Atyre u ndalohet të hynë në kazino, nuk duhet të të organizojnë festa me personelin apo persona të tjerë me fonde të buxhetit të  shtetit.

Ndryshimet e kodit etik ndalojnë tashmë edhe frekuentimin e bareve dhe restoranteve me përjashtim të ditëve të pushimit dhe festave zyrtare, apo në raste të veçanta për arsye pune, të bëra me dije më parë.

Anëtarëve të kabinetit nuk u lejohet të udhëtojnë në first class apo business class në Europë dhe as personeli që e shoqëron në udhëtime të ndryshme

Me anë të ndryshimeve të fundit ministrat nuk  do të  pranojnë bileta udhëtimi të paguara nga një person apo kompani private për veten apo për familjarët.

Tashmë anëtarët e kabinetit qeveritar nuk mund të përdorin sallën VIP të aeroportit për familjarët e vet, në rast se nuk udhëton ai vetë apo të udhëtojë me automjetin zyrtar për familjarët e vet dhe nga familjarët e vet, kur nuk është vetë i pranishëm në automjet.

Ndër të tjera kabineti Rama  ndalohet të zhvillojë takime me përfaqësues të biznesit apo grupeve të interesit pa praninë e dy nëpunësve të lartë të ministrisë përkatëse dhe pa mbajtur minutat e takimeve, regjistrimin e identitetit të personave të përfshirë në këto takime, si dhe evidentimin e çështjeve të diskutuara .

Në të kundërt, zyrtari përballet me një paralajmërim për shkarkim nga detyra si dhe  shkarkim nga detyra në rast të shkeljeve të rënda .\zoom.al