk e kaloi natën në asnjë rezidencë mbretërore, pasi u dëbua nga Frogmore Cottage vitin e kaluar. Sipas mediave britanike, ai ka qëndruar në një hotel luksoz.
Harry nuk pritet të qëndrojë gjatë në Londër dhe do të kthehet në shtëpi në Montecito, Kaliforni, ku e presin gruaja e tij Meghan Markle dhe dy fëmijët, Archie, katër vjeç dhe Lilybet, dy vjeç.
Takimi me Charles
Princi Harry pati takimin e tij të parë me Mbretin Charles që nga viti 2022 dje dhe sipas redaktorit mbretëror të Sun, Matt Wilkinson, ky ribashkim baba-bir “zgjati më pak se 45 minuta”.
Duka i Sussex-it u fotografua duke mbërritur në Clarence House rreth orës 15:15 (me orën lokal), pasi u çua atje me një shoqërim policie pas fluturimit të tij 11-orësh nga Los Angeles.
Është hera e parë që Harry e sheh babanë e tij që nga kurorëzimi i tij nëntë muaj më parë. Mbreti dhe mbretëresha u panë duke përshëndetur turmat teksa largoheshin nga rezidenca e tyre zyrtare.
Monarku 75-vjeçar u çua në një Bentley me Mbretëreshën Camilla nga Clarence House në Buckingham Palace.
Një helikopter u ngrit më pas nga pallati, me mbretin Charles që u ul në Sandringham, Norfolk, ku do të vendoset monarku i Britanisë gjatë trajtimit të tij mjekësor. Burimet e Pallatit thanë se mbreti tani do të kalonte pjesën më të madhe të kohës në rezidencën e tij në vend, duke u kthyer në Londër vetëm një herë në javë për biznes dhe trajtim të mëtejshëm.
Buckingham Palace tha se kanceri u zbulua gjatë trajtimit të tij të fundit për një prostatë të zmadhuar. Ishte një “çështje e veçantë” dhe jo kanceri i prostatës, vuri në dukje ai. Pallati tha se mbreti filloi “trajtimet e rregullta” të hënën.
Marrëdhënia e mbretit me djalin e tij më të vogël është tensionuar seriozisht që nga vendimi i Harry-t për t’u larguar nga detyrat mbretërore në vitin 2020 dhe shprehu ankesa të ndryshme kundër familjes mbretërore në një seri intervistash.
Kujtimet e diskutueshme Spare, shkruar nga Harry, i dëmtuan më tej lidhjet e tij me babanë dhe vëllain e tij, duke pretenduar se Uilliam e sulmoi fizikisht dhe se Mbreti i vuri interesat e tij mbi interesat e Harryt.