Agjencia e monitorimit të tërmeteve të Tajvanit tha se tërmeti i mëngjesit të së mërkurës ishte me magnitudë 7.2 të shkallës Rihter, ndërsa Shërbimi Gjeologjik i SHBA-së e vlerësoi atë në 7.4 dhe agjencia meteorologjike e Japonisë 7.7.

Katër persona kanë vdekur dhe të paktën 57 janë plagosur në Hualien të Tajvanit lindor, ku ishte edhe epiqendra e tërmetit.

Ndërkohë, më shumë se 87,000 familje ishin pa energji elektrike, sipas furnizuesit të energjisë elektrike të Tajvanit.

Shërbimet e trenave në të gjithë ishullin u pezulluan, ashtu si edhe metroja.

Një ndërtesë pesë-katëshe në Hualien u dëmtua rëndë. Kati i parë u shemb, duke lënë pjesën tjetër të mbështetur në një kënd 45 gradë.