“Të gjithë shtetasit indianë, përfshirë studentët, këshillohen të largohen urgjentisht nga Kievi sot. Mundësisht me trena të disponueshëm ose me çdo mjet tjetër të disponueshëm”, shkroi ambasada në Twitter.

Më pak se 24 orë më parë, ambasada kishte këshilluar qytetarët indianë që të “qëndronin të qetë, paqësor dhe të bashkuar”, duke u kërkuar atyre të qëndronin të duruar pasi priten turma të mëdha në stacionet hekurudhore. Njoftimi vjen pas raportimeve të studentëve indianë që dyshohet se janë ngacmuar ndërsa përpiqeshin të kalonin kufirin e Ukrainës në vendet fqinje. Në përgjigje të një pyetjeje në lidhje me ngacmimet e supozuara, Arindam Bagchi, zëdhënës i Ministrisë së Punëve të Jashtme të Indisë, tha gjatë një konference për shtyp të hënën se ata vazhdojnë të flasin me ambasadorët e Rusisë dhe Ukrainës për të garantuar sigurinë e indianëve.