Aplikacion
Kjo është rritja më e madhe vjetore që nga viti 2009, nënvizon Instituti. Të 10 vendet me shpenzimet më të larta ushtarake në botë i kanë rritur në masë të madhe. Lufta Rusi-Ukrainë shihet si arsyeja kryesore e rritjes spektakolare të shpenzimeve.
“Të gjitha rajonet që ne studiojmë kanë pësuar një rritje”, thuhet në raportin i cili zbulon se “bota ndihet më pak e sigurt dhe ndoshta po përdor masa të ashpra për sigurinë e tyre dhe jo mjete diplomatike,” i tha Agjencisë Gjermane studiuesi i SIPRI, Lorenzo Scarazzato.
SHBA mbetet deri tani numri një në botë, me shpenzimet ushtarake që arrijnë në 916 miliardë dollarë. Kjo është më shumë se një e treta – 37% – e shpenzimeve ushtarake globale dhe afërsisht tre herë më shumë se vendi i dytë, Kina.
Pekini shpenzoi rreth 296 miliardë dollarë për forcat e armatosura të Kinës, ose rreth 12 për qind të shpenzimeve ushtarake globale, 6 për qind më shumë nga viti në vit, sipas Institutit.
Me fjalë të tjera, SHBA-ja dhe Kina përbënin pothuajse gjysmën e shpenzimeve ushtarake globale vitin e kaluar.
Shtatë vendet e para në renditje mbetën të pandryshuara nga viti 2022, sipas raportit. Rusia mbeti në vendin e tretë, e ndjekur nga India dhe Arabia Saudite. Gjermania u rendit e 7-ta, pak pas Britanisë.
Ja shtetet që shpenzuan më shumë në vitin 2023
Dasma më luksoze në histori, e njeriut më të pasur të Indisë. 139 mln euro dhe qindra të ftuar VIP