Aplikacion
Gjykata e Posaçme e Apelit për Korrupsionin dhe Krimin e Organizuar, njoftoi sot se mori vendimin për lënien në fuqi të masave. Të arrestuar janë ish-drejtorët Mariglen Qato, Redi Molla dhe Taulant Tushe, drejtorët më të rëndësishëm në institucionin e bashkisë, që po përballen me gjykatën dhe SPAK-un. Kurse 8 të tjerë janë me masa të buta sigurie si arrest shtëpie dhe detyrim paraqitjeje.
Njoftimi i GJKKO:
“E përbërë me trup gjykues monokratik, të përbërë nga gjyqtari Florjan Kalaja, shpalli vendimin mbi çështjen penale nr. 18 akti, datë 29.04.2024 regjistrimi, mbi ankimet e personave nën hetim R.M., M.Q., T.T., J.Z. dhe E.Z., me objekt: “Ankim ndaj vendimit nr. 28, datë 28.03.2024, verifikuar me vendimin nr. 35, datë 30.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal, dhe vendosi:
Miratimin e vendimit nr. 28, datë 28.03.2024 të Gjykatës së Posaçme të Shkallës së Parë për Korrupsionin dhe Krimin e Organizuar, përsa i përket disponimeve kundrejt apeluesve z. J.Z., z. T.T., znj. E.Z., z. M.Q. dhe z. R.M.
Miratimin e vendimit nr. 35, datë 30.03.2024 të të Gjykatës së Posaçme të Shkallës së Parë për Korrupsionin dhe Krimin e Organizuar, përsa i përket disponimeve kundrejt apeluesve z. J.Z., z. T.T., znj. E.Z., z. M.Q. dhe z. R.M.
Kundër këtij vendimi mund të ushtrohet rekurs në Gjykatën e Lartë brenda 45 ditëve, duke nisur ky afat nga dita e nesërme e njoftimit të vendimit të arsyetuar”, thuhet në vendimin zyrtar të GJKKO-së. /ZOOM.AL/
Skandal në RTSH/ Akuzat për ngacmim, dalin bisedat e Pezës dhe Tafanit: Do e marrësh ti në dorë?